2. සුරක්ෂිත බැංකුකරණ ක්‍රම භාවිත කරන්න

• ඔබේ පහසුව සහ ආරක්ෂාව වෙනුවෙන්, හැකි පමණ යුනියන් බැංකුවේ නිළ ඩිජිටල් බැංකුකරණ මාධ්‍ය පමණක් භාවිත කරන්න.
• ඔබ කැමති උපාංගයට අපගේ UBGO ජංගම දුරකථන යෙදවුම බාගතකර ගන්න.

• පහත සබැඳි හරහා පමණක් අන්තර්ජාල බැංකුකරණ සේවා වෙත පිවිසෙන්න.
  • පුද්ගලික බැංකුකරණය
  • ව්‍යාපාරික බැංකුකරණය

මෙම ක්‍රමවේද, ඔබ කොතැනක සිටියත් ඔබේ තොරතුරු ආරක්ෂා කිරීමටත්, බාධාවකින් තොරව සේවා ලබා ගැනීමටත් හැකිවන ලෙස ඉහළ ආරක්‍ෂිත විශේෂාංග සහිතව නිර්මාණයකර ඇත.

ඔබේ පුද්ගලික සහ බැංකුකරණ දත්ත ආරක්ෂාකර ගන්න

• ඇමතුම්, ඉ-මේල්, කෙටි පණිවිඩ හෝ සමාජ මාධ්‍ය හරහා යුනියන් බැංකුව කිසිසේත් ඔබේ මුරපදය, PIN අංකය හෝ OTP අංකය කුමක්දැයි විමසන්නේ නැත.
• සාමූහිකව භාවිත කරන හෝ පොදු උපාංග තුළ ඔබේ පුද්ගලික තොරතුරු ඇතුළත් කිරීමෙන් වළකින්න.
• අවදානයෙන් සිටීමෙන්, අනවසර ඇතුළුවීම් සහ මුදල් අහිමිවීම්වලින් ආරක්ෂා විය හැකිය.
• විමසීම් හෝ සහයෝගය සඳහා සැමවිටම පැය 24 පුරා ක්‍රියාත්මක අපගේ ඇමතුම් මධ්‍යස්ථානය අමතන්න.

වංචා සහ රැවටීම් පිළිබඳ අවධානයෙන් සිටින්න

• අදහාගත නොහැකි ත්‍යාග හෝ වට්ටම් පිරිනමන සැකකටයුතු සබැඳි (links) පිළිබඳ අවධානයෙන් සිටින්න.
• බැංකු යෙදවුම් හෝ වෙනත් එවැනි ආකාරයේ යෙදවුම් (apk වැනි) සම්බන්ධ කරන ව්‍යාජ ජංගම දුරකථන යෙදවුම් බාගත කිරීමෙන් වළකින්න.
• බැංකුවෙන් යැයි කියමින් නොදන්නා අංකවලට හෝ පාර්ශ්වවලට වට්සැප් පණිවිඩ හෝ ඉ-මේල් හරහා ඔබේ කිසිඳු තොරතුරක් ලබා දීමෙන් වළකින්න.
• පුද්ගලික හෝ බැංකුකරණ තොරතුරු ලබාදෙන ලෙස බල කරන හදිසි ඉල්ලීම්වලට ප්‍රතිචාර දැක්වීමෙන් වළකින්න.

වංචාවක් පිළිබඳ ඉව වැටුණාද? එසේ නම් වහාම 011 781 8181 අංකයෙන් යුනියන් බැංකුවේ පැය 24 පුරා ක්‍රියාත්මක ඇමතුම් මධ්‍යස්ථානය අමතන්න.

ප්‍රමාදයකින් තොරව දැනුම්දීමෙන්, ඔබේ ගිණුම ආරක්ෂා කිරීම සඳහා අපට කඩිනමින් පියවර ගැනීමට හැකිවනු ඇත.