ප්‍රවීණ ආර්ථික සහ රාජ්‍ය ප්‍රතිපත්ති විශේෂඥවරියකවන ආචාර්ය රොෂෑන් ඈන් පෙරේරා මහත්මිය 2021 ජුලි මස 05 වනදා සිට බලපැවැත්වෙන පරිදි ස්වාධීන විධායක නොවන අධ්‍යක්ෂ ධුරයට පත් කෙරුණු බව යුනියන් බෑන්ක් ඔෆ් කලම්බෝ අධ්‍යක්ෂ මණ්ඩලය නිවේදනය කළේය.

ආචාර්ය පෙරේරා මහත්මිය මුල්‍ය සහ පොදු දේපොළ සම්බන්ධව රාජ්‍ය ප්‍රත්තිපත්ති ක්ෂේත්‍රයේ වසර 20 කට අධික අත්දැකීම් සම්භාරයකට හිමිකම් කියයි. ඊට අමතරව මුල්‍ය ආයතන නියාමනය සහ අධීක්ෂණය මෙන්ම අවදානම් කළමනාකරණ ප්‍රතිපත්ති පුළුල් කිරීම සම්බන්ධව ද ඇය කටයුතු කර ඇත. ශ්‍රී ලංකා මහ බැංකුවේ අධ්‍යක්ෂවරියක ලෙස කටයුතු කළ ඇය මේවන විට දෙස්-විදෙස් බහුපාර්ශ්වික නියෝජිත ආයතනවල ස්වාධීන උපදේශිකාවක ලෙස කටයුතු කරයි. ආචාර්ය පෙරේරා මහත්මිය ප්‍රතිපත්ති අධ්‍යයන ආයතනය සහ ශ්‍රී ලංකා අධ්‍යක්ෂවරුන්ගේ ආයතනය ආදී ආයනත රැසක අධ්‍යක්ෂ ධුර දරා ඇත. මේවන විට ඇය සෙංකඩගල ෆිනෑන්ස් ආයතනයේ අධ්‍යක්ෂ මණ්ඩල සාමාජිකාවක ලෙස කටයුතු කරයි.

ඇමරිකා එක්සත් ජනපදයේ හාවර්ඩ් විශ්වවිද්‍යාලයේ ජෝන් එෆ්. කෙනඩි රාජ්‍ය ශාස්ත්‍රාලයේ එඩ්වර්ඩ් එස් මැන්සන් අධිශිෂ්‍යත්ව ලාභිනියක ලෙස ආචාර්ය පෙරේරා මහත්මිය රාජ්‍ය පරිපාලන අංශයේ ආචාර්ය උපාධිය සම්පූර්ණ කර ඇත. ඊට අමතරව, ඕස්ට්‍රේලියාවේ මෙල්බෝර්න් විශ්වවිද්‍යාලයේ ආර්ථික විද්‍යාව පිළිබඳ දර්ශනවේදී උපාධිය, ඇමරිකා එක්සත් ජනපදයේ චිකාගෝ ඉලිනොයිස් විශ්වවිද්‍යාලයේ පාරිසරික භූගෝලවිද්‍යාව පිළිබඳ ආචාර්ය උපාධිය මෙන්ම කොළඹ විශ්වවිද්‍යාලයේ ආර්ථික විද්‍යාව පිළිබඳ ශාස්ත්‍රවේදී උපාධිය ද ඇය හිමිකරගෙන ඇත.

සිය පාරිභෝගික ජනතාවගේ බැංකුකරණ පහසුව වෙනුවෙන් තාක්ෂණය පුළුල් කිරීම සඳහා දක්වන අඛණ්ඩ කැපවීමේ තවත් එක් පියවරක් ලෙස යුනියන් බැංකුව, ඕනෑම ජංගම දුරකථනයකින් ප්‍රවේශ විය හැකි පුළුල් ජංගම බැංකුකරණ පහසුකමක් ලෙස Missed Call බැංකුකරණ සේවාව පසුගියදා හඳුන්වා දුන්නේය.

යුනියන් බැංකුවේ Missed Call බැංකුකරණ සේවාව යනු, සිය ජංගම දුරකථනයට තම ගිණුමේ ශේෂය ලබා ගැනීම සඳහා ගිණුම් හිමියන් වෙත හඳුන්වා දී ඇති ක්ෂණික සහ ආරක්‍ෂිත කෙටි පණිවිඩ (SMS) සේවාවකි.
යුනියන් බැංකුවේ SMS පණිවිඩ සේවාවට ලියාපදිංචි වීමෙන් ගිණුම් හිමියන් හට එම සේවාව ලබාගත හැකිය. ගිණුමක් ආරම්භ කරන මොහොතේදී සක්‍රිය කර ගැනීම හරහා හෝ ඉහත සේවාව වෙනුවෙන් ඇති අයදුම් පත්‍රය සම්පූර්ණකර බාර දීමෙන් ද ඒ සඳහා ලියාපදිංචි විය හැකිය. තවද, බැංකු ගිණුමේ ශේෂය ඇතුළු තම සක්‍රීය ගිණුම් සම්බන්ධ වෙනත් තොරතුරු ද කෙටි පණිවිඩ ලෙස ලබා ගැනීමේ හැකියාව පවතී. ලබා දී ඇති කේතය භාවිතකර 0115 800 700 අංකයට ‘missed call’ එකක් ලබා දීමෙන් හෝ කෙටි පණිවිඩයක් යොමු කිරීමෙන්, ඉල්ලා සිටි ගිණුම් තොරතුර SMS පණිවිඩයක් ලෙස ලබාගත හැකිය.

පවතින වසංගත තත්ත්වය තුළ බාහිර පරිසරයට නිරාවරණය නොවී සිය බැංකු තොරතුරු පරික්ෂාකර ගැනීමේ මහඟු අවස්ථාව යුනියන් බැංකුවේ Missed Call සහ SMS බැංකුකරණ සේවාව මගින් පාරිභෝගිකයන් වෙත හිමිකර දී ඇත.
“පාරිභෝගිකයින් හට විශිෂ්ට බැංකුකරණ පහසුවක් අත්කර දීම සඳහා වඩාත් සරළ සහ පිරිවැය කාර්යක්ෂම ඩිජිටල් බැංකුකරණ විසඳුම් ලබාදීම සඳහා යුනියන් බැංකුව නිබඳව කටයුතු කරනවා. යුනියන් බැංකුවේ Missed Call බැංකුකරණ සේවාව එම ප්‍රයත්නයේ තවත් එක් පියවරක්වන අතර එමගින් පාරිභෝගිකයින් හට තම ගිණුමේ ශේෂය සහ අනෙකුත් යාවත්කාලීන තොරතුරු ඕනෑම මොහොතක, ඕනෑම ස්ථානයක සිට තම ජංගම දුරකථනයට ගෙන්වා ගැනීමට හැකියාව ලැබෙනවා. ක්ෂණිකව ගිණුම් තොරතුරු ලබාගත හැකි මෙම සේවාව කාලය ඉතිරිකරන, විශ්වසනීය සේවාවක් ලෙස පාරිභෝගිකයින්ගේ බැංකුකරණ අත්දැකීම සැලකිය යුතු අන්දමින් වැඩිදියුණු කරනු ඇති බව අපගේ විශ්වාසයයි,” යනුවෙන් යුනියන් බැංකුවේ පාරිභෝගික බැංකුකරණ අංශයේ උප සභාපතිනී චායා ජයවර්ධන මහත්මිය සඳහන් කළාය.

යුනියන් බැංකුවේ Missed Call බැංකුකරණ සේවාව හරහා බැංකුවේ පුද්ගලික සහ ජංගම ගිණුම් හිමියන් හට වැදගත් මුදල් හුවමාරු සිදු කිරීමට පෙර ළඟම පිහිටි ATM යන්ත්‍රයකට ගොස් හෝ පාරිභෝගික සේවා අංශයට ඇමතීමෙන් තොරව සිය ගිණුමේ ශේෂය පරික්ෂාකර ගැනීමේ හැකියාව උදාකර දී ඇත. ඕනෑම මොහොතකදී සිය ගිණුමේ ශේෂය පරික්ෂා කිරීම සඳහා ගිණුම් හිමියන් හට 0115 800 700 අංකයට ‘missed call’ එකක් ලබා දීමට හෝ ‘Bal’ ලෙස ටයිප්කර එම අංකයට කෙටි පණිවිඩයක් යොමු කිරීමට හැකිය. දෛනිකව ගිණුම් තොරතුරු ලබා ගැනීමට අවශ්‍ය ගිණුම් හිමියන් හට ලියාපදිංචි සේවාවක් ද ලබාගත හැකිය. ඒ සඳහා M100 ලෙස ටයිප් කර අදාළ අංකයට යොමු කිරීමෙන් දින 30 ක් පුරා දිනකට එක් වරක් බැගින් ගිණුම් තොරතුරු ලබාගත හැකිය. M150 ලෙස ටයිප් කර යොමු කිරීමෙන් දිනකට දෙවරක් බැගින් ගිණුම් තොරතුරු ලබාගත හැකි අතර එම සේවාව අඛණ්ඩව සිය ගිණුම්වල ශේෂය, චෙක්පත්වල තත්ත්වය ආදී තොරතුරු ලබා ගැනීමේ අවශ්‍යතාවක් පවතින ගිණුම් හිමියන්ට වඩාත් සුදුසු වේ. එක් ගිණුම් හිමියෙකුට ගිණුම් තුනක් දක්වා මෙම සේවාවට ඇතුළත් කළ හැකිය. තවද, ගිණුම් හිමියාගේ පහසුව සඳහා දෛනික කෙටි පණිවිඩය දවසේ නිශ්චිත වේලාවක ලබා ගැනීමේ හැකියාව ද පවතී. මෙම සේවාව ඕනෑම ජංගම දුරකථනයකින් හිමිකර ගත හැකි බැවින් එය ලබා ගැනීම සඳහා ස්මාර්ට් ජංගම දුරකථනයක් අත්‍යවශ්‍ය නොවේ.

යුනියන් බැංකුවේ ආයතනික වෙබ් අඩවිය වන www.unionb.com වෙත පිවිසීමෙන් යුනියන් බැංකුවේ Missed Call බැංකුකරණ සේවාව සහ යුනියන් බැංකුව පිරිනමන වෙනත් සේවා පිළිබඳ වැඩිදුර තොරතුරු ලබාගත හැකිය. එමෙන්ම සිය ශාඛා කළමනාකාර හෝ සබඳතා කළමනාකාර සම්බන්ධකර ගැනීමෙන් ද වැඩිදුර තොරතුරු සහ අවශ්‍ය සහයෝගය ලබාගත හැකිය.

යුනියන් බැංකුව සිය පාරිභෝගිකයන් හට බාධාවකින් තොර ගෙවීම් අත්දැකීමක් හිමිකර දීම සඳහා සිය ජංගම දුරකථන බැංකුකරණ යෙදවුමට LankaClear පහසුකම හිමිවී ඇති බව පසුගියදා නිවේදනය කළේය.

Lanka Quick Response (QR) ගෙවීම් යනු LankaClear ආයතනය විසින් නිර්මාණය කරන ලද මුදල් රහිත ගෙවීම් ක්‍රමයක්වන අතර ශ්‍රී ලංකාව තුළ QR ගෙවීම් හඳුන්වා දෙමින් ගෙවීම් කටයුතු ප්‍රමිතිකරණය කිරීම එහි අරමුණයි.

LankaQR පහසුකමින් යුතු යුනියන් බැංකු ජංගම දුරකථන යෙදවුම හරහා පාරිභෝගිකයන් හට යුනියන් බැංකු ඉතිරිකිරීමේ හෝ ජංගම ගිණුමක් හරහා ඕනෑම අනුමත අලෙවි නියෝජිතයෙකු වෙත කඩිනමින් සහ ආරක්ෂිතව ගෙවීම් සිදු කිරීමේ අවස්ථාව උදා වේ. එය කිසිඳු අවදානමකින් තොරව ක්ෂණිකව බිල්පත් පියවිය හැකි පහසු ක්‍රමවේදයක්වන අතර විශේෂයෙන් වත්මන් වසංගත කාලය තුළ මුදල් අතේ ගෙන යාමේ සහ අනවශ්‍ය ලෙස මුදල් කවුන්ටරවල රැඳී සිටීමේ අභියෝගය ජය ගැනීම සඳහා මැනවින් උපකාරී වේ.

“LankaQR පහසුකමින් සවිබල ගැන්වුණු යුනියන් බැංකු ජංගම දුරකථන යෙදවුම හරහා පාරිභෝගිකයන් හට සිය ජංගම දුරකථනය භාවිත කරමින් ඕනෑම හවුල්කාර අලෙවි නියෝජිත ආයතනයකදී කඩිනමින් බිල්පත් පියවීමේ හැකියාව හිමි වනවා. මෙමගින් අපගේ පාරිභෝගිකයන් හට දිගු පෝලිම්වල රැඳී සිටීමට ගතවන කාලය කැපීපෙනෙන මට්ටමකින් අවමකර ගත හැකි අතර සුපිරි වෙළෙඳසැල්, පාරිභෝගික භාණ්ඩ අලෙවිසැල්, ප්‍රවාහන සේවා ආදී පුළුල් පරාසයක විහිදුනු නිෂ්පාදන සහ සේවා මිලදී ගැනීම සඳහා මෙම සේවාව නොමිලේ ම භාවිත කළ හැකියි. මෙය අපගේ පාරිභෝගිකයන්ගේ ඩිජිටල් බැංකුකරණ අත්දැකීම පරිවර්තනීය වෙනසකට ලක් කිරීම සඳහා අප දක්වන කැපවීමේ තවත් ඉදිරි පියවරක්වන අතර ඉදිරියේදී තවදුරටත් පාරිභෝගිකයන් හට විශිෂ්ට බැංකුකරණ පහසුවක් හිමිකර දීම සඳහා ජංගම බැංකුකරණ යෙදවුම තවත් වැඩිදියුණු කිරීමට ආයෝජන සිදු කිරීමට ද අප බලාපොරොත්තු වනවා,” යනුවෙන් යුනියන් බැංකුවේ පාරිභෝගික බැංකුකරණ අංශයේ උප සභාපතිනී චායා ජයවර්ධන මහත්මිය සඳහන් කළාය.

LankaQR පහසුකම හරහා ගෙවීම් සිදු කිරීමට යුනියන් බැංකු පාරිභෝගිකයන් කළ යුත්තේ ‘UB Go’ ජංගම බැංකුකරණ යෙදවුම ඩවුන්ලෝඩ් කර, තම ගිණුමට ඇතුළත් වී ගෙවීම් සඳහා නිවැරදි සැකසුම් සකස් කිරීම පමණි. ගෙවීම් සිදු කිරීමේදී, අලෙවි නියෝජිත ස්ථානයේ Lanka QR සලකුණ වෙත ගොස් එහි ඇති QR කේතය ස්කෑන් කර ගෙවීම සිදු කළ හැකිය.එලෙස සිදුකරන ගෙවීම ක්ෂණිකව අලෙවි නියෝජිතයාට යොමුවන අතර ගෙවීම යොමු වූ වහාම ඒ බව තහවුරු කරමින් පාරිභෝගිකයා හට කෙටි පණිවිඩයක් යොමු කෙරේ.

මෙම පහසුකම පිළිබඳ වැඩිදුර තොරතුරු ලබා ගැනීමට හෝ UB GO යුනියන් බැංකු ජංගම දුරකථන යෙදවුමට ලියාපදිංචි වීම සඳහා යුනියන් බැංකු පාරිභෝගිකයන් හට පැය 24 පුරා ක්‍රියාත්මක 0115 800 800 පාරිභෝගික සේවා ක්ෂණික ඇමතුම් අංකය ඇමතිය හැකිය. නැතිනම් www.unionb.com යුනියන් බැංකු වෙබ් අඩවියට පිවිසිය හැකිය.

යුනියන් බැංකුවේ නව උප සභාපති ධුරය සඳහා සබ්‍රි ගවුස් මහතාත්, නව ජ්‍යෙෂ්ඨ ස්වාධීන අධ්‍යක්ෂ ලෙස ට්‍රෙවින් ප්‍රනාන්දුපුල්ලේ මහතාත් 2020 නොවැම්බර් මස 2 වනදා සිට බලපැවැත්වෙන පරිදි පත් කළ බව එම බැංකුවේ අධ්‍යක්ෂ මණ්ඩලය නිවේදනය කළේය.

2012 වසරේදී ස්වාධීන විධායක නොවන අධ්‍යක්ෂවරයෙකු ලෙස යුනියන් බැංකුව සමග සම්බන්ධ වූ ගවුස් මහතා මේවන විට බැංකුවට අදාළ පාර්ශව හුවමාරු විමර්ශන කමිටුවේ (RPTRC) සභාපතිවරයා ලෙස කටයුතු කරයි. ඒ මහතා අධ්‍යක්ෂ මණ්ඩල ණය කමිටුවේත් (BCC), මානව සම්පත් සහ වේතන කමිටුවේත් (HRRC), නාම යෝජනා කමිටුවේත් (NC) සාමාජිකයෙකු ද වෙයි.

වසර 27 කට අධික බැංකුකරණ වෘත්තීය දිවිය තුළ එතුමා ඇමරිකන් එක්ස්ප්‍රස් බැංකුව, ස්ටෑන්ඩර්ඩ් චාටර්ඩ් බැංකුව සහ සවුදි අරාබියේ අල් රජ්හි බැංකුකරණ සහ ආයෝජන සංස්ථාව ඇතුළු ප්‍රමුඛ පෙළේ දෙස්-විදෙස් බැංකු ගණනාවක සේවය කර ඇත. පාරිභෝගික බැංකුකරණ, සබැඳි මෙහෙයුම් සහ ක්‍රමෝපාය සංවර්ධනය සඳහා සුවිශේෂී දායකත්වයක් ලබා දෙමින් එම බැංකු අදාළ වෙළෙඳපොළ තුළ ප්‍රමුඛත ම බැංකු බවට පත්කිරීමට සහයෝගය ලබා දුන්නේය. මෙරට ප්‍රථම ආයතනික කාඩ්පත ලෙස 1991 වසරේදී හඳුන්වා දෙන ලද ඇමරිකන් එක්ස්ප්‍රස් කාඩ්පත ශ්‍රී ලංකාවට සහ මාලදිවයිනට නිකුත්කිරීමේ සහ අත්කර ගැනීමේ පුරෝගාමී මෙහෙවර ඉටු කරන ලද්දේ ද ගවුස් මහතාය. පාරිභෝගික බැංකුකරණ ප්‍රධානී ලෙස ද කටයුතු කළ ගවුස් මහතා පසුව එම බැංකුවේ ලෙවන්ට් කලාපයේ පාරිභෝගික බැංකුකරණ ප්‍රධානී ලෙස ස්ටෑන්ඩර්ඩ් චාටර්ඩ් බැංකුවේ Grindlays franchise ගෝලීය අත්කර ගැනීම සහ ග්‍රින්ඩ්ලේස් බැංකුවේ අත්කර ගැනීම සාර්ථකව සිදුකිරීමේ වගකීම දැරුවේය. මැලේසියාවේ අල් රජ්හි බැංකුවේ පාරිභෝගික බැංකුකරණ අධ්‍යක්ෂ ලෙස කටයුතු කළ ඒ මහතා, එම බැංකුව මැලේසියානු වෙළඳපොළට ඇතුළත් වීමේදී එහි පාරිභෝගික ව්‍යාපාර සහ මෙහෙයුම් කටයුතු සාර්ථකව ස්ථාපනය කිරීමේ සහ රට පුරා එම බැංකුවේ ශාඛා ජාලය ව්‍යාප්ත කිරීමේ පුරෝගාමියා විය. ශ්‍රී ලංකාවේ හිටපු ණය  තොරතුරු කාර්යංශයේ (CRIB) අධ්‍යක්ෂවරයා වූ ගවුස් මහතා, ඕස්ට්‍රේලියාවේ බටහිර සිඩ්නි විශ්වවිද්‍යාලයේ ව්‍යාපාර පරිපාලනවේදී පශ්චාද් උපාධියකට හිමිකම් කියන අතර එක්සත් රාජධානියේ ව්‍යාපාරික පාසල සහ ඔක්ස්ෆර්ඩ් ටෙම්පල්ටන් පාසලේ විධායක නායකත්ව වැඩසටහන සඳහා ද සහභාගී වූයේය.

2017 වසරේදී ස්වාධීන විධායක නොවන අධ්‍යක්ෂවරයෙකු ලෙස යුනියන් බැංකුව සමග එක්වූ ප්‍රනාන්දුපුල්ලේ මහතා, බැංකුවේ RPTRC, BCC, HRRC සහ NC යන කමිටුවල සාමාජිකයෙකු ලෙස කටයුතු කරයි. ඒ මහතා මුල්‍ය සේවා ක්ෂේත්‍රයේ වසර 40 කට අධික අත්දැකීම් සම්භාරයක් සහිත කීර්තිමත් බැංකුකරුවෙකි. යුනියන් බැංකුවේ අධ්‍යක්ෂ මණ්ඩලයට එක්වීමට පෙර ඒ මහතා DFCC සමූහයේ ප්‍රධාන අවදානම් නිලධාරී/අවදානම් අංශයේ විධායක උප සභාපති ලෙස මෙන්ම ලංකා බැංකුවේ ප්‍රධාන අවදානම් නිලධාරී ලෙස ද කටයුතු කළේය. මෙරට HSBC බැංකුවේ වසර 30 කට අධික කාලයක් සේවය කරමින් ප්‍රනාන්දුපුල්ලේ මහතා එම බැංකුවෙන් ඉවත්වන විට එහි නියෝජ්‍ය ප්‍රධාන විධායක නිලධාරී ලෙස කටයුතු කළේය. එහිදී එතුමා අවදානම් කළමනාකරණය, විදේශ විනිමය සහ භාණ්ඩාගාර, ජාත්‍යන්තර වෙළඳාම, ආයතනික බැංකුකරණ සහ පාරිභෝගික මෙහෙයුම් ආදී විවිධ අංශ සඳහා නායකත්වය ලබා දෙමින් ජාත්‍යන්තර බැංකුකරණ සහ අවදානම් කළමනාකරණය සම්බන්ධ විශේෂඥ අත්දැකීම් සම්භාරයක් හිමිකර ගත්තේය.

ඩුබායිහි AI Futtaim සමූහයට අයත් AMW කැපිටල් ලීසිං ඇන්ඩ් ෆිනෑන්ස් සමාගමේ සභාපති ධුරය දරන ඒ මහතා ජෝෂෆ් ෆ්‍රේසර් අනුස්මරණ රෝහලේ භාරකාර මණ්ඩලයේ සභාපති ධුරය ද හොබවයි. ඊට අමතරව ඒ මහතා කොන්ටිනෙන්ටල් ඉන්ෂුවරන්ස් ලංකා සමාගමේ අධ්‍යක්ෂ මණ්ඩල සාමාජිකත්වය ද දරයි. ජාතික රක්ෂණ භාර අරමුදලේ අධ්‍යක්ෂවරයෙකු, වරලත් බැංකුකරුවන්ගේ ආයතනයේ මෙරට ශාඛාවේ හිටපු සභාපතිවරයෙකු මෙන්ම ශ්‍රී ලංකා බැංකුකරණ අවදානම් වෘත්තිකයන්ගේ සංගමයේ නිර්මාතෘ සහ හිටපු සභාපතිවරයෙකු ද වන ප්‍රනාන්දුපුල්ලේ මහතා, ලන්ඩන් විශ්වවිද්‍යාලයේ ඉම්පීරියල් ශාස්ත්‍රාලයේ ගණිතය පිළිබඳ ශාස්ත්‍රවේදී උපාධියකට මෙන්ම ලන්ඩන් විශ්වවිද්‍යාලයේ ලන්ඩන් ආර්ථිකවිද්‍යා පාසලේ සංඛ්‍යාන විද්‍යාව පිළිබඳ පශ්චාද් උපාධියකට ද හිමිකම් කියයි. ඒ මහතා ලන්ඩලයේ වරලත් බැංකුකරුවන්ගේ ආයතනයේ සාමාකයෙකු/අධිසාමාකයෙකු ද වෙයි.

මෙම නව පත්වීම් සම්බන්ධව සුබපැතුම් එක්කරමින් යුනියන් බැංකුවේ අධ්‍යක්ෂ මණ්ඩලය සඳහන් කර සිටියේ, ගවුස් මහතාත්, ප්‍රනාන්දුපුල්ලේ මහතාත් බැංකුවේ මෙහෙයුම් කටයුතු කළමනාකරණය කිරීම සඳහා දැවැන්ත සහයෝගයක්, මගපෙන්වීමක් සහ උපදේශනයක් ලබා දී ඇති බවය. මෙම පත්කිරීම් සමගින් බැංකුවේ අධ්‍යක්ෂ මණ්ඩලය තවදුරටත් ශක්තිමත් කෙරෙන අතර ඒ හරහා බැංකුවේ ඉදිරි වර්ධන ඉලක්ක වෙත ගමන්කිරීම සඳහා අවශ්‍ය ශක්තිය නොමඳව හිමිවනු ඇත. යුනියන් බැංකුවේ හිටපු උප සභාපති/ජ්‍යෙෂ්ඨ ස්වාධීන අධ්‍යක්ෂ ප්‍රියන්ත ප්‍රනාන්දු මහතා බැංකුව වෙනුවෙන් ලබාදුන් සුවිසල් දායකත්වය වෙනුවෙන් ද අධ්‍යක්ෂ මණ්ඩලය සිය කෘතවේදීත්වය පළකර සිටියේය. ප්‍රනාන්දු මහතා ශ්‍රී ලංකා මහබැංකුවේ ආයතන පරිපාලන මාර්ගෝපදේශ අනුව වසර නවයක කාලයක් සම්පූර්ණ කර 2020 නොවැම්බර් මස 1 වනදා සිට බලපැවැත්වෙන පරිදි අධ්‍යක්ෂ මණ්ඩලයෙන් විශ්‍රාම ගත්තේය.

යුනියන් බැංකුව සිය 25 වන සංවත්සරය නිමිත්තෙන් කොළඹ ව්‍යාපාර වස්තු හුවමාරුවේ (CSE) සමාරම්භක සීනුව නාද කළේය. එය, මෙම සුවිශේෂී සංධිස්ථානය සනිටුහන් කරමින් යුනියන් බැංකුව සංවිධාන කර ඇති වැඩසටහන් පෙළෙහි එක් අදියරකි.

කොළඹ ව්‍යාපාර වස්තු හුවමාරුවේ සමාරම්භක අවස්ථා, එහි ලැයිස්තුගත සමාගම්වල සුවිශේෂී සංධිස්ථාන සැමරීමටත්, ව්‍යාපාරික ප්‍රජාව, ආර්ථිකය සහ සමස්ත සමාජයට කැපීපෙනෙන දායකත්වයක් ලබා දෙන වැඩසටහන් දියත් කිරීමට එම සමාගම් සම්බන්ධ කර ගැනීමත් වෙනුවෙන් සංවිධාන කෙරේ.

කොළඹ ව්‍යාපාර වස්තු හුවමාරුවේ යුනියන් බැංකුව ලැයිස්තුගත වීමේ වැදගත්කම අවධාරණය කරමින් එම බැංකුවේ අධ්‍යක්ෂ/ප්‍රධාන විධායක නිලධාරී ඉන්ද්‍රජිත් වික්‍රමසිංහ මහතා සඳහන් කළේ, යුනියන් බැංකුව 2011 වසරේදී ලැයිස්තුගත සමාගමක් බවට පත්වීමත් විවිධාකාරයෙන් එය ප්‍රතිඵලදායි වූ බවය.

“යුනියන් බැංකුව 2011 වසරේදී සිදු කළ මූලික මහජන නිකුතුව (IPO) සඳහා වාර්තාගත ප්‍රතිචාරයක් හිමි වූ අතර, එය බැංකුවේ 25 වසරක ඉතිහාසයේ සුවිශේෂී ම හැරවුම් ලක්ෂ්‍යයක් බවට පත් වුණා. කොළඹ ව්‍යාපාර වස්තු හුවමාරුවේ ලැයිස්තුගත සමාගමක් ලෙස අපගේ සන්නාමයට පුළුල් ප්‍රචාරණයක් ලබා ගැනීමටත්, සන්නාම ප්‍රතිරූපය වර්ධනය කර ගැනීමටත් හැකි වූ අතර ඒ හරහා සේවාලාභීන්ගේ පදනම පුළුල් කර ගනිමින් ව්‍යාපාරික මෙහෙයුම් කටයුතු වර්ධනය කර ගැනීමට හැකි වුණා. විශේෂයෙන් අපගේ කොටස්හිමියන් ඇතුළු පාර්ශ්වකරුවන් අප කෙරෙහි තැබූ විශ්වාසය වෙනුවෙන් ඔවුන්ට අපගේ කෘතවේදිත්වය හිමි විය යුතුයි. අප වසර ගණනක් පුරා මෙම වර්ධනය අත්කර ගත්තේ ඔවුන් අප කෙරෙහි තැබූ එම විශ්වාසය මතයි. වසර ගණනක පටන් යුනියන් බැංකුව කොළඹ ව්‍යාපාර වස්තු හුවමාරුව සමග ඇති සබඳතාව ඉදිරියට ගෙන යාමට සමත්ව සිටිනවා. රටට දිගුකාලීන දේශීය සහ විදේශීය ප්‍රාග්ධනය ලබා ගැනීම ඇතුළුව යුනියන් බැංකුව ප්‍රාග්ධන වෙළඳපොළ සඳහා දක්වා ඇති දායකත්වය පිළිබඳ අප සතුටු වනවා. TPG සමාගම සිදු කළ සුවිශේෂී ආයෝජනය එම දායකත්වයන් අතර කැපී පෙනෙනවා. යුනියන් බැංකුව 2018 S&P SL 20 ලැයිස්තුවේ ලැයිස්තුගත වීමත් සමග එහි ප්‍රමුඛස්ථානය තවත් තහවුරු වුණා.”

යුනියන් බැංකු සමූහයවන නැෂනල් ඇසට් මැනේජ්මන්ට් ලිමිටඩ් (NAMAL) මෙරට කොටස් වෙළඳපොළේ වර්ධනය සඳහා සුවිශේෂී දායකත්වයක් දැක්වූ බවත්, මෙරට ප්‍රථම ලැයිස්තුගත ඒකක භාරය දියත් කිරීම සඳහා පුරෝගාමී වීම සහ කොටස් සහ ස්ථාවර ආදායම් වෙළඳපොළ ආයෝජන පිළිබඳ සාර්ථක ඉතිහාසයකට හිමිකම් කීමත් එම දායකත්වය මැනවින් පිළිබිඹු කරන බවත් ඒ මහතා වැඩිදුරටත් සඳහන් කළේය.

දශක දෙකහමාරක අත්දැකීම් සම්භාරය සමගින් යුනියන් බැංකුව 2020 වසරේදී පුළුල් සේවාවක් හරහා මෙරට ආයතන, සුළු හා මධ්‍ය පරිමාණ ව්‍යවසාය මෙන්ම පුරවැසියන් ද මුල්‍යමය වශයෙන් සවිබල ගැන්වීමට මනා මුල්‍යමය ශක්තියකින් සහ ස්ථාවරත්වයකින් පසුවන බව ද යුනියන් බැංකු ප්‍රධානී සඳහන් කළේය.

මෙහිදී අදහස් දැක්වූ කොළඹ ව්‍යාපාර වස්තු හුවමාරුවේ ප්‍රධාන විධායක නිලධාරී රජීව බණ්ඩාරනායක මහතා, 1995 වසරේ පටන් යුනියන් බැංකුව අත්කර ගත් ප්‍රගතිය පැසසුමට ලක් කළ අතර මෙම සුවිශේෂී සංධිස්ථානය සනිටුහන් කිරීම සඳහා කොළඹ ව්‍යාපාර වස්තු හුවමාරුවේ සීනුව නාද කිරීමේ වේදිකාව තෝරා ගැනීම පිළිබඳ බැංකුවේ නායකත්ව කණ්ඩායමට සිය ප්‍රසාදය පළ කළේය. යුනියන් බැංකුව බැංකුකරණ ක්ෂේත්‍රය තුළ සිදු කර ඇති මෙහෙවර හේතුවෙන් වසර ගණනක පටන් ආයෝජකයන් හට අගය ලබා දීමට හැකි වී ඇති බවත් එමගින් බැංකුවේ වර්ධනයට අවස්ථා රැසක් උදා වී ඇති බවත් ඒ මහතා මෙහිදී ප්‍රකාශ කළේය.

25 වසරක ගමන්මග තුළ යුනියන් බැංකුව අභියෝග, අවස්ථා මෙන්ම වර්ධනීය වශයෙන් පරිණාමීය අදියර රැසක් පසුකර ඇත.

ලොව විශාලත ම ආයෝජන සමාගමක්වන TPG සමාගම එහි අනුබද්ධිත සමාගමක්වන Culture Financial Holdings සමාගම හරහා 2014 වසරේදී යුනියන් බැංකුවේ කොටස් 70%ක් වෙනුවෙන් සිදු කළ ඇමරිකානු ඩොලර් මිලියන 117 ක ආයෝජනය යුනියන් බැංකුවේ තවත් සුවිශේෂී හැරවුම් ලක්ෂ්‍යයක් සනිටුහන් කළේය. එය මෙරට බැංකුකරණ ක්ෂේත්‍රය තුළ සිදු වූ විශාලත ම සෘජු විදේශ ආයෝජනයක් වේ. එම ආයෝජනය යුනියන් බැංකුවේ වේගවත් වර්ධනයේ නව යුගයක් සනිටුහන් කළේය. මුල්‍ය ස්ථාවරත්වය සහ ජාත්‍යන්තර අත්දැකීම් සමගින් වර්තමානයේ යුනියන් බැංකුව පුද්ගලයන්, ව්‍යවසායකයන් සහ ආයතන මුල්‍යමය වශයෙන් සවිබල ගැන්වීම සඳහා පරිපූර්ණ සේවා සපයන වාණිජ බැංකුවක් බවට පත්ව සිටී.

එම ප්‍රාග්ධන හිමිකමත් සමග යුනියන් බැංකුව සිය සේවා, මානව සම්පත්, තාක්ෂණික සහ බෙදාහැරීම් හරහා සිය සේවාලාභීන් හට වෙනස් වූ බැංකුකරණ අත්දැකීමක් පිරිනැමීමට සැලකිය යුතු ආයෝජන රැසක් සිදු කරමින් පරිවර්තනීය ගමන්මගට පිවිසියේය. දිවයින පුරා විහිදුනු ශාඛා 67 කින් සමන්විත ශාඛා ජාලය සහ පුළුල් ATM ජාලයත්, ඩිජිටල් බැංකුකරණ විසඳුම් ද සමගින් යුනියන් බැංකුව පාරිභෝගිකයාට වඩාත් පහසුවෙන් සිය සේවා හිමිකර ගැනීමේ අවස්ථාව උදාකර ඇත. ක්‍රමෝපායිකව සිය මෙහෙයුම් කටයුතු ප්‍රතිසැකසුම් කිරීම සහ මූලික බැංකුකරණ මෙහෙයුම් කටයුතු වර්ධනය කර ගැනීම සඳහා ඉලක්ක කර ගැනීම හරහා යුනියන් බැංකුව විශේෂයෙන් 2018 සිට 2019 මුල්‍ය වර්ෂය තුළ කැපීපෙනෙන වසරින් වසර ලාභ වර්ධනයක් අත්කර ගැනීමට සමත් විය. එය මෑතකදී බැංකුව විසින් නිකුත් කරන ලද මුල්‍ය ප්‍රතිඵල මගින් මනාව පෙන්නුම් කෙරේ.

සිය 25 වන වසර සමරන මේ මොහොතේත් ඉන් පසුව එළඹෙන කාල පරිච්ඡේදය තුළත් යුනියන් බැංකුව සිය පාරිභෝගික, සුළු හා මධ්‍ය පරිමාණ ව්‍යවසාය සහ භාණ්ඩාගාරික ව්‍යාපාර වඩාත් ශක්තිමත් කිරීමටත්, තිරසර වර්ධනයක් අත්කර ගැනීම සඳහා තමන් හට තරගකාරී වෙළඳපොළ තුළ ඇති පැහැදිලි වාසිසහගත තත්ත්වයෙන් උපරිම ඵල නෙළා ගැනීමටත් කටයුතු කිරීමට සැලසුම් කර ඇත. සුළු හා මධ්‍ය පරිමාණ ව්‍යවසාය සහ ආයතන වර්ධනය සඳහා ඉදිරියටත් කැපවීමට යුනියන් බැංකුව කටයුතු කරනු ඇත. සුළු හා මධ්‍ය පරිමාණ ව්‍යවසාය ශ්‍රී ලාංකේය ආර්ථිකයේ ද වර්ධනයේ ගාමක බලවේගය ලෙස හඳුනා ගෙන ඇති අතර ඉදිරි වසර ගණන පුරා එම අංශය යුනියන් බැංකුවේ වාණිජ බැංකුකරණය තුළ ප්‍රමුඛතාව හිමිකර ගනු ඇත. ශීඝ්‍රයෙන් වර්ධනය වන විට පාරිභෝගික පදනමට වඩාත් පහසු බැංකුකරණ අත්දැකීමක් ලබා දීම සඳහා යුනියන් බැංකුව ඉදිරියේදී ද ඩිජිටල් බැංකුකරණ විසඳුම් කෙරෙහි විශේෂ අවධානයක් යොමු කරනු ඇත.

“යුනියන් බැංකුවේ අනාගතය ඉතාම සුබදායීයි. එබැවින් බැංකුවේ බහුවිධ වර්ධනයේ ප්‍රතිලාභ අත්කර ගන්නා ලෙස අප සියලු පාර්ශ්වකරුවන්ට ආරාධනා කර සිටිනවා,” යනුවෙන් වික්‍රමසිංහ මහතා අවසාන වශයෙන් සඳහන් කළේය.

යුනියන් බැංකුව සිය නවත ම BizDirect+ පහසුකම තවත් සේවා සහ පහසුකම් රැසක් සමගින් වැඩිදියුණු කර යළිත් හඳුන්වා දී ඇත.

BizDirect යනු, ව්‍යාපාර සඳහා පරිපූර්ණ මුල්‍ය ගලන කළමනාකරණ විසඳුම් ලබා දීමේ අරමුණින් යුතුව යුනියන් බැංකුව හඳුන්වා දුන් නවමු මුදල් හුවමාරු බැංකුකරණ පද්ධතියයි. 2014 වසරේදී එම බැංකුව විසින් හඳුන්වා දෙන ලද මෙම සේවාව නිසාම ස්වයංක්‍රිය මුදල් කළමනාකරණ පද්ධතියක් හඳුන්වා දෙන ලද මෙරට ප්‍රථම බැංකුව බවට යුනියන් බැංකුව පත් විය. එම සේවාව හඳුන්වා දී වසර පහක කාලයක් පසුකරන පෙබරවාරි මාසයේ, එම සේවාව තවත් පුළුල් කරමින් සුළු හා මධ්‍ය පරිමාණ ව්‍යවසායකයන් හට සාර්ථකත්වයේ තවත් ඉදිරි පියවරක් තැබීමට සහයෝගය ලබා දීමේ අරමුණින් BizDirect+ හඳුන්වා දීමට යුනියන් බැංකුව කටයුතු කළේය.

වැඩිදියුණු කරන ලද BizDirect පහසුකම යළි හඳුන්වා දීම පිළිබඳ අදහස් පළ කරමින් එම බැංකුවේ මුදල් ගනුදෙනු බැංකුකරණ සහ සුළු හා මධ්‍ය පරිමාණ ව්‍යවසාය අංශයේ උප සභාපති අසංක රන්හෙට්ටි මහතා සඳහන් කළේ, යහපත් මුල්‍ය කළමනාකරණය යනු සාර්ථක ව්‍යාපාරයක පදනම බවය. “තාක්ෂණික වශයෙන් වැඩිදියුණු කළ, ස්වයංක්‍රිය මුදල් කළමනාකරණ පද්ධතියක් භාවිත කිරීමේ අවස්ථාව හිමිවීම මගින් එම ව්‍යාපාරවලට නිරවද්‍ය ලෙස ද්‍රවශීලතා තත්ත්වයක් පවත්වා ගැනීමට හැකි වනවා. මෙය සුළු හා මධ්‍ය පරිමාණ ව්‍යවසායවලට පමණක් නොව; මහා පරිමාණ ව්‍යවසාය සඳහා ද ඉතා වැදගත් වනවා. කෙසේ වෙනත්, මුදල් නමැති සාධකය ප්‍රමුඛ සාධකයක් බවට පත්ව ඇති ශ්‍රී ලංකාව වැනි රටක ද ඵලදායී මුල්‍ය කළමනාකරණය කෙරෙහි අවධානය යොමු වී ඇත්තේ ඉතා අඩු මට්ටමකින්. සිය මුල්‍ය ගලනය මත පදනම්ව කාලෝචිත කළමනාකරණ තීරණ ගැනීම සඳහා පරිශීලකයන් හට සහයෝගය ලබාදීමට ස්වයංක්‍රිය සහ ඔවුන්ගේ අවශ්‍යතා අනුව සකස් කරන ලද පහසුකමක් හඳුන්වා දීමට අපට අවශ්‍ය වුණා. සිය ව්‍යාපාරයේ ද්‍රවශීලතා කළමනාකරණයේ පූර්ණ පාලනය තමන් සතු කරගත හැකි පෙරළිකාර මුල්‍ය කළමනාකරණ පද්ධතියක්වන BizDirect අප හඳුන්වා දුන්නේ එම අරමුණ පෙරදැරිවයි.”

මෙම ස්වයංක්‍රිය BizDirect මුල්‍ය කළමනාකරණ පද්ධතිය මුදල් එකතු කිරීම, ගෙවීම්, ද්‍රවශීලතා කළමනාකරණය, වාර්තාකරණය සහ සංසන්දනය ඇතුළු පරිපූර්ණ කාරක මුල්‍ය චක්‍රය ආවරණය කරයි. ඉහත සෑම අදියරකදී ම පරිශීලකයා හට තත්කාලීන දත්ත ලබාගත හැකි බැවින් නියමිත කාලයේදී මුදල් එකතු කර ගනිමින් සිය අරමුදල් ශේෂය සඳහා ආයෝජන අවස්ථා උපරිම තලයකට ගෙන ඒමට අවස්ථාව උදා වේ. මෙය ස්වයංක්‍රිය පද්ධතියක් වීම සහ අන්තර්ජාලයෙන් සියලු වාර්තා ගොනු වීම සහ තත්කාලීන ලෙස දත්ත වාර්තාකරණය හේතුවෙන් වංචා සිදුවීමට ඇති ඉඩකඩ අවම කෙරේ. ගනුදෙනු සහ දත්තවල ආරක්ෂාව තවදුරටත් තහවුරු කිරීම සඳහා බයෝමෙට්‍රික් සත්‍යෙක්ෂණ තාක්ෂණය ද මෙම පහසුකම සඳහා යොදාගෙන ඇත.

වෙබ් පද්ධතියක්වන මෙය host-to-host (H2H) පදනම මත ගොඩනැගුණු දැනට පවත්නා ගිණුම් සමග ඒකාබද්ධ වූවකි. මේ සඳහා වෙනම දෘඩාංගයක් හෝ දීර්ඝ ක්‍රියාවලියක් අවශ්‍ය නොවේ. මෙම පද්ධතිය පිළිබඳ පුහුණුව සහ අඛණ්ඩ සහයෝගය ලබාදීම සඳහා ඒ වෙනුවෙන් ම කැපවුණු යුනියන් බැංකුවේ විශේෂඥ කණ්ඩායම කටයුතු කරයි. ජාත්‍යන්තර විසඳුම් සමග සැසඳීමේදී BizDirect හරහා පුළුල් පරාසයක විහිදුනු සේවා රැසක් දැරිය හැකි මිලකට ලබා ගැනීමේ හැකියාව පවතී.

යුනියන් බැංකුවේ BizDirect පහසුකම සුළු හා මධ්‍ය පරිමාණ ව්‍යවසායවලට මෙන්ම ආයතන සඳහා ද වඩාත් නිරවද්‍ය තීරණ ලබා ගැනීමට අවශ්‍ය පහසුව ලබා දෙන සේවාවකි. පහසු ක්‍රියාකාරිත්වයකින් යුතු එම පහසුකම හරහා ව්‍යාපාරවලට නියමිත කාලයකදී මුදල් එක්රැස් කර ගැනීමටත්, උපරිම කාලයක් දක්වා එම මුදල් ගිණුමේ තබා ගැනීමටත් හැකිවන අතර සැපයුම්කරුවන් හට කාර්යක්ෂමව ගෙවීම් සිදු කිරීමට මෙමගින් අවස්ථාව උදාවන බැවින් ඔවුන් හා සිය ව්‍යාපාරය අතර පවතින සබඳතාව වර්ධනය කර ගැනීමට ද මෙම සේවාව උපයෝගී වේ.

මෙම සේවාව මගින් ජංගම දුරකථනය ඔස්සේ වුව ද අන්තර්ජාලය හරහා අනුමත් කිරීම් සිදු කළ හැකි බැවින් චෙක්පත් අතින් අත්සන් කිරීමේ ක්‍රියාවලිය මුළුමනින් ම ඉවත් කර ඇත. වැඩිදියුණු කළ ස්වයංක්‍රිය පද්ධතිය හරහා අවශ්‍ය ලිපිගොනු ක්ෂණිකව අප්ලෝඩ් කළ හැකි බැවින් එම ලිපිගොනු වෙනම බැංකුවට යොමු කිරීමට ගතවන අනවශ්‍ය කාලය ඉතිරි කර ගත හැකිය. චෙක්පත් බැංකුව මගින් ස්වයංක්‍රියව මුද්‍රණය කර පරිශීලකයාට හෝ ඔහුගේ/ඇයගේ පාරිභෝගිකයන් වෙත යොමු කරනු ලැබේ. ශ්‍රී ලංකා මහ බැංකුවේ අනුමැතිය ලත් එකතු කිරීමේ සැපයුම්කරුවන් හරහා ව්‍යාපාරික ස්ථානයෙන් කෙලින්ම මුදල් හෝ චෙක්පත් එකතු කිරීමේ පහසුකම මෙන්ම ව්‍යාපාරයට මුදල් ගෙන්වා ගැනීමේ පහසුකම ද හිමිකර දී ඇත. ඕනෑම මොහොතක සිය ව්‍යාපාරයේ මුල්‍ය තත්ත්වය දැකබලා ගැනීම සඳහා සංසන්දන තොරතුරු ද ස්වයංක්‍රිය කර ඇත.

ව්‍යාපාරවල අවශ්‍යතාව අනුව සකස් කරන ලද ස්වයංක්‍රිය මුදල් කළමනාකරණ විසඳුම නිසා ආයතනවලට සිය ප්‍රාග්ධන චක්‍ර කළමනාකරණ හැකියා තවදුරටත් වර්ධනය කර ගැනීමට හැකි වේ. ද්‍රවශීලතා කළමනාකරණය පිළිබඳ පැහැදිලි දැක්මක් මේ හරහා ඉදිරිපත් කරන බැවින් ව්‍යාපාරයේ මුල්‍ය තත්ත්වය පිළිබඳ මනා දැනීමකින් යුතුව ක්ෂණික ආයෝජනවලින් උපරිම ඵල නෙළා ගැනීමට ව්‍යාපාරවලට අවස්ථාව උදා වේ. ඒ අනුව, BizDirect හරහා සුළු හා මධ්‍ය පරිමාණ ව්‍යවසායවලට අනාගතයේදී මහා පරිමාණ ව්‍යාපාර ලෙස වර්ධනය වීමට අවශ්‍ය පදනම සකස් කෙරේ.

“බොහෝ සුළු ව්‍යාපාර තවමත් නියමිත පරිදි වාර්තා තබා ගැනීමට අපොහොසත් වී ඇති අතර එය එම ව්‍යාපාරවල සාර්ථකත්වයට සහ වර්ධනය විශාල බලපෑමක් සිදු කරනවා. යුනියන් බැංකුවේ BizDirect+ භාවිත කරන පරිශීලකයන් හට සිය මෙහෙයුම් කටයුතුවල ප්‍රධානත ම අංග දෙක වන මුදල් රැස් කිරීම සහ ගෙවීම ස්වයංක්‍රිය කරමින් ඒ සඳහා ගතවන කාලය සිය ව්‍යාපාරයේ දියුණුව කෙරෙහි යොමු කිරීමට හැකි වනවා. අපගේ අරමුණ වන්නේ ඕනෑම මට්ටමක ව්‍යාපාරයකට අත්‍යවශ්‍ය කළමනාකරණ කාලය ඉතිරි කර දීමයි. ඕනෑම මට්ටමක ව්‍යාපාරයකට ලබාගත හැකි පරිදි මෙම ජාත්‍යන්තර මට්ටමේ සේවාව අප දැරිය හැකි මිලකට නිකුත් කිරීමට කටයුතු කරනවා.” යනුවෙන් රන්හොට්ටි මහතා වැඩිදුරටත් ප්‍රකාශ කළේය.

ආයතනික සහ සුළු හා මධ්‍ය පරිමාණ ව්‍යවසාය අංශ යුනියන් බැංකුවේ මෙහෙයුම් කටයුතුවලින් 50% ක ප්‍රමාණයකට හිමිකම් කියන අතර එම අංශ සඳහා අගනා සේවා පිරිනැමීම සඳහා යුනියන් බැංකුව විශාල වශයෙන් ආයෝජන සිදු කරයි. ජාතික වශයෙන් වැදගත් අංශයක්වන සුළු හා මධ්‍ය පරිමාණ ව්‍යවසාය වර්ධනය කිරීම සඳහා බැංකුව දක්වන කැපවීම, එම බැංකුව BizDirect පහසුකම වෙනුවෙන් සිදු කර ඇති ආයෝජනය හරහා මැනවින් පිළිබිඹු වේ. ව්‍යාපාරවල අවශ්‍යතා අනුව සේවා ලබා දීම සඳහා යුනියන් බැංකුව දියත් කර ඇති ක්‍රමෝපායික සැලසුම අනුව, තාක්ෂණික වශයෙන් සවිබල ගැන්වූ පහසු සේවා නිරන්තරයෙන් හඳුන්වා දීමට බැංකුව කටයුතු කරයි. සිය විවිධ පාරිභෝගික අංශවලට දැඩි සේ බලපාන අවශ්‍යතා හඳුනා ගනිමින්, යුනියන් බැංකුව සිය නිෂ්පාදන සහ සේවා පුළුල් කිරීම සඳහා අඛණ්ඩව ආයෝජන සිදු කරයි.

සර්ව රාත්‍රික පිරිත් සජ්ඣායනාව ඇතුළු ආගමික වතාවත් රැසකින් සැමරේ

යුනියන් බැංකුව මෙරට බැංකුකරණ ක්ෂේත්‍රයේ වසර 25ක් සැමරීම නිමිත්තෙන් ආගමික වතාවත් ඇතුළු තවත් වැඩසටහන් රැසක් සංවිධානය කර ඇත.

1995 වසරේදී මෙරට 8 වන දේශීය බැංකුව ලෙස ආරම්භ කෙරුණු යුනියන් බැංකුව, එතැන් සිට ශීඝ්‍ර වර්ධනයකට සහ පරිණාමනයකට හිමිකම් කියා ඇත. බැංකුකරණ ක්ෂේත්‍රයේ නවමු මානයන් සොයා යාමේ අභියෝගය බාර ගනිමින් ශ්‍රී ලාංකේය මුල්‍ය සේවා වෙළඳපොළ තුළ අසමසම පාර්ශ්වකරුවෙකු බවට පත්වීමේ තිර අදිටනින් යුතුව යුනියන් බැංකුව සිය මෙහෙයුම් කටයුතු ආරම්භ කළේය. ගෝලීය වශයෙන් කීර්තිමත් නාමයක් හිමිකර ගෙන සිටින මහා පරිමාණ වාණිජ බැංකු ඇතුළුව තවත් දැවැන්ත බැංකු රැසක් මෙහෙයුම් කටයුතු සිදු කරන අභියෝගාත්මක පරිසරයක් තුළ තිරසර ලෙස රැඳී සිටීම සඳහා යුනියන් බැංකුවට තමන්ටම ආවේණික වූ පෞරුෂත්වයක් සහ අනන්‍යතාවක් ගොඩනගා ගැනීම අත්‍යවශ්‍ය සාධකයක් බවට පත්වූයේ නිතැතිනි.

මෙම අරමුණ සාක්ෂාත් කර ගැනීමේ ගමනේදී, ශ්‍රී ලාංකේය ආර්ථික වර්ධනය සඳහා අත්‍යවශ්‍ය අංගයක් බවට පත්ව තිබූ නමුත් බැංකුවල අවධානය එතරම් යොමු නොවූ සුළු හා මධ්‍ය පරිමාණ ව්‍යවසාය කෙරෙහි සිය අවධානය යොමු කිරීමේ වැදගත්කම යුනියන් බැංකුව මැනවින් හඳුනා ගත්තේය. වසර ගණනක් පුරා සුළු හා මධ්‍ය පරිමාණ ව්‍යවසායකයන් වෙනුවෙන් කැපවූ සේවාවක් ලබා දෙමින් ජාතික සංවර්ධනයේ ඉලක්කවලට සමගාමීව එම ව්‍යවසාය තිරසර අන්දමින් නගාසිටුවීම සඳහා යුනියන් බැංකුව වඩාත් ප්‍රායෝගික වැඩපිළිවෙලක් දියත් කළේය. මෙම ක්ෂේත්‍රයේ වැදගත්කම හඳුනා ගනිමින් යුනියන් බැංකුව ව්‍යවසායකත්ව සංවර්ධනය සඳහා දැවැන්ත දායකත්වයක් ලබා දුන් අතර එම සහයෝගය මත අනාගත පරපුරට ආදර්ශමත් ව්‍යවසාය රැසක් මෙරටට දායාද කිරීමට ද යුනියන් බැංකුවට හැකි විය. එම සුවිශේෂී දායකත්වය හමුවේ ප්‍රජාවගේ සේවානියුක්තිය වැඩිදියුණු කිරීම හරහා ඔවුන්ගේ ජීවන තත්ත්වය නගාසිටුවීම, යම් ක්ෂේත්‍ර තුළ යළි පුනරුදයක් ඇති කිරීම මගින් රටේ සමස්ත සමාජ සහ ආර්ථික සංවර්ධනයට දායකත්වය ලබා දීමට යුනියන් බැංකුව පුරෝගාමී මෙහෙවරක් ඉටු කළේය.

ලොව විශාලත ම ආයෝජන සමාගමක්වන TPG සමාගම 2014 වසරේදී යුනියන් බැංකුවේ කොටස් 70% ක් සඳහා ඇමරිකානු ඩොලර් මිලියන 117 ක් ආයෝජනය කළ අතර එය යුනියන් බැංකුවට පමණක් නොව; ශ්‍රී ලංකාවේ සමාගමක් වෙනුවෙන් සිදු කෙරුණු විශාලතම සෘජු විදේශ ආයෝජනයක් ලෙස සමස්ත බැංකු ක්ෂේත්‍රයට ද සුවිශේෂී කඩයිමක් විය. මෙය, යුනියන් බැංකුවේ ශීඝ්‍ර වර්ධනයේ හැරවුම් ලක්ෂ්‍යයක් සනිටුහන් කළේය. මුල්‍ය ස්ථාවරත්වය සහ ජාත්‍යන්තර විශේෂඥ දැනුම සමගින් යුනියන් බැංකුව වර්තමානයේ තනි පුද්ගලයින්, ව්‍යවසායකයින් සහ ආයතන මුල්‍යමය වශයෙන් සවිබල ගන්වන පරිපූර්ණ සේවා සම්පාදනය කරන මුල්‍ය ආයතනයක් බවට පත්ව සිටී. තවදුරටත් මෙම ක්ෂේත්‍රය සවිබල ගැන්වීම සඳහා එම ක්ෂේත්‍රයේ අවශ්‍යතා අනුව සකස් කරන ලද සේවා ලබා දීමට යුනියන් බැංකුව පුළුල් ඉලක්කයකින් සහ දැක්මකින් යුතුව කටයුතු කරයි.

ප්‍රාග්ධන ආසේචනයෙන් අනතුරුව, බැංකුව සිය සේවා, මානව ප්‍රාග්ධනය, තාක්ෂණය සහ සේවා පිරිනමන ක්‍රමවේද වෙනුවෙන් කැපීපෙනෙන නවෝත්පාදන සහ වැඩිදියුණු කිරීම් සිදු කරමින් වේගවත් වර්ධනයක් සඳහා පූර්ණ ප්‍රතිසංස්කරණ සැලසුමක් දියත් කළේය. ශාඛා 67 කින් යුතු දිවයින පුරා විහිදුණු ශාඛා ජාලය සහ පුළුල් ATM සහ ඩිජිටල් බැංකුකරණ සේවා පෙළ හරහා එම බැංකුව විවිධ පාරිභෝගික අංශ වෙනුවෙන් සිය සේවා පිරිනමයි.

“යුනියන් බැංකුව මෙම සුවිශේෂී සංධිස්ථානයට ළඟා වීම පිළිබඳ මා බෙහෙවින් ආඩම්බර වනවා. මෙතෙක් අප ආ ගමන්මගේ සාර්ථකත්වයේ රහස, කැපවීමෙන් කටයුතු කරන අපගේ කාර්යමණ්ඩල සාමාජිකයන් බව සඳහන් කළ යුතුයි. බැංකුවේ වර්ධනයත් සමග අපගේ කණ්ඩායම 1200 ඉක්මවා තිබෙන අතර ඔවුන් අපගේ අනාගත ඉලක්ක සාර්ථක කර ගැනීම සඳහා දායකත්වය ලබා දෙනු ඇති. අපගේ පරිණාමීය වර්ධනය අප මේ වසර පුරාම විවිධ වැඩසටහන් රැසක් හරහා සැමරීමට අපේක්ෂා කරනවා. එම වැඩසටහන් මාලාව අප පසුගියදා සංවිධාන කළ ආගමික වැඩසටහන් හරහා අප මේවන විටත් ආරම්භ කර තිබෙනවා. යුනියන් බැංකුවේ අනාගතය බෙහෙවින් සිත්ගන්නාසුළු වන අතර ඉදිරි වසරවලදී අපගේ බහුවිධ වර්ධනය හරහා ප්‍රතිලාභ අත්කර ගන්නා ලෙස අප අපගේ සියලු ම පාර්ශ්වකරුවන්ට ආරාධනා කර සිටිනවා.” යනුවෙන් යුනියන් බැංකුවේ ප්‍රධාන විධායක නිලධාරී ඉන්ද්‍රජිත් වික්‍රමසිංහ මහතා ප්‍රකාශ කළේය.

යුනියන් බැංකුවේ ප්‍රධාන කාර්යාලයේ පැවති සර්ව රාත්‍රික පිරිත් සජ්ඣායනාවකින් සහ දානමය පිංකමකින් එහි 25 වන සංවත්සරයේ වැඩසටහන් මාලාව ආරම්භ කෙරිණි. යුනියන් බැංකුවේ ප්‍රධාන විධායක නිලධාරී ඉන්ද්‍රජිත් වික්‍රමසිංහ මහතා මෙන්ම, එම බැංකුවේ නායකත්ව කණ්ඩායම, ජ්‍යෙෂ්ඨ කළමනාකාරිත්වය සහ කාර්යමණ්ඩල සාමාජිකයෝ ද සිය පවුලේ සාමාජිකයන් සමග මෙම ආගමික වතාවත් සඳහා සහභාගී වූහ. සර්ව රාත්‍රික පිරිත් සජ්ඣායනාවෙන් අනතුරුව ත්‍රෛනිකායික මහා සංඝරත්නය නියෝජනයවන ලෙස සංවිධාන කෙරුණු ආගමික වැඩසටහන් මාලාව සඳහා යුනියන් බැංකුවේ කළමනාකාරිත්වය සහ කාර්යමණ්ඩලය ද සහභාගී වූහ. සිය පාරිභෝගිකයන්ටත්, කාර්යමණ්ඩලයටත්, රටටත් එහි ජනතාවටත් සෙත් පැතීමේ අරමුණින් මෙම වැඩසටහන් සංවිධාන කෙරිණි.

TPG සමාගම පිළිබඳ

1992 වසරේදී ආරම්භ කෙරුණු ලොව ප්‍රමුඛත ම ගෝලීය පුද්ගලික ආයෝජන සමාගමක්වන TPG සමාගම, ඇමරිකානු ඩොලර් බිලියන 100 කට අධික වටිනාකමකින් යුතු වත්කම් කළමනාකරණය කරයි. සැන් ෆ්‍රැන්සිස්කෝ, ෆෝර්ට් වර්ත්, ඔස්ටින්, බීජිං, හොං කොං, හුස්ටන්, ලන්ඩන්, ලක්සම්බර්ග්, මෙල්බර්න්, මොස්කව්, මුම්බායි, නිව් යෝර්ක්, සාඕ පෝලෝ සහ සිංගප්පූරුව යන නගර සහ රටවල එහි කාර්යාල පිහිටා ඇත. TPG සමාගම 1994 වසරේ පටන් ආසියානු කලාපයේ ආයෝජන කටයුතු සිදු කර ඇති අතර, මේවන සිය හත්වන ආසියානු අරමුදල හරහා එම කලාපයේ ආයෝජන කටයුතු සිදු කරයි. සමාගම් පාලන කොටස් මිලදී ගැනීම්, ප්‍රතිප්‍රාග්ධනය, දීර්ඝ කිරීම්, වර්ධන ආයෝජන, ඒකාබද්ධ ප්‍රාග්ධන සම්පානය සහ ප්‍රතිව්‍යුහගතකරණය හරහා එම සමාගම ගෝලීය පොදු සහ පුද්ගලික ආයෝජන රැසක් සිදු කර අත්දැකීම් සම්භාරයකට හිමිකම් කියයි. මුල්‍ය සේවා, ගමනාගමන සහ විනෝදාස්වාද, තාක්ෂණය, බලශක්තිය, කර්මාන්ත, පාරිභෝගික, දේපොළ, ජනමාධ්‍ය සහ සන්නිවේදනය සහ සෞඛ්‍ය ආදී විවිධ ක්ෂේත්‍ර රැසක එම සමාගම ආයෝජන සිදු කර ඇත.

යුනියන් බැංකුව දිවයින පුරා විසිරුණු හවුල්කාර වෙළඳ මධ්‍යස්ථාන 100 කට අධික ප්‍රමාණයකින් සිය ක්‍රෙඩිට් කාඩ්පත් සඳහා 50 % ක් දක්වා විස්මිත වට්ටම් හිමිකර ගත හැකි බව පසුගියදා නිවේදනය කළේය.

විශේෂ චාරිකා සහ ගමන් රැසක් සහ ඊට අදාළ ක්‍රියාකාරකම් සඳහා යුනියන් බැංකු ක්‍රෙඩිට් කාඩ්පත් සඳහා සුවිශේෂී වට්ටම් හිමිවන අතර එවැනි පහසුකමක් හඳුන්වා දුන් පළමු මුල්‍ය ආයතනය බවට යුනියන් බැංකුව පත් විය. දේශීය ගුවන් ගමන්, උෂ්ණ වායු බැලුන්, කඳවුරු, කඳු තරණ, සෆාරි චාරිකා, ATV පැදවීම්, ඔරු පැදීම් මෙන්ම ජෙට් ස්කයි, ස්පීඩ් බෝට්ටු ඇතුළු තවත් ජල ක්‍රීඩා රැසක් සඳහා මෙම උත්සව සමයේදී 50% ක් දක්වා වට්ටම් හිමි වේ. ඊට අමතරව, ගෘහස්ථ ක්‍රිකට්, ගෘහස්ථ ෆුට්සාල්, පේන්ට්බෝලිං සහ ගෝ කාර්ට් වැනි ක්‍රියාකාරකම් සඳහා ද විශේෂිත වට්ටම් හිමිකර දෙන යුනියන් බැංකු ක්‍රෙඩිට් කාඩ්පත පවුලේ සැමට නිවාඩුවක් ගත කිරීම සඳහා කදිම ගෙවුම් සහකරුවෙකු බවට පත්ව ඇත. Cinnamon Air, Sunrise Ballooning, Excel World, Sri Lanka Karting Circuit, Jet Water Sports, X Sports Arena, Crate Adventure Park, Predator Paintball සහ Ecoteams.lk ආදී ගෘහස්ථ/බාහිර ක්‍රියාකාරකම් සඳහා ම විශේෂඥ සේවා සම්පාදකයන්ගෙන් මෙම වට්ටම් හිමිකර ගත හැකිය.

උත්සව සමයේදී පාරිභෝගිකයන් හට අසමසම සාප්පු සවාරි අත්දැකීමක් හිමිකර දෙමින් යුනියන් බැංකු ක්‍රෙඩිට් කාඩ්පත් සඳහා Fashion Bug, Cool Planet, Hameedia, Signature, Kelly Felder, House of Fashions, CIB ඇතුළු තවත් ප්‍රමුඛ පෙළේ විලාසිතාගාර රැසකින් ද 25% ක් දක්වා වට්ටම් හිමිකර දීමට යුනියන් බැංකුව කටයුතු කර ඇත. උත්සව සමයේ රිසි සේ ගමන්-බිමන් යාමේ පහසුව කාඩ්පත් හිමියන්ට උදාකර දෙමින් එම බැංකුව සිය ක්‍රෙඩිට් කාඩ්පත් සඳහා Kangaroo Cabs වෙතින් 10% ක වට්ටමක් ද හිමිකර දෙයි.

යුනියන් බැංකු ක්‍රෙඩිට් කාඩ්පත් හිමියන්ට හට සිය හිතවතුන් සහ ආදරණීයයන් සමගින් සුඛෝපභෝගී නිවාඩුවක් ගත කිරීමට ද අවස්ථාව උදා වී ඇත. ඒ අනුව, Theme Resorts and Spas, Oak Ray Holdings, 98 Acres Resort and Spa, Secret Hotels (ඇල්ල සහ මහනුවර) ආදී සත්කාරක සහ විවේක ක්ෂේත්‍රයේ ප්‍රකට තරු පංතියේ හෝටල් මගින් 50% ක් දක්වා දැවැන්ත වට්ටම් හිමිකර ගැනීමට යුනියන් බැංකු කාඩ්පත් හිමියන්ට අවස්ථාව උදා වී ඇත.

වට්ටම්වලට අමතරව, ස්වර්ණාභරණ, විදුලි උපකරණ, විදෙස් සංචාර සහ ගෘහ භාණ්ඩ වැනි ඉහළ වටිනාකමක් සහිත මිලදී ගැනුම් සඳහා පොළී රහිතව මාස 24 ක් දක්වා පහසු ගෙවීමේ ක්‍රමයට මිලදී ගැනීමේ පහසුකම ද යුනියන් බැංකු ක්‍රෙඩිට් කාඩ්පත් හිමියන්ට හිමිවේ. ඒ අනුව, Vogue, Mallika Hemachandra, Raja Jewellers, Muthukaruppan Chettiyar, Singer Homes, Singer Plus, Softlogic Max, Lifestyle Store, Abans, Browns, Arpico Furniture, Sri Lankan Airlines, findmyfare.com ඇතුළු ප්‍රමුඛ පෙළේ අලෙවි මධ්‍යස්ථානවලදී පහසු ගෙවීමේ ක්‍රමයට මිලදී ගැනීම් සිදු කළ හැකිය. තවද, අධ්‍යාපන, ගමන් සහ සෞඛ්‍යය සම්බන්ධ රු. 50,000 ට වැඩි මිලදී ගැනීම් සඳහා මෙහෙයුම් ගාස්තුවලින් තොරව පහසු ගෙවීමේ ක්‍රමයට මිලදී ගැනීම් සිදු කිරීමේ පහසුකම ද පාරිභෝගිකයාට හිමිකර දී ඇත.

‘keep swiping, keep benefitting’ යන සිය සන්නාම ප්‍රතිඥාව අනුව යමින් යුනියන් බැංකුව සිය ක්‍රෙඩිට් කාඩ්පත් හිමියන් හට කාඩ්පත් ණය, ශේෂය හුවමාරු කිරීමේ පහසුකම මෙන්ම ආකර්ෂණීය යළි පියවීමේ ගාස්තු යටතේ ශේෂය පියවීමේ පහසුකම ද හිමි වී ඇත. එමෙන්ම, අන්තර්ජාල සහ ජංගම බැංකුකරණ පහසුකම් යටතේ සිය ක්‍රෙඩිට් කාඩ්පත අන්තර්ජාලය ඔස්සේ කළමනාකරණය කර ගැනීමට හැකි වේ.

දිවයින පුරා විහිදුනු යුනියන් බැංකු ශාඛා ජාලය ඔස්සේ පහසුවෙන් ක්‍රෙඩිට් කාඩ්පත් සඳහා අයදුම් කළ හැකිය. ඒ සඳහා පාරිභෝගිකයා කළ යුත්තේ 011 5800 5800 ඔස්සේ බැංකුවේ ඇමතුම් මධ්‍යස්ථානයට ඇමතුමක් ලබා දීම හෝ අන්තර්ජාලය හරහා විමසීමක් සිදු කිරීම පමණි.

යුනියන් බැංකු ක්‍රෙඩිට් කාඩ්පත් පිළිබඳ වැඩිදුර විස්තර www.unionb.com යන බැංකුවේ ආයතනික වෙබ්අඩවියෙන් ලබාගත හැකිය.

සරත් වීරසේකර මහතා ජුනි මස 21 වනදා සිට බලපැවැත්වෙන පරිදි විධායක නොවන ස්වාධීන අධ්‍යක්ෂවරයෙකු ලෙස තම අධ්‍යක්ෂ මණ්ඩලයට තෝරා පත්කර ගත් බව යුනියන් බෑන්ක් ඔෆ් කලම්බෝ පීඑල්සී ආයතනයට නිවේදනය කළේය.බැංකුකරණ ක්ෂේත්‍රයේ වසර 27කට අධික කාලයක මෙන්ම රක්ෂණ ක්ෂේත්‍රයේ වසර 16කට අධික කාලයක අත්දැකීම් සම්භාරයකට හිමිකම් කියන වික්‍රමනායක මහතා ජ්‍යෙෂ්ඨ මුල්‍ය විධායක නිලධාරියෙකි.

ජාතික සංවර්ධන බැංකුව ඇතුළු මෙරට ප්‍රමුඛ පෙළේ ආයතන රැසක අධ්‍යක්ෂ මණ්ඩල ධුරය හොබවා ඇති ඒ මහතා 1999 සිට 2003 දක්වා යුනියන් ඇෂුවරන්ස් සමාගමේ ප්‍රධාන විධායක නිලධාරී ලෙස ද කටයුතු කළේය. ඊට පෙර බර්මියුඩාවේ ජාත්‍යන්තර බැංකුවක්වන බටර්ෆීල්ඩ් බැංකුවේ වසර 19ක සේවා කාලයකට හිමිකම් කියමින් ඒ මහතා එහි විධායක උප සභාපති සහ ප්‍රධාන මුල්‍ය නිලධාරී ලෙස කටයුතු කළ අතර එක්සත් රාජධානිය, චැනල් දූපත්, හොං කොං, සිංගප්පූරුව සහ කේමන් දූපත්හි සමස්ත මෙහෙයුම් වගකීම ද දැරුවේය.

තවද, AIA Insurance Lanka, NDB Wealth Management, NDB Investment Bank, NDB Capital Holdings, NDB Zephyr Partners Lanka සහ NDB Capital (Bangladesh) ඇතුළු සමාගම් රැසක ද එතුමා අධ්‍යක්ෂ මණ්ඩල සාමාජිකයෙකු ලෙස කටයුතු කර ඇත.

වික්‍රමනායක මහතා 1979 වසරේ සිට ශ්‍රී ලංකා වරලත් ගණකාධිකාරී ආයතනයේ අධි සාමාජිකයෙකු ද වෙයි.

–අවසන්-

යුනියන් බැංකුවේ නායකත්ව කණ්ඩායමට නව පත්වීම් දෙකක් සිදු කළ බව එම බැංකුව පසුගියදා නිවේදනය කළේය.

එම බැංකුවේ ප්‍රධාන තොරතුරු නිලධාරී ලෙස නිසල කොඩිප්පිලි මහතා ද, සුළු හා මධ්‍ය පරිමාණ බැංකුකරණ සහ මුදල් හුවමාරු බැංකුකරණ අංශයේ උප සභාපති ලෙස අසංක රන්හොට්ටි මහතා ද මෙලෙස පත්කර ඇත.

කොඩිප්පිලි මහතා මින් පෙර නේෂන්ස් ට්‍රස්ට් බැංකුවේ ප්‍රධාන තොරතුරු නිලධාරී ලෙස කටයුතු කළ අතර බැංකුකරණ ක්ෂේත්‍රයේ වසර 20 කට අධික සිය වෘත්තීය ජීවිතය තුළ බැංකු සඳහා කැපීපෙනෙන තොරතුරු තාක්ෂණ සහ ඩිජිටල් නවෝත්පාදන හඳුන්වා දීමට කටයුතු කර ඇත. බටහිර ඕස්ට්‍රේලියාවේ ඉදිත් කොව්මන් විශ්වවිද්‍යාලයේ ව්‍යාපාර පරිපාලනවේදී උපාධියකට හිමිකම් කියන ඒ මහතා බ්‍රිතාන්‍ය සහ ඔස්ටේලියානු පරිගණක සංගම්වල වෘත්තීය සාමාජිකයෙකු ද වෙයි. තවද කොඩිප්පිලි මහතා ශ්‍රී ලංකා බැංකුකරුවන්ගේ CIO සම්මේලනයේ සභාපතිධුරය ද FINCSIRT හැසිරවීම් කමිටුවේ සාමාජිකත්වය ද දරයි. නිසල කොඩිප්පිලි මහතා යුනියන් බැංකුවේ නැගීඑන ඩිජිටල් බැංකුකරණ ක්‍රමෝපාය සඳහා නායකත්වය ලබා දෙමින් එහි ව්‍යාපාරික වර්ධනයේ ප්‍රධාන හවුල්කරුවෙකු ලෙස තොරතුරු තාක්ෂණ ක්‍රියාවලීන් තවත් ශක්තිමත් කරනු ඇත.

යුනියන් බැංකුව සමග සම්බන්ධ වීමට පෙර රන්හොට්ටි මහතා ඩච් බැංකුවේ මුදල් කළමනාකරණ සහ වෙළඳ මුල්‍යයන අංශයේ උප සභාපති – ප්‍රධානී ලෙස කටයුතු කළේය. දෙස්-විදෙස් බැංකුවල සුළු හා මධ්‍ය පරිමාණ බැංකුකරණ, ආයතනික බැංකුකරණ, මුදල් හුවමාරු බැංකුකරණ, වෙළඳ මුල්‍යයන සහ ණය අවදානම් ආදී අංශ තුළ වසර 24කට අධික අත්දැකීම් සම්භාරයකට හිමිකම් කියන ඒ මහතා වෘත්තීය බැංකුකරුවෙකි. වරලත් බැංකුකරුවන්ගේ ආයතනයේ සහකාර සාමාජිකත්වය (FCIB) දරන රන්හොට්ටි මහතා, කොළඹ විශ්වවිද්‍යාලයෙන් MBA උපාධියක් ද, එක්සත් රාජධානියේ විද්‍යා සහ තාක්ෂණ මැන්චෙස්ටර් ආයතනික විශ්වවිද්‍යාලයේ මුල්‍ය සේවා පිළිබඳ විද්‍යාවේදී උපාධියක් ද හිමිකර ගෙන ඇත. ඒ මහතා ශ්‍රී ලංකා බැංකුකරුවන්ගේ සංගමයේ හිටපු සභාපතිවරයා ද වෙයි. යුනියන් බැංකුවේ මුදල් කළමනාකරණ සහ මුදල් හුවමාරු බැංකුකරණ ව්‍යාපාර අංශයට නායකත්වය ලබාදෙන අතර ම අසංක රන්හොට්ටි මහතා නැවුම් ප්‍රවේශයකින් බැංකුවේ සුළු හා මධ්‍ය පරිමාණ බැංකුකරණ ව්‍යාපාරික කටයුතු ද මෙහෙයවීමට අපේක්ෂිතය.

වේගවත් වර්ධනයක් සඳහා වූ බැංකුවේ තුන් අවුරුදු සැලසුමේ දෙවන වසර තුළ කැපීපෙනෙන වර්ධනයක් අත්කර ගෙන ඇති මේ මොහොතේ මෙම නව පත්වීම් දෙක සිදුවීම විශේෂත්වයකි. බැංකුව ආදායම් සහ ලාභය තුළ අඛණ්ඩ වර්ධනයක් අත්කර ගෙන ඇති අතර ෆිච් ශ්‍රේණිගත කිරීම්හි දිගුකාලීන ජාතික ශ්‍රේණිගත කිරීමට බැංකුව ඇතුළත් කිරීම හරහා එම වර්ධනය මැනවින් පිළිබිඹු විය.

යුනියන් බැංකුවේ විධායක අධ්‍යක්ෂ/ප්‍රධාන විධායක නිලධාරී ඉන්ද්‍රජිත් වික්‍රමසිංහ, තොග බැංකුකරණ අංශයේ උප සභාපතිනී හිරන්ති ද සිල්වා, උප සභාපති, භාණ්ඩාගාර ප්‍රධානී විජේ දඹවින්න, මෙහෙයුම් අංශයේ උප සභාපති එස්. ශ්‍රී ගනේන්ද්‍රන්, මානව සම්පත් අංශයේ උප සභාපති රවී ජයසේකර, පාරිභෝගික බැංකුකරණ අංශයේ උප සභාපතිනී චායා ජයවර්ධන, සහකාර උප සභාපතිනී/නෛතික කටයුතු ප්‍රධානී/ලේකම් ඉනෝකා ජයවර්ධන, ප්‍රධාන තොරතුරු නිලධාරී නිසල කොඩිප්පිලි, සුළු හා මධ්‍ය පරිමාණ සහ මුදල් හුවමාරු බැංකුකරණ අංශයේ උප සභාපති අසංක රන්හොට්ටි, ප්‍රධාන මුල්‍ය නිලධාරී මලින්ද සමරතුංග සහ ප්‍රධාන අවදානම් නිලධාරී සුහේන් වනිගසූරිය යන මහත්ම මහත්මීහු බැංකුවේ නායකත්ව කණ්ඩායමට ඇතුළත් වෙති.

TPG ආයතනයේ ශක්තිමත්බව සමගින් යුනියන් බැංකුව මෙරට ඉහළම ප්‍රාග්ධනයෙන් යුතු වාණිජ බැංකුව බවට පත්වීම සඳහා මනා සූදානමකින් පසුවෙයි. TPG යනු ඇමරිකා ඩොලර් බිලියන 70කට අධික ප්‍රාග්ධනයක් කළමනාකරණය කරන එක්සත් ජනපදයේ ගෝලීය පුද්ගලික ආයෝජන ආයතනයක්වන අතර ආසියාව සහ යුරෝපය තුළ එහි ගෝලීය ජාලය කැපීපෙනෙන ලෙස ව්‍යාප්ත වී ඇත. TPG ආයතනයේ ආයෝජනය සමගින් යුනියන් බැංකුව ආයතනික, සුළු හා මධ්‍ය පරිමාණ සහ පාරිභෝගික බැංකුකරණ අංශ සඳහා පරිපූර්ණ සේවා සපයන වාණිජ බැංකුවක් ලෙස වර්ධනය වීමේ පරිණාමීය මාවතට පිවිස සිටී. මුල්‍ය ස්ථාවරත්වය සහ නව්‍ය ව්‍යාපාරික ඉලක්කය සමග බැඳුනු ස්ථාවර පදනම තුළින් යුනියන් බැංකුව මෙරට ශීඝ්‍රයෙන් ම ව්‍යාප්තවන වාණිජ බැංකුවක් බවට පත්ව සිටී.

Fitch Ratings Lanka ආයතනය යුනියන් බැංකුවේ ජාතික දිගුකාලීන ශ්‍රේණිගතකිරීම් BBB-(lka) සිට BB+(lka) දක්වා ඉහළ දැමීමට කටයුතු කර තිබේ.

යුනියන් බැංකුවේ වඩාත් විවිධාංගිකරණය වූ ණය සේවා, ලාභයේ වර්ධනය සහ වෙනත් ශ්‍රේණිගතකිරීම් අතර සාමාන්‍ය මට්ටමට වඩා ඉහළ ප්‍රාග්ධනනය යන කරුණු මෙම ඉහළ ශ්‍රේණිගතකිරීම මගින් පිළිබිඹු වේ.

යුනියන් බැංකුව ආයතනික, සුළු හා මධ්‍ය පරිමාණ සහ පාරිභෝගික ණය යන අංශ දක්වා සිය ණය සේවා සාර්ථකව විවිධාංගිකරණය කර ඇති අතර 2018 අවසාන භාගයවන විට එම අගය පිළිවෙලින් 48%, 33% සහ 19% ලෙස දැක්විණි. ෆිච් ආයතනයේ නවත ම ශ්‍රේණිගතකිරීම සඳහා 2018 වසරේ අවසානයවන විට යුනියන් බැංකුව වාර්තා කර තිබූ 3.7%ක අක්‍රිය ණය (NPL) අනුපාතය සහ ණය සේවාවල වර්ධනය ද සැලකිල්ලට ගෙන ඇත.

බැංකුවේ 2018 වසරේ දළ පොළී ආදායම රු. මිලියන 3,652ක් වූ අතර එය 19.9%ක කැපීපෙනෙන වර්ධනයකි. ගාස්තු සහ කොමිස් මුදල් වැඩිදියුණු කිරීම සඳහා ගනු ලැබූ ඉලක්කගත ක්‍රියාමාර්ග හේතුවෙන් මූලික වශයෙන් තැන්පතු ආශ්‍රිත ගාස්තු, වෙළඳ සහ ප්‍රේෂණ, ණය, කාඩ්පත් සහ වෙනත් ගාස්තුවලින් සමන්විත බැංකුවේ ගාස්තු සහ කොමිස් මුදල් ආදායම 23.6%ක දැවැන්ත වසරින් වසර වර්ධනයක් පෙන්නුම් කළේය.

වඩාත් යහපත් දළ පොළී මායිම් සමගින් යුනියන් බැංකුව මෙහෙයුම් ලාභ/අවදානම් වත්කම් 2018 වසරේදී 1.5%ක වර්ධනයක් (2017 වසරේදී 1.1%) අත්කර ගැනීමත් සමග එහි ලාභය 2018 වසරේදී වර්ධනය වූ බවත් එය එම බැංකුවේ ඉහළ අපහායන පිරිවැය පිරිමසා ගැනීම සඳහා දායක වූ බවත් Fitch Ratings Colombo ආයතනය සඳහන් කළේය. “තවමත් අභියෝගාත්මක මෙහෙයුම් පරිසරය තුළ පවා 2019 වසරේදී ද මෙම වර්ධනීය ප්‍රවණතාව අඛණ්ඩව පවතිනු ඇතැයි අපි විශ්වාස කරමු” එම ආයතනය නිවේදනයේ සඳහන් කර තිබිණ.

2018 වසරේදී අත්කර ගත් ධනාත්මක වර්ධනය ඉදිරියටත් පවත්වා ගනිමින් යුනියන් බැංකුව 2019 වසරේ පළමු කාර්තුව තුළ ද සවිමත් මුල්‍ය කාර්යසාධනයක් අත්කර ගැනීමට සමත් විය. සිය හර බැංකුකරණ මෙහෙයුම් ක්‍රියාකාරකම්හි කැපීපෙනෙන වර්ධනයක් හිමිකර ගනිමින් යුනියන් බැංකුව මෙහෙයුම් ක්‍රියාකාරකම් ලාභයේ 62%ක වසරින් වසර වර්ධනයක් පෙන්නුම් කළේය. 2019 මාර්තු මාසයෙන් අවසන් වූ පළමු කාර්තුව තුළ 49%ක සියලු බදු පෙර ලාභයක් වාර්තා කළ යුනියන් බැංකුව දළ පොළී ආදායම රු. මිලියන 1,013ක් ලෙස වාර්තා කළ අතර එය 19%ක වර්ධනයකි. බැංකුවේ ව්‍යාපාරික ඒකක තුළ සහ ඒකක අතර සේවා යළි සකස් කිරීම හරහා ආදායම් උපරිම කර ගැනීම සඳහා අඛණ්ඩව දරන ලද උත්සාහය සහ එහි අඛණ්ඩ වර්ධනය මෙම ප්‍රතිඵල මගින් මැනවින් පිළිබිඹු වේ. 2019 පළමු කාර්තුව තුළ බැංකුවේ ගාස්තු සහ කොමිස් මුදල් ආදායම 19%ක වසරින් වසර වර්ධනයක් අත්පත් කර ගත්තේය.

TPG ආයතනයේ ශක්තිමත්බව සමගින් යුනියන් බැංකුව මෙරට ඉහළම ප්‍රාග්ධනයෙන් යුතු වාණිජ බැංකුව බවට පත්වීම සඳහා මනා සූදානමකින් පසුවෙයි. TPG යනු ඇමරිකා ඩොලර් බිලියන 70කට අධික ප්‍රාග්ධනයක් කළමනාකරණය කරන එක්සත් ජනපදයේ ගෝලීය පුද්ගලික ආයෝජන ආයතනයක්වන අතර ආසියාව සහ යුරෝපය තුළ

එහි ගෝලීය ජාලය කැපීපෙනෙන ලෙස ව්‍යාප්ත වී ඇත. TPG ආයතනයේ ආයෝජනය සමගින් යුනියන් බැංකුව ආයතනික, සුළු හා මධ්‍ය පරිමාණ සහ පාරිභෝගික බැංකුකරණ අංශ සඳහා පරිපූර්ණ සේවා සපයන වාණිජ බැංකුවක් ලෙස වර්ධනය වීමේ පරිණාමීය මාවතට පිවිස සිටී. මුල්‍ය ස්ථාවරත්වය සහ නව්‍ය ව්‍යාපාරික ඉලක්කය සමග බැඳුනු ස්ථාවර පදනම තුළින් යුනියන් බැංකුව මෙරට ශීඝ්‍රයෙන් ම ව්‍යාප්තවන වාණිජ බැංකුවක් බවට පත්ව සිටී.

යුනියන් බැංකුවේ ප්‍රාග්ධන තත්ත්වය පිළිබඳ වාර්තා කරන ෆිච් ආයතනය, 2018 අවසානයවන විට ශ්‍රේණිගතකිරීමට ලක් කළ අනෙකුත් ආයතනවලට වඩා එම බැංකුවේ ෆිච් හර ප්‍රාග්ධන අනුපාතය 15.4%ක් ලෙස වඩාත් ශක්තිමත් මට්ටමක පවතින බව සඳහන් කරයි. “අවශ්‍ය වුවහොත් ඇපකර නිකුත් කිරීම හරහා වුව ද ප්‍රධාන කොටස්කරුවන් හරහා ප්‍රාග්ධනය ලබා ගැනීමෙන් යුනියන් බැංකුවට අවම ප්‍රාග්ධන අවශ්‍යතාව පවත්වා ගැනීමට හැකිවනු ඇති බව අපගේ විශ්වාසයයි” එම වාර්තාවේ වැඩිදුරටත් සඳහන් වේ.

–අවසන්-

යුනියන් බැංකුවේ පාරිභෝගික සහ සුළු හා මධ්‍ය පරිමාණ බැංකුකරණ සම්මාන උළෙලේදී බැංකුවේ එම අංශයේ විශිෂ්ටයන් ඇගයුමට ලක්කෙරිණි. එම සම්මාන උළෙල ‘Race to Win’ තේමාව යටතේ මාර්තු මස 30 වනදා මරිනෝ බීච් හෝටලයේදී පැවැත්විණි.

විශිෂ්ට කාර්යසාධනයක් පෙන්නුම් කරමින් 2018 වසරේදී යුනියන් බැංකුව සිය හර බැංකුකරණ අංශයේ අත්කර ගත් කැපීපෙනෙන වර්ධනය සඳහා දායකත්වය ලබාදුන් ශාඛාව සහ කාර්යමණ්ඩල සාමාජිකයන් මෙහිදී ඇගයුමට ලක්කෙරිණි.

දෙවන වරටත් සංවිධාන කෙරුණු මෙම සම්මාන උළෙලේදී විශිෂ්ට විකුණුම් නිලධාරීන් සහ ශාඛා ඇගයුමට ලක්කරමින් කාණ්ඩ හතළිස් තුනක් යටතේ සම්මාන ප්‍රදානය කෙරිණි. යුනියන් බැංකු අධ්‍යක්ෂ මණ්ඩල අධ්‍යක්ෂ ට්‍රෙවින් ප්‍රනාන්දුපුල්ලේ, එම බැංකුවේ අධ්‍යක්ෂ/ප්‍රධාන විධායක නිලධාරී ඉන්ද්‍රජිත් වික්‍රමසිංහ සහ බැංකුවේ ප්‍රධාන කළමනාකාරිත්වය ද මෙම අවස්ථාවට සහභාගී වූහ.

සම්මාන උළෙලේ ප්‍රධාන කතාව සිදුකරමින් යුනියන් බැංකුවේ අධ්‍යක්ෂ/ප්‍රධාන විධායක නිලධාරී ඉන්ද්‍රජිත් වික්‍රමසිංහ මහතා සම්මානලාභීන් සියලු දෙනාට ම සිය සුබපැතුම් එක් කළේය. “2018 වසරේදී බැංකුව අත්කර ගත් සුවිශේෂී ප්‍රගතිය සඳහා ඉදිරිපෙළ කාර්යමණ්ඩල සාමාජිකයන්ගේ කැපවීම, උනන්දුව සහ අසමසම විශේෂඥ දැනුම මනාව උපකාරී වුණා. එමෙන්ම සහය ක්‍රියාකාරකම් ද බැංකුවේ ඉලක්ක සහ අරමුණු සාක්ෂාත් කර ගැනීමට උපකාරී වුණා. යුනියන් බැංකුවේ තුන් අවුරුදු ක්‍රමෝපාය වර්ධන සැලසුමේ පළමු වසර සම්පූර්ණ කර සිටින මේ මොහොතේ අප පසුකරමින් සිටින්නේ අපගේ සාර්ථකත්වයේ ගමන්මගේ මධ්‍ය සංධිස්ථානයක්. මේ වසරේදී සහ එළඹෙන වසරේදී අප අලුත් ම වර්ධන ක්‍රමෝපායක් සකස් කර යුනියන් බැංකුවේ මීළඟ පරිණාමය සිදුකරනවා. යුනියන් බැංකුවේ අනාගතය වෙනුවෙන් ඔබ සියලු දෙනාට ක්‍රියාකාරී භූමිකාවක් හිමිවනවා. මෙරට පාරිභෝගික සහ සුළු හා මධ්‍ය පරිමාණ ක්ෂේත්‍රයේ තේරීම බවට පත්වීමේ අරමුණ සාක්ෂාත් කර ගැනීම සඳහා ඔබගේ එම සහයෝගය බෙහෙවින් වැදගත් වනවා”

වසරේ විශිෂ්ටත ම බැංකුකරණ සබඳතා කළමනාකරු, විශිෂ්ටත ම කණ්ඩායම් නායක-වගකීම් විකුණුම්, විශිෂ්ටත ම කණ්ඩායම් නායක – පුද්ගලික ණය/නිවාස ණය, විශිෂ්ටත ම එකතු කිරීමේ නියෝජිත, විශිෂ්ටත ම හුවමාරු බැංකුකරණ නිලධාරී, විශිෂ්ටත ම විකුණුම්කරු-කලාප මට්ටමින්, විශිෂ්ටත ම ශාඛාව – කලාප මට්ටමින් සහ විශිෂ්ටත ම ශාඛාව ආදිය මෙහිදී පිරිනැමුණු කීර්තිමත් සම්මාන රැස අතර වෙයි.

කලාප IA, කලාප IB, කලාප II, කලාප III සහ කලාප IV සඳහා විශිෂ්ටත ම ශාඛා ලෙස පිළිවෙලින් පිළියන්දල ශාඛාව, බොරැල්ල ශාඛාව, ඉබ්බාගමුව ශාඛාව, අකුරැස්ස ශාඛාව සහ මන්නාරම ශාඛාව සම්මානයට පාත්‍ර විය. වසරේ විශිෂ්ටත ම ශාඛාව ලෙස පිළියන්දල ශාඛාව සම්මානය හිමිකර ගැනීමට සමත් විය.

–අවසන්-

එළඹෙන අවුරුදු සමය සඳහා ම සුවිශේෂී වූ දීමනා රැසක් සිය ක්‍රෙඩිට් සහ ඩෙබිට් කාඩ්පත්හිමියන් සඳහා පිරිනැමීමට යුනියන් බැංකුව කටයුතු කරයි.

ඒ අනුව පුළුල් පරාසයක විහිදුනු ජනප්‍රිය ඇඳුම්, මෙවලම්, ආහාර පාන, ගෘහ භාණ්ඩ, ගෘහ උපාංග සහ අන්තර්ජාල අලෙවිකරුවන් රැසකගෙන් වට්ටම් සහ දීමනා හිමිකර ගැනීමේ අවස්ථාව යුනියන් බැංකු පාරිභෝගිකයන් හට හිමිවේ.

මේ අවුරුදු සමයේදී දිවයින පුරා විහිදුනු සුපිරි වෙළඳසැල්වලින් 20%ක් දක්වා ද, ප්‍රමුඛ පෙළේ ඇඟළුම් වෙළඳසැල්වලින් 30%ක් දක්වා ද, මෝටර් රථ සේවා ස්ථාන සඳහා 40%ක් දක්වා ද, ආකර්ෂණීය නිවාඩු ස්ථාන සඳහා 50%ක් දක්වා ද යුනියන් බැංකු ක්‍රෙඩිට්කාඩ්පත් සඳහා වට්ටම් හිමිවේ.

යුනියන් බැංකු ක්‍රෙඩිට් කාඩ්පත් වට්ටම් මෙරට ජනප්‍රිය හෝටල් සහ නිවාඩු නිකේතන සඳහා ද වසර පුරා ම පිරිනැමීමට කටයුතු කෙරේ.

මෙරට ජනතාවගේ ජීවන ශෛලියට ඔබින ලෙස පසුගිය ඔක්තෝබර් මසදී හඳුන්වාදෙන ලද යුනියන් බැංකු ක්‍රෙඩිට් කාඩ්පත්, සුපිරි වෙළඳසැල්/සිල්ලර වෙළඳසැල් සහ ඉන්ධන බිල්පත් සඳහා ‘මුදල් ආපසු පිරිනැමීමේ’ දීමනාව නිසා ඉතා කෙටි කලක් තුළ ජනප්‍රියත්වයට පත්විය.

‘ස්වයිප් කරන්න, ප්‍රතිලාභ ලබන්න’ යන සිය ප්‍රතිඥාව අනුව යමින් යුනියන් බැංකු ක්‍රෙඩිට් කාඩ්පත් සිය පාරිභෝගිකයන් සඳහා විශිෂ්ට මුල්‍ය නම්‍යශීලිබවක් හිමිකර දෙයි. පොළී රහිත පහසු ගෙවීමේ ක්‍රම, කාඩ්පත් ණය සහ ශේෂය හුවමාරු කිරීමේ පහසුකම මෙන්ම ආකර්ෂණීය පහසු ගෙවීමේ වාරික මගින් ශේෂය පියවීමේ පහසුකම ඇතුළු සේවා සහ පහසුකම් රැසක් යුනියන් බැංකු ක්‍රෙඩිට් කාඩ්පත්හිමියන් හට හිමිවේ.

මෙම සුවිශේෂී කාඩ්පත පිළිබඳ වැඩිදුර තොරතුරු 011 5 800 800 අංකය ඇමතීමෙන් හෝ www.unionb.com වෙබ් අඩවියට පිවිසීමෙන් හෝ ලබාගත හැකිය.

සිහින පසුපස හඹා යන වෘත්තිකයන්ගේ සිහින සැබෑ කිරීමේ අරමුණ පෙරදැරිව යුනියන් බැංකුව ‘Gold Circle’ නමින් සුවිශේෂී මුල්‍ය පහසුකමක් හඳුන්වා දී ඇත.

ඉතිරිකිරීමේ සහ ණය ලබාගැනීමේ සේවා වලින් ද සමන්විත මෙම නවත ම සේවාව හරහා තරුණ වෘත්තිකයන්ට/ව්‍යාපාරිකයන්ට මෙන්ම නැගීඑන ව්‍යවසායකයන්ට ද වඩාත් පහසුවෙන් බැංකුකරණ කටයුතු ඉටුකර ගැනීමේ අවස්ථාව හිමිවේ.

යුනියන් බැංකුවේ Gold Circle මගින් ගිණුම් හිමියන් හට රු. 250,000ක උපරිමයකට යටත්ව මාසික වැටුපට සමාන අත්තිකාරම් මුදලක් එවලේම ලබාගත හැකිය. තවද, පෙර අනුමත ක්‍රෙඩිට් කාඩ්පත්, නිවාස ණය සහන සහ දේපළ පොළී අනුපාත යටතේ ණය මෙන්ම ප්ලැටිනම් ඩෙබිට් කාඩ්පත් නිකුත් කිරීමේ ගාස්තු සඳහා වට්ටම් ආදී සුවිශේෂී පහසුකම් රැසක් ද මේ යටතේ ගිණුම් හිමියන් හට ලබාදීමට යුනියන් බැංකුව කටයුතු කරයි. පහසු මිලකට බැංකු සේප්පු සේවා ලබාගත හැකිවීම මෙන්ම විදේශ මුදල් නිකුත් කිරීමේදී කොමිස් ගාස්තු අඩුකිරීම ද මෙම විශේෂිත පාරිභෝගික අංශයට හිමිවන තවත් ප්‍රතිලාභ අතර වේ.

පුද්ගලික අවධානය සහ නිවැරදි මුල්‍ය උපදෙස් සඳහා වෘත්තිකයන් සහ ව්‍යාපාරිකයන් හට ඈති අවශ්‍යතාව මැනවින් හඳුනා ගනිමින් යුනියන් බැංකුව මෙම සේවාව හරහා ඔවුන් වෙනුවෙන් ම කැපවුණු සබඳතා කළමනාකාරවරයෙකුගේ සේවාව ලබාදීමට ද කටයුතු කරයි. බැංකුකරණ කටයුතු තවත් පහසු කිරීමේ අරමුණින් යුතුව ඔවුන් සඳහා අන්තර්ජාල සහ ජංගම බැංකුකරණ සේවා මෙන්ම කෙටි පණිවිඩ සේවාව ද නොමිලේ ම පිරිනැමේ.

ව්‍යාපාරිකයන්ගේ දිනෙන් දින වෙනස් වන අවශ්‍යතා සපුරාලීම සඳහා නොමිලේ මුදල් එකතුකිරීමේ සේවා පිරිනැමීමට ද එම බැංකුව පහසුකම් සලසා ඇත.

යුනියන් බැංකුවේ Gold Circle සේවාව පිළිබඳ අදහස් පළ කරමින් එම බැංකුවේ පාරිභෝගික බැංකුකරණ අංශයේ උප සභාපති චායා ජයවර්ධන මහත්මිය සඳහන් කළේ, මෙම සුවිශේෂී සේවාව වෘත්තිකයන් සහ ව්‍යාපාරිකයන් හට ඔවුන්ගේ මීළඟ කඩයිම ළඟා කර ගැනීම සඳහා අවශ්‍ය සහයෝගය ලබාදීමේ අරමුණ පෙරදැරිව හඳුන්වා දී ඇති බවය. “විවිධ පාරිභෝගික අංශ වල අවශ්‍යතා විවිධ වන අතර එම විවිධ වූ අවශ්‍යතා වලට අනුකූල සේවාවක් ලබාදීම සඳහා යුනියන් බැංකුව නිබඳව කැපවී සිටිනවා. වෙළඳපලේ දිනෙන් දින වෙනස් වන බැංකුකරණ අවශ්‍යතා සපුරාලීම සඳහා සේවා වැඩිදියුණු කිරීමට යුනියන් බැංකුවේ පාරිභෝගික බැංකුකරණ අංශය දක්වන අඛණ්ඩ කැපවීම මෙම Gold Circle සේවාව හරහා තවදුරටත් පිළිබිඹු වනවා. තවද, මෙම සේවාව හරහා වෘත්තිකයන් සහ ව්‍යවසායකයන්ගේ අරමුණු සාක්ෂාත් කර ගැනීමට සහයෝගය ලබාදෙමින් යුනියන් බැංකුව සහ ඔවුන් අතර ඇති සබඳතාව තවදුරටත් ශක්තිමත් කරගැනීම අපගේ බලාපොරොත්තුවයි”

යුනියන් බැංකුවේ Gold Circle සේවාව සහ එම බැංකුව පිරිනමන අනෙකුත් පාරිභෝගික බැංකුකරණ සේවා පිළිබඳ තොරතුරු www.unionb.com වෙබ් අඩවියෙන් ලබාගත හැකිය.

මේ වසරේ අගෝස්තු මසදී සිය ක්‍රෙඩිට් කාඩ්පත් හඳුන්වා දීමෙන් අනතුරුව යුනියන් බැංකුව මහනුවරදී තවත් විශේෂ හඳුන්වාදීමේ උළෙලක් සංවිධානය කළේය. මහනුවර අර්ල්ස් රීජන්සි හෝටලයේ පැවති මෙම අවස්ථාව සඳහා මධ්‍යම පළාත නියෝජනය කරමින් සේවාලාභීන්, ආරාධිතයන් ඇතුළු විශාල පිරිසක් සහභාගී වූහ.

සිය පාරිභෝගික බැංකුකරණ සේවා සඳහා නැවුම් ප්‍රවේශයක් හිමිකර දෙමින් යුනියන් බැංකුව VISA payWave තාක්ෂණයෙන් යුතුව ගෝල්ඩ්, ප්ලැටිනම් සහ සිග්නේචර් යන ක්‍රෙඩිට් කාඩ්පත් තුන හඳුන්වා දුන්නේය. විවිධ පාරිභෝගික අංශවල අවශ්‍යතා මැනවින් හඳුනා ගනිමින් එම අවශ්‍යතාවලට ඔබින පරිදි පුළුල් පරාසයක විහිදුනු දීමනා, ප්‍රතිලාභ සහ සුවිශේෂී විශේෂාංග රැසකින් යුතුව මෙම ක්‍රෙඩිට් කාඩ්පත් හඳුන්වා දීම විශේෂත්වයකි.

“VISA PayWave තාක්ෂණයෙන් යුතු යුනියන් බැංකු ක්‍රෙඩිට් කාඩ්පත් පාරිභෝගිකයාට උපරිම පහසුව සලසා දීම සඳහා දැනට ක්ෂේත්‍රයේ පවතින ප්‍රමිතියෙන් උසස් ම ප්ලාස්ටික් ආවරණයකින් නිමවා තිබෙනවා. ඊට අමතරව මෙම ප්‍රතිලාභ රැසක් සහ වසර පුරා දීමනා රැසක් ද පාරිභෝගිකයන් හට පිරිනැමීමට අප කටයුතු කර තිබෙනවා” යනුවෙන් යුනියන් බැංකුවේ අධ්‍යක්ෂ/ප්‍රධාන විධායක නිලධාරී ඉන්ද්‍රජිත් වික්‍රමසිංහ මහතා ප්‍රකාශ කළේය.

මහනුවරදී සංවිධානය කෙරුණු මෙම උළෙලේ ප්‍රධානත ම අරමුණ වූයේ යුනියන් බැංකු ක්‍රෙඩිට් කාඩ්පත් හඳුන්වාදීමත් ජනතාව අතර දැනුවත් භාවය ඇති කිරීමත්ය. තවද, කැන්ඩි සිටි සෙන්ටර්හිදී (KCC) දෙදින ප්‍රවර්ධන වැඩසටහනක් ද දියත් කෙරුණු අතර යුනියන් බැංකු කණ්ඩායම එහිදී ක්‍රෙඩිට් කාඩ්පත්වල ප්‍රතිලාභ සහ දීමනා පිළිබඳ දැනුවත් කළෝය.

ශීඝ්‍රයෙන් ජනප්‍රියත්වයට පත්වෙමින් ඇති යුනියන් බැංකු ක්‍රෙඩිට් කාඩ්පත් පිරිනමන සුවිශේෂී ඉතුරුම් සහ වට්ටම් නිසාම කාඩ්පත්හිමියන් හට පුළුල් භාවිත අත්දැකීමක් හිමිකර දීමට සමත්ව සිටී.

දිවයින පුරා විහිදුනු යුනියන් බැංකු ශාඛා ජාලයෙන් මෙම ක්‍රෙඩිට් කාඩ්පත් ලබාගත හැකි අතර අන්තර්ජාලයෙන් හෝ සතියේ දින 7ම පැය 24 පුරා ක්‍රියාත්මක 011 58005800 ඇමතුම් මධ්‍යස්ථානය ඇමතීමෙන් හෝ තමන්ට ම වෙන්වූ විකුණුම් නිලධාරියෙකු හරහා පහසුවෙන් වැඩිදුර තොරතුරු ලබාගත හැකිය.

යුනියන් බැංකු ක්‍රෙඩිට් කාඩ්පත් සහ වෙනත් නිෂ්පාදන සහ සේවා පිළිබඳ තොරතුරු සඳහා unionb.com වෙත පිවිසෙන්න.

යුනියන් ඇෂුවරන්ස් සමාගම තම බැංකු රක්ෂණ සේවාවන් පුළුල් කිරීම සඳහා යුනියන් බැංකුව සමග ප්‍රමුඛතා හවුල්කාරීත්ව (Preferred Partnership) – අවබෝධතා ගිවිසුමකට අත්සන් තැබීමට පසුගියදා කටයුතු කළේ ය. 2018 ඔක්තෝබර් 19 වැනිදා කොළඹ හිල්ටන් රෙසිඩන්සීස් හිදී මෙම ගිවිසුම අත්සන් තැබුණු අතර එම අවස්ථාවට සමාගම් දෙක නියෝජනය කරමින් විශාල පිරිසක් සහභාගී වූහ.

යුනියන් ඇෂුවරන්ස් යනු වර්තමාන ලෝකයේ ගනුදෙනුකරුවන්ගේ අවශ්‍යතා මැනවින් හඳුනාගෙන, ඒ අනුව ඕනෑම කෙනෙකුගේ ජීවන රටාවට ගැළපෙන පරිදි පුරෝගාමී රක්ෂණ සේවාවන් රාශියක් හඳුන්වා දී ඇති සමාගමකි. වසර 30 ක් තිස්සේ සමාගම ලබා ඇති අත්දැකීම් සම්භාරය නිසා මේ ආකාරයට ශ්‍රී ලාංකිකයන්ගේ ජීවිත හා ජීවනෝපායන් සුරක්ෂිත කරන විසඳුම් හා සේවාවන් හඳුන්වා දීමට සමාගමට හැකියාව ලැබී ඇත.

යුනියන් ඇෂුවරන්ස් බැංකු රක්ෂණ සේවා ජාලය මේ වනවිට රටේ විශාලතම බැංකු රක්ෂණ සේවාව බවට වර්ධනය වී තිබේ. දැනටමත් එය මෙරට ප්‍රධාන බැංකු 5 ක ශාඛා 500 කට අධික සංඛ්‍යාවක් ආවරණය කර ඇති අතර මෙම නව අවබෝධතා ගිවිසුම මගින් එය තවදුරටත් පුළුල් වනු ඇත.

රටේ ප්‍රමුඛ පෙළේ බැංකුවක් ලෙස මේ ආකාරයට යුනියන් ඇෂුවරන්ස් සමාගම සමග හවුල්කාරීත්වයකට එළඹීමට හැකිවීම ගැන අප ඛෙහෙවින් සතුටු වනවා. රටේ ජනතාව වෙනුවෙන් සේවාවන් සැලසීම සම්බන්ධයෙන් අප සමාගම් දෙකේ දැක්ම එක සමාන බව කියන්නට පුළුවන්. මේ හවුල්කාරීත්වය අප සමාගම් දෙකටම ඛෙහෙවින් ඵලදායී හවුල්කාරීත්වයක් බවට පත්වනු ඇති බව මට විශ්වාසයි. මේ ඔස්සේ අපට ජනතාව වෙනුවෙන් සැබෑම ජීවන වෙනසක බැඳීමකට දායක වීමට හැකිවනු ඇති බවට කිසිදු සැකයක් නැහැ.˜ යුනියන් බැංකුවේ අධ්‍යක්ෂ/ප්‍රධාන විධායක නිලධාරී ඉන්ද්‍රජිත් වික්‍රමසිංහ මහතා පැවසී ය.

යුනියන් ඇෂුවරන්ස් යනු බැංකු රක්ෂණ සේවා ක්ෂේත්‍රයේ ප්‍රමුඛතම සමාගමක්. අප මෙම නව හවුල්කාරීත්වය දකින්නේ යුනියන් බැංකුව සමග සම්බන්ධතා තවදුරටත් ශක්තිමත් කරගැනීමට වගේම බැංකු රක්ෂණ සේවා ක්ෂේත්‍රය තුළ තවදුරටත් වර්ධනය වීමට ලැබුණු අවස්ථාවක් ලෙසයි. මේ ඔස්සේ අපට නව ගනුදෙනුකරුවන්ට ආමන්ත්‍රණය කරමින් නව වෙළඳපොළ කාණ්ඩ වෙත ප්‍රවේශ වීමට හැකියාව ලැබේවි. අප නිරන්තරයෙන් අපගේ සේවාවන් යාවත්කාලීන කිරීමටත් නව සේවාවන් හඳුන්වා දීමටත් කටයුතු කරන නිසා අපගේ විසඳුම් හා සේවාවන් මගින් ගනුදෙනුකරුවන්ට මෙන්ම සමාගම් හා ආයතන වලටත් පැහැදිලිවම ප්‍රතිලාභ රාශියක් සැලසෙනවා.˜ යුනියන් ඇෂුවරන්ස් සමාගමේ අධ්‍යක්ෂ/ප්‍රධාන විධායක නිලධාරී ඩර්ක් පෙරෙයිරා මහතා පැවසී ය.

වෙළඳපොළ ප්‍රාග්ධනීකරණය අතින් ශ්‍රී ලංකාවේ ප්‍රමුඛතම පෞද්ගලික බැංකු 5 අතරට ඇතුළත් වී ඇති යුනියන් බැංකුව මෙරටට නිර්මාණශීලී හා ක්‍රමෝපායික වශයෙන් වැදගත් බැංකු සේවා විසඳුම් හඳුන්වා දෙමින් සිටී.

ප්‍රමුඛතා හවුල්කාරීත්වයක් යනු දෙපාර්ශ්වයටම ප්‍රතිලාභ සැලසෙන එකඟතාවකි. මෙමගින් යුනියන් බැංකුවට තම ශාඛා ජාලය තුළදී ගනුදෙනුකරුවන්ට පරිපූර්ණ මූල්‍ය සේවා එකතුවක් පිරිනැමීමේ අවස්ථාව හිමිවන අතර, යුනියන් ඇෂුවරන්ස් සමාගමට එම ශාඛා ඔස්සේ නව ගනුදෙනුකරුවන් ආකර්ෂණය කරගනිමින් ඔවුන්ට විශිෂ්ට සේවාවක් ලබාදීමේ අවස්ථාව හිමි වේ.

ශ්‍රී ලංකාවේ ප්‍රමුඛතම රක්ෂණ සමාගමක් වන යුනියන් ඇෂුවරන්ස් සමාගම, මෙරට විශාලතම සමූහ ව්‍යාපාරයක් වන ජෝන් කීල්ස් හෝල්ඩින්ස් සමූහ ව්‍යාපාරයේ සාමාජික සමාගමකි. සිය 30 වසරක විශිෂ්ටත්වය සමගින් දිගින් දිගටම තම මානව සම්පත්, සේවාවන් සහ ක්‍රියාවලි දියුණු කරමින්, සියලූම හවුල්කරුවන්ගේ සාර්ථකත්වයේ සහකරුවා බවට පත්වීම සමාගමේ ඉලක්කය වේ. අංග රැසකින් සමන්විත යුනියන් ඇෂුවරන්ස් අලෙවි ජාලයේ එක් වැදගත් අංගයක් වන බැංකු රක්ෂණ සේවා අංශය නවීනතම තාක්ෂණය භාවිතා කරන, අත්දැකීම් බහුල, විශිෂ්ට කණ්ඩායමක් මගින් මෙහෙයවනු ලබන අතර ඔවුහු සෑම විටම ගනුදෙනුකරුවන්ට වඩාත් පහසු හා විශ්වාසනීය සේවාවක් ලබාදීමට කැපවී සිටිති.

නැෂනල් ඇසට් මැනේජ්මන්ට් ලිමිටඩ් (NAMAL) සමාගමේ සභාපති ඇලෙක්සිස් ලොවෙල් මහතා විසින් එම සමාගමේ ප්‍රධාන විධායක නිලධාරී ලෙස රුසිරු අබේසිංහ මහතා පත්කරනු ලැබ ඇත. මෙම පත්වීම 2018 අගෝස්තු මස 15 වනදා පටන් බලපැවැත්වේ. 1991 වසරේදී ස්ථාපනය කරන ලද එම සමාගම මෙරට පුරෝගාමී ඒකක භාර කළමනාකරණ ආයතනය ලෙස වසර 27ක අත්දැකීම් සම්භාරයකට මෙන්ම කොටස් සහ ස්ථාවර ආදායම් වෙළඳපල තුළ සාර්ථකත්වයේ ගමන්මගකට ද හිමිකම් කියයි. එම සමාගම යුනියන් බෑන්ක් ඔෆ් කලම්බෝහි අනු සමාගමක්වන අතර DFCC බැංකුව සහ Ennid Capital සමාගම එහි අනෙකුත් කොටස්කාර ආයතන වේ.

පුළුල් පරාසයක විහිදුනු වත්කම් වර්ග රැසක් තුළ වසර 11කට අධික අත්දැකීම් සම්භාරයකට හිමිකම් කියන අබේසිංහ මහතා, මීට පෙර ඩේවිඩ් පීරිස් මෝටර් කම්පනි ඇසට්ලයින් හෝල්ඩින්ග්ස් (DPAH) සමාගමේ ප්‍රධාන මෙහෙයුම් නිලධාරී ලෙස සේවය කළේය. ඩේවිඩ් පීරිස් මෝටර් කම්පනි ඇසට්ලයින් හෝල්ඩින්ග්ස් යනු ඩේවිඩ් පීරිස් සමූහයේ සාමාජිකයෙකුවන අතර ඩේවිඩ් පීරිස් හෝල්ඩින්ග්ස් සමාගමේ පූර්ණ අනුබද්ධිත සමාගමක් ද වෙයි. ඩේවිඩ් පීරිස් මෝටර් කම්පනි ඇසට්ලයින් හෝල්ඩින්ග්ස් සමාගමේ සේවයට එක්වීමට පෙර ඒ මහතා බ්‍රැන්ඩික්ස් ලංකා සහ ෆීනික්ස් ඉන්ඩස්ට්‍රිස් සමාගම්වල මව් සමාගමවන ෆීනික්ස් වෙන්චර්ස් සමාගමේ ආයෝජන ප්‍රධානී ලෙස සේවය කළේය. එම සමාගම තුළ අබේසිංහ මහතා ලැයිස්තුගත කොටස්, ස්ථාවර ආදායම්, පුද්ගලික කොටස් සහ දේපළ ආදී විවිධ වත්කම් වර්ග රැසක් කළමනාකරණය කළේය. සිනමන් එයාර්හි මෙහෙයුම් සිදු කරන සැෆ්රන් ඒවියේෂන්හි ෆීනික්ස් වෙන්චර්ස් නාමික අධ්‍යක්ෂවරයා වශයෙන් ද එතුමා කටයුතු කළේය. කාඩිෆ් මෙට්‍රොපොලිටන් විශ්වවිද්‍යාලයේ MBA උපාධියකට හිමිකම් කියන අබේසිංහ මහතා, එක්සත් රාජධානියේ වරලත් කළමනාකරණ ගණකාධිකාරී ආයතනයේ සහකාර සාමාජිකයෙක් ද වෙයි.

බාගත කරන්න

සිංහල සහ හින්දු අලුත් අවුරුද්ද වෙනුවෙන් සුදානම් වන සිය පාරිභෝගිකයින් ඇගයීම සඳහා යුනියන් බැංකුව ‘කලින් අවුරුදු ගනුදෙනු’වැඩසටහන ක්‍රියාවට නංවා තිබේ. සිය ඉතිරි කිරීමේ ගිණුම් වල මෙම කාලසීමාවේදී මුදල් තැන්පත් කරන පාරිභෝගිකයින් වෙනුවෙන් මෙම විශේෂ ප්‍රවර්ධන වැඩසටහන ක්‍රියාත්මක වේ.

මෙම තෑගි පිරිනැමීම 2017 මාර්තු 25 ආරම්භවු අතර, පාරිභෝගිකයින්ගේ ඉතුරුම් ශේෂය ඉහළ යන අතරම වටිනා තෑගි දිනාගැනීමේ අවස්ථාව ඔවුන්ට හිමිව තිබේ. මේ වර්ෂයේ ‘කලින් අවුරුදු ගනුදෙනු’ ප්‍රවර්ධන වැඩසටහන පෙර වර්ෂයන්ට වඩා විශේෂත්වයක් ගන්නා අතර, පාරිභෝගික ආකර්ෂණය වඩාත් හිමිකර ගැනීමේ හැකියාව සහිතව ඉතිරි කිරීම් සඳහා තෑගි පිරිනැමීමට කටයුතු කර තිබේ.

දැනට යුනියන් බැංකුවේ පවත්වාගෙන යන සහ නව ඉතිරි කිරීමේ ගිණුම්/ ජංගම ගිණුම් සඳහා සිදුකරන මුදල තැන්පතුවලට මෙම තෑගි පිරිනැමේ. රුපියල් 10,000/-ට වැඩි තැන්පතු සඳහා ට්‍රැවලින් බෑගයක්, රුපියල් 50,000/-ට වැඩි තැන්පතු සඳහා විදුලි කේතලයක්, රුපියල් 100,000/-ට වැඩි තැන්පතු සඳහා බ්ලූටූත් ස්පීකරයක්, පොප් අප් ටෝස්ටරයක් හෝ ජංගම පවර් බෑන්ක් එකක් යන තෑගි අතරින් කැමති ත්‍යාගයක් තෝරා ගැනීමේ අවස්ථාවද ලබා දී තිබේ. රුපියල් 500,000/-ට වැඩි තැන්පතු සඳහා ගෑස් සිලින්ඩරයක්, ගෑස් කුකරයක් හෝ ආහාර සැකසුම් යන්ත්‍රයක් හෝ දුරස්ථ පාලක ස්ටෑන්ඩ් විදුලි පංකාවක් යන තෑගි අතරින් කැමැති ත්‍යාගයක් තෝරා ගැනීමටද අවස්ථාව ලබා දී තිබේ. රුපියල් 1,000,000 සහ ඊට වැඩි තැන්පතු සඳහා LED රූපවාහිනී, මිනි බාර් ශීතකරණ, ටැබ් පරිගණක, ගෑස් සිලින්ඩර, ලිප් දෙකේ ගෑස් උදුන් සහ සාස්පාන් කට්ටල වැනි මුළුතැන්ගෙයි භාණ්ඩ තෝරාගැනීමට යුනියන් බැංකුව පාරිභෝගිකයාට අවස්ථාව ලබා දී තිබේ.

අල්ට්‍රා සේවර් සහ සැලරි පවර් වැනි යුනියන් බැංකුවේ ඉතිරි කිරීමේ විසඳුම් ක්‍රමානුකූලව ඉතිරි කිරීමට හුරුවී සිටින්නන් හට සුදුසුම පිළිතුරකි. ඔවුන්ට ආකර්ෂණීය ප්‍රතිලාභ සහ අගය එකතු කිරීම් මෙම ගිණුම් හරහා හිමිවේ. මෙම ප්‍රවර්ධන වැඩසටහන මෙවැනි ගිණුම් හිමියන් සඳහා විශේෂ වටිනාකමක් ලබා දෙයි. යුනියන් බැංකුවේ ශාඛා 67ක් දිවයින පුරා පිහිටා තිබෙන අතර, LankaPay සමග සම්බන්ධිත ATM යන්ත්‍ර 4,000කට අධික ප්‍රමාණයකින් ගනුදෙනු කිරීමේ අවස්ථාවද පාරිභෝගිකයින්ට ලබා දී තිබේ.

යුනියන් බැංකුව සිය අන්තර්ජාල බැංකු සේවාව හරහා පාරිභෝගිකයින්ට නව්‍ය බැංකුකරණ අත්දැකීමක් ලබා දෙන අතර, පාරිභෝගිකයින්ගේ ජීවන රටාවන්ට ගැලපෙන මොබයිල් බෑන්කින් සේවාවක්ද යුනියන් බැංකුව සතුය.

කලින් අවුරුදු ගනුදෙනු’ වැඩසටහන සීමිත කාලයකට පමණක් පවත්වන අතර තොග අවසන් වීමත් සමග වැඩසටහනද නිමාවට පත්වේ. මෙම දීමනා ලබාගැනීමට ආසන්නතම යුනියන් බැංකු ශාඛාවට පිවිසෙන්න. නැතිනම් පැය විසි හතර පුරා විවෘත පාරිභෝගික ඇමතුම් සේවා අංකය වන 011 5 800 800 අමතන්න.