ගෙවීම් සිදු කිරීම

කරුණාකර ඔබගේ යුනියන් බැංකු ක්‍රෙඩිට් කාඩ්පතට වෙන්කර ඇති ‘ගිණුම් අංකයට‘ ගෙවීම් සිදු කරන්න. මෙය, ක්‍රෙඩිට් කාඩ්පත් ගිණුම් ප්‍රකාශනයෙන් ලබාගත හැකිය.

ඔබට පහත ක්‍රම ඔස්සේ ද ගෙවීම් සිදු කළ හැකිය:

• ඕනෑම යුනියන් බැංකු ශාඛාවක කවුන්ටරයෙන් මුදල් තැන්පත් කළ හැකිය
• යුනියන් බැංකුවේ මොබයිල් ඇප් සහ අන්තර්ජාල බැංකුකරණ සේවාව භාවිත කරමින් මුදල් හුමමාරු කළ හැකිය (යුනියන් බැංකු ගිණුම් හිමියන් සඳහා)
• අන්තර්ජාල බැංකුකරණ සේවාව හෝ මොබයිල් බැංකුකරණ සේවාව හරහා වෙනත් ඕනෑම බැංකුවකින් යුනියන් බැංකුවට මුදල් යොමු කළ හැකිය (මුදල් හුවමාරු ක්‍රමය භාවිත කරන්න. ක්‍රෙඩිට් කාඩ්පත් ගෙවීම් විකල්පය භාවිත නොකරන්න) (වෙනත් බැංකු ගිණුම් හිමියන් සඳහා)

යුනියන් බැංකුවට බාරගත හැක්කේ කාඩ්පත් හිමියාගේ ක්‍රෙඩිට් කාඩ්පත් “ගිණුමට” සිදු කෙරෙන ගෙවීම් පමණි

ක්‍රෙඩිට් කාඩ්පත් ගිණුම යනු කුමක්ද?

• ක්‍රෙඩිට් කාඩ්පත් ගිණුම විවෘත වන්නේ ඔබගේ ක්‍රෙඩිට් කාඩ්පත නිකුත් කෙරෙන මොහොතේය
• එය විවෘත කර ඇත්තේ ක්‍රෙඩිට් කාඩ්පතට සිදු කරන ගෙවීම් බාරගැනීම සඳහා පමණි
• ඔබගේ ක්‍රෙඩිට් කාඩ්පත් ගිණුම් ප්‍රකාශනයේ වම් පස ඉහළ කෙළවරේ ක්‍රෙඩිට් කාඩ්පත් ගිණුම් අංකය සඳහන් කර ඇත
• ඔබ යුනියන් බැංකු ඩිජිටල් ක්‍රම භාවිත කරන්නේ නම් ගිණුම් අංකය ඔබගේ තිරයේ පෙන්නුම් කෙරේ

පොළී රහිත සහන කාලය

කිසියම් මුල්‍ය ප්‍රකාශනයක ඇතුළත් මුදල් හුවමාරු සඳහා එම මුදල් ප්‍රකාශනයේ කාල සීමාව තුළ පොළී අය නොකෙරේ. පොළී රහිත උපරිම ණය කාල සීමාව දින 51කි.

ගෙවිය යුතු අවම ගාස්තුව ගණනය කිරීම

ගෙවිය යුතු අවම මුදල ගණනය කෙරෙනුයේ මුළුමනින් ම රජයේ බදු/ගාස්තු සහ සියලු ම වෙනත් මුදල් හුවමාරු සහ ගාස්තුවලින් 4%කින් යුතුවය. බලපැවැත්වෙන අවම ගෙවිය යුතු මුදල රු. 500කි. ‘සමස්ත ගෙවිය යුතු මුදල’ මෙම බලපැවැත්වෙන අවම ගෙවිය් යුතු මුදලට වඩා අඩු නම් අවම මුදල ලෙස එම සමස්ත මුදල ගෙවිය යුතු වේ.

කාඩ්පත් හිමියාට පසුගිය හිඟ මුදල් ද ගෙවීමට ඇත්නම්, එම අගය වත්මන් ගෙවිය යුතු සමස්ත අවම අගයට එකතු කරනු ලැබේ.

ගෙවීම් සිදු කළ යුතු දිනයේදී ගෙවිය යුතු අවම මුදල ගෙවීමට අපොහොසත් වුවහොත් ඔබගේ ගිණුම මුදල් ගෙවීම් පැහැර හරින ලද ගිණුමක් ලෙස වර්ගීකරණය කෙරෙනු ඇත. මෙමගින් ඔබගේ ණය ඇගයුම කෙරෙහි අහිතකර ලෙස බලපානු ඇති අතර එමගින් ණය තොරතුරු කාර්යංශයට (CRIB) සෘණාත්මක තොරතුරු යොමු කෙරෙනු ඇත.

ප්‍රමාද ගාස්තු

ගෝල්ඩ්/ප්ලැටිනම් ක්‍රෙඩිට් කාඩ්පත් – රු. 1,500

සිග්නේචර් කාඩ්පත් – නොමිලේ (කරුණාකර ගාස්තු ලේඛනය බලන්න)

ප්‍රමාද ගාස්තු අය කෙරෙනුයේ ගෙවීම් සිදු කළ යුතු දිනයේදී හෝ ඊට පෙර ගෙවිය යුතු අවම මුදල ගෙවා නොමැතිනම්ය.

ප්‍රමාද ගාස්තු අය කෙරෙනුයේ පොළියට අමතරවවන අතර පහත දැක්වෙන අවස්ථාවලදී එය අය කෙරෙනු ලැබේ.

• මුල්‍ය ප්‍රකාශනය සකස් කෙරුණු දිනයත් ගෙවීම් සිදු කළ යුතු දිනයත් අතර ගෙවීම් නොලැබුණු විට
• සිදු කරන ලද ගෙවීම ගෙවිය යුතු අවම මුදලට වඩා අඩු නම්

සීමාව ඉක්මවීමේ ගාස්තු

සියලු ම කාඩ්පත් සඳහා පොදුවේ රු. 1,500ක ස්ථාවර අගයක් අය කෙරේ (කරුණාකර ගාස්තු ලේඛනය බලන්න)

කාඩ්පත් හිමියා ඔහුට/ඇයට නියමිත ණය සීමාව ඉක්මවා යාමේදී සීමාව ඉක්මවීමේ ගාස්තු අය කෙරේ