යුනියන් බැංකුව, මොරටුව විශ්ව විද්‍යාලය සහ ජාතික නවෝත්පාදන නියෝජිතායතනය (NIA) සමඟ එක්ව, සුළු හා මධ්‍ය පරිමාණ ව්‍යවසායකයින් නගා සිටුවීමට ජාතික ව්‍යවසායකත්ව සංවර්ධන වැඩසටහන (NEDP) හවුල් කර ගැනීම සඳහා සහයෝගීතාවයක් ආරම්භ කළේය. පළමු ශිෂ්‍ය කණ්ඩායම මෙම වැඩසටහන සාර්ථකව නිමාවට පත් කළ අතර සහතික පත්‍ර ප්‍රදානෝත්සවය පසුගියදා මොරටුව විශ්ව විද්‍යාලයේදී පැවැත්විණි.

යුනියන් බැංකුවේ සමාජ ව්‍යවසයකත්ව පාසල (UBSSE) ව්‍යවසයකත්ව අධ්‍යාපනය , නිපුණතා සංවර්ධනය සහ උපදේශකත්වය තුළින් ප්‍රජාවන් සංවර්ධනය කිරීම බැංකුවේ මෙහෙවරෙහි මූලික පදනමක් ලෙස අඛණ්ඩව සේවය කරයි.

යුනියන් බැංකුවේ මයින්ඩ් මැරතන් (Mind Marathon) තරඟය යුනියන් බැංකුවේ ආයතනික ගනුදෙනුකරුවන් විශාල සංඛ්‍යාවක් තරඟ කළ ආකර්ශනීය ප්‍රශ්නාවලියක් සහ එකමුතුවක් වූ අතර එහිදී වට කිහිපයකින් විශිෂ්ට ලකුණු ලබා ගනිමින්, එයිට්කන් ස්පෙන්ස් සමූහයේ (Aitken Spence Group) “ස්පෙන්සෝනියන්ස්” කණ්ඩායම ජයග්‍රහනය ලැබූ අතර හේලීස් පී එල් සී (Hayleys PLC ) සහ සෙලින්කෝ ලයිෆ් (Ceylinco Life) කණ්ඩායම් පිළිවෙලින් දෙවන සහ තෙවන ස්ථාන දිනා ගත්හ.

ඡායාරූපයේ
යුනියන් බැංකුවේ මයින්ඩ් මැරතන් තරඟයේ ජයග්‍රාහකයන් එයිට්කන් ස්පෙන්ස් (Aitken Spence) කණ්ඩායම, යුනියන් බැංකුවේ අධ්‍යක්ෂ / ප්‍රධාන විධායක නිලධාරී ඩිල්ෂාන් රොද්‍රිගෝ මහතා සහ ආයතනික බැංකුකරණ කණ්ඩායම සමග

ජාත්‍යන්තර කාන්තා දිනයට සමගාමීව කාන්තා ව්‍යවසායකයින් දිරිමත් කිරීම සහ ඔවුන්ගේ ව්‍යාපාර සවිබල ගැන්වීම සඳහා යූනියන් බැංකුව නිර්මාණය කර ඇති නව කාන්තා බැංකුකරණ විසඳුමක් වන පවර් හර් (Power H.E.R) දියත් කළේය.ව්‍යවසායකයින්ට නැගීසිටිම සඳහා උපකාර කිරීම යන අර්ථය සහිතව යුනියන් බැංකුවේ පවර් හර් (Power H.E.R) නොමිලේ, සම්පූර්ණයෙන්ම ස්වයංක්රීය මුදල් කළමනාකරණ විසඳුමක් සහ නම්‍යශීලි ණය ,විශේෂ පොලී අනුපාත,රක්ෂණ,අනුමත කරන ලද දීමනා,විශේෂඥ උපදේශන,ව්‍යාපාර සබඳතා සහ තවත් සුවිශේෂී ප්‍රතිලාභ ලබා දෙන එකම කාන්තා බැංකු විසඳුමයි.

අලෙවිකරණ උප සභාපති තිෂානි දිසානායක මහත්මිය විසින්, ශ්‍රී ලංකාවේ කුඩා හා මධ්‍ය පරිමාණ ව්‍යාපාර සැලකිය යුතු සංඛ්‍යාවක් කාන්තාවන් විසින් මෙහෙයවනු ලබන හෝ හිමිකාරීත්වය දරන ව්‍යාපාර වන අතර තිරසාර ව්‍යාපාර නිර්මාණය කිරීම සඳහා කාන්තා ව්‍යවසායකයින්ට ඇති හැකියාව හේතුවෙන් මෙය වර්ධනය වන අංශයකි.යූනියන් බැංකුවේ පවර් හර් (Power H.E.R) මගින් නොමිලේ ලබාදෙන මුදල් කළමනාකරණ විසඳුම ව්‍යවසායකයින්ට තම ව්‍යාපාර ගොඩනැගීම කෙරෙහි අවධානය යොමු කිරීමට අවස්ථාව ලබාදෙන අතර මුල්‍ය කළමනාකරණ කටයුතු මනා ලෙස හසුරවයි.ඊට අමතරව, ජාතික ව්‍යවසායකත්ව සංවර්ධන වැඩසටහනට (NEDP) නොමිලේ ඇතුළත් වී, ඔවුන්ගේ කුසලතා සහ ව්‍යාපාර හැකියාවන් වැඩිදියුණු කරගැනීමට සහාය වනු ඇතැයි සඳහන් කළහ.

”මේ මගින් නිෂ්පාදන, කෘෂිකර්මාන්ත සහ සංචාරක වැනි කර්මාන්ත රැසකට ලබා දෙන අනුමත කරන ලද දීමනා මගින් බැංකුවේ දිවයින පුරා පිහිටි ශාඛා ජාලය ඔස්සේ කාන්තා ව්‍යවසායකයින් විශාල සංඛ්‍යාවකට ඔවුන්ගේ ව්‍යාපාර කටයුතුවල දියුණුව සඳහා අවශ්‍ය සහය ලබා දෙනු ලැබේ” යනුවෙන් ප්‍රධාන ව්‍යාපාර නිලධාරී අසංක රන්හොට්ටි මහතා පැවසීය.

යුනියන් බැංකු කාර්ය මණ්ඩලය විසින් පවත්වනු ලබන යුනියන් බැංකුවේ පොසොන් බැති ගී සරණිය පසුගියදා බැංකුවේ ප්රධාන කාර්යාලයේදී කාර්ය මණ්ඩලය සහ ඔවුන්ගේ පවුල්වල සාමාජිකයන්ගේ සහභාගිත්වයෙන් පැවැත්විණි. යුනියන් බැංකු ක්රීඩා සමාජය විසින් මෙම උත්සවය සංවිධානය කර තිබුණි.

යුනියන් බැංකුව විසින් සිය වාර්ෂික නත්තල් කැරොල් දේව මෙහෙය පසුගිය දා ශාන්ත ඇන්ඩෲස් ස්කොට් කිර්ක් දේවස්ථානයේ දී පවත්වනු ලැබූ අතර, එම අවස්ථාවට යුනියන් බැංකුවේ කාර්ය මණ්ඩලය සහ ඔවුන්ගේ පවුල්වල සාමාජික සාමාජිකාවෝ සහභාගි වූහ. මෙම සැඳෑව සිංහල, දෙමළ සහ ඉංග්‍රීසි කැරොල් ගී සමඟින් වර්ණවත් වූ අතර, ගායනයට මෙන් ම සංගීතය සැපයීම සඳහා ද ප්‍රධාන කාර්යාලය ඇතුළු ශාඛා කාර්‍යාලවල සේවයේ නියුතු යුනියන් බැංකු සාමාජිකයන් සහභාගි වීම විශේෂත්වයක් විය. කැරොල් ගී ප්‍රසංගය අතරතුර කාර්ය මණ්ඩලයේ දරු දැරියන් කණ්ඩායමක් විසින් නත්තල් නාට්‍යයක් ඉදිරිපත් කරනු ලැබූ අතර, එම අවස්ථාවේ දී නත්තල් සීයා විසින් පැමිණ සිටි සියලු ම දරු දැරියන්ට ත්‍යාග පිරිනැමිණි. යුනියන් බැංකු ක්‍රීඩා සමාජය විසින් මෙම උත්සවය සංවිධානය කරනු ලැබීය.

ඡායාරූපය : යුනියන් බැංකුවේ ගායන හා වාද්‍ය වෘන්දය

ක්‍රෙඩිට් කාඩ්පත් හිමියන්ට උත්සව සමය ජයටම සමරන්න යුනියන් බැංකුව වෙතින් විලාසිතා, හෝටල්, ආපනශාලා, සුපර්මර්කට්, ගෘහ භාණ්ඩ, ඉලෙක්ට්‍රොනික් උපකරණ සහ තවත් බොහෝ දේ සඳහා දිවයින පුරා වෙළද සැල් 200 ඔස්සේ 50% දක්වා වට්ටම් සමග පොලි රහිත පහසු ගෙවීමේ ක්‍රමයට වාරික සැලසුම් ලබා දෙනු ඇත.

ජීවන රටාවට සරිලන ක්‍රෙඩිට් කාඩ්පතක් ලෙස ප්‍රචලිත යුනියන් බැංකුවේ ක්‍රෙඩිට් කාඩ්පත්, විලාසිතා සඳහා ප්‍රියතම දේශීය සහ ජාත්‍යන්තර සන්නාම රැසකට ද, හෝටල් සහ නිවාඩු නිකේතන රැසකටත් ඉතා අගනා වට්ටම් ලබා දෙනු ඇත. සුපිරි වෙළදසැල් වලින් ලබා ගන්නා බොහෝ දේ සඳහා 25% දක්වා වට්ටම් ද ඇත. වියදම් වැඩි උත්සව සමයේ මෙම වට්ටම් කාඩ්පත් හිම්යන්ට පවුලේ සියලු දෙනා සමග නත්තල් සමය ප්‍රීතියෙන් සමරන්න ඉතා වටිනා අත්වැලකි. කාර්යබහුල කාලයක තම නිවසේ සිටම භාණ්ඩ මිලදීගැනීම් සඳහා වන ඉන්ටනෙට් ඇනවුම් සඳහා 30% දක්වා වට්ටම් සහිතව පහසු ගෙවීමේ වාරික ද ලබා ගත හැක.

යුනියන් බැංකුවේ ක්‍රෙඩිට් කාඩ්පත්, වැඩි ඉතුරුම් මගින් ක්‍රෙඩිට් කාඩ්පත් හිමියන්ගේ මුල්‍ය කළමනාකරණයට සඳහා රුකුලක් වෙනු ඇත. ක්‍රෙඩිට් කාඩ්පත් හිම්යන්ට පොලි රහිත මාස 24 දක්වා පහසු ගෙවීමේ ක්‍රමයට වාරික සැලසුම් හසුරුවීමේ ගාස්තුව සහිතව, අධ්‍යාපනය, රක්ෂණය, වාහන නඩත්තුව, සෞඛ්‍ය සේවා, ඉලෙක්ට්‍රොනික් උපකරණ, සංචාරක ගුවන් ගමන්ස හ , හෝටල් සහ සූර්ය බලශක්තිය යන කාණ්ඩ රැසකට ලබා ගත හැක.

යුනියන් බැංකුවේ ක්‍රෙඩිට් කාඩ්පතක් අයදුම් කීරීමට හෝ ලබාදෙන වට්ටම් හා වාසි ගැන වැඩි විස්තර ලබා ගැනීමට 011 5800 800 ඔස්සේ ඇමතිය හැකි අතර www .unionb.com වෙබ් අඩවිය ඔස්සේද විස්තර ලබා ගත හැක.

යුනියන් බැංකුව පිළිබදව

යුනියන් බැංකුව ශ්‍රී ලංකාවේ මූල්‍ය සේවා අංශයේ වසර 28කට වැඩි පළපුරුද්දක් ඇති අතර පුද්ගලික, ආයතනික සහ කුඩා හා මධ්‍ය පරිමාණ ව්‍යවසායක අංශ වල ගනුදෙනුකරුවන් සඳහා දීප ව්‍යාප්ත ශාඛා ජාලයක් තුලින් නිෂ්පාදන සහ සේවා රැසක් පිරිනමයි. 2011 වසරේ සිට කොළඹ කොටස් වෙළෙඳපොළේ ලැයිස්තුගත කර ඇති යුනියන් බැංකුවට‍ නියාමන අවශ්‍යතාවලට වඩා ඉහළ ශක්තිමත් ප්‍රාග්ධන තත්ත්වයකින් පවතී. බැංකුවේ උපාය මාර්ගික විවිධාංගීකරණයන් අතරට National Asset Management Ltd (NAMAL), ශ්‍රී ලංකාවේ ප්‍රමුඛතම වත්කම් කළමනාකරණ සමාගම සහ UB Finance සමාගම්ද ඇතුළත් වේ. Brand Finance විසින් 2012 වසරේ සිට යුනියන් බැංකුව ශ්‍රී ලංකාවේ වටිනාම සන්නාම 100 අතරට ශ්‍රේණිගත කර ඇත. වැඩි විස්තර සඳහා www.unionb.com වෙත පිවිසෙන්න.

පොසොන් පොහොයේ වැදගත්කම සමරමින් යුනියන් බැංකුවේ ශාඛාවන්ගේ සහා ප්‍රධාන කාර්යාලයේ සාමාජිකයින් විසින් ගායනා කරන ලද පොසොන් බැති ගී සරණිය පසුගියදා පවත්වන ලදී. බැංකුවේ ප්‍රධාන කාර්යාලය පරිශ්‍රයේදී කාර්ය මණ්ඩලය සහ ඔවුන්ගේ පවුල්වල සාමාජිකයින්ගේ සහභාගීත්වයෙන් මෙම උත්සවය පැවැත්විණි. යුනියන් බැංකු බැති ගී යනු බැංකුවේ දින දර්ශනයේ දිගුකාලීනව පවත්වන ඉසව්වක් වන අතර එය යූනියන් බැංකු ක්‍රීඩා සමාජය විසින් සංවිධානය කරන ලදී.

සේයා රූ සටහන: යුනියන් බැංකුවේ බැති ගී කණ්ඩායමේ සාමාජිකයින් අධ්‍යක්ෂ/ප්‍රධාන විධායක නිලධාරී ඉන්ද්‍රජිත් වික්‍රමසිංහ සමඟ.

මෙවර වෙසක් මංගල්‍යයට සමගාමීව යුනියන් බැංකුවේ කාර්යමණ්ඩලය පසුගිය දා සංවිධාන කෙරුණු වෙසක් කූඩු තරගාවලියට සහභාගී වූහ. යුනියන් බැංකුවේ ශාඛා සහ අංශ වල කාර්යමණ්ඩල මගින් ප්‍රතිචක්‍රීයකරණය කරන ලද අමුද්‍රව්‍ය යොදා ගනිමින් නිර්මාණය කරන ලද නිර්මාණශීලි වෙසක් කූඩු මෙම තරගාවලිය සඳහා ඉදිරිපත් කරණ ලදී.

පරිසර හිතකාමී ලෙස වෙසක් මංගල්‍යය සැමරීම ඉලක්කකර ගනිමින් සංවිධානය කෙරුණු මෙම තරගාවලිය සඳහා, පරිසර හිතකාමී හෝ ප්‍රතිචක්‍රීයකරණය කළ හැකි අමුද්‍රව්‍ය යොදා ගනිමින් නිර්මාණයකර තිබූ වෙසක් කූඩු මගින් බැංකුවේ කාර්යමණ්ඩල සාමාජිකයින්ගේ නිර්මාණශීලීත්වය මනාව පිළිබිඹු විය. විශිෂ්ටත ම වෙසක් කූඩුව ජයග්‍රහණය කරවීමේ අරමුණින් යුතුව, මේ සඳහා සියලු ශාඛා සහ අංශවලින් කැපීපෙනෙන උද්‍යෝගයක් දැකගත හැකි විය. සියලු කාර්යමණ්ඩල සාමාජිකයින් අතර සහ-සම්බන්ධය වර්ධනය කිරීමේ අරමුණින් සංවිධාන කෙරුණු මෙම තරගාවලිය, පරිසරය සුරැකීම සඳහා යුනියන් බැංකුව දරන අඛණ්ඩ උත්සාහයේ තවත් එක් පියවරකි.

වෙසක් කූඩු නිර්මාණය කිරීම සඳහා යුනියන් බැංකු කාර්යමණ්ඩලය විවිධ ප්‍රතිචක්‍රීයකරණය කළ අමුද්‍රව්‍ය භාවිතකර තිබිණ. එම සුවිශේෂී වෙසක් කූඩු අතර, වරකාපොළ ශාඛා කණ්ඩායමේ වෙසක් කූඩුව ප්‍රථම ස්ථානය ද, අභ්‍යන්තර විගණන අංශයේ සහ මහනුවර ශාඛා කණ්ඩායමේ වෙසක් කූඩු පිළිවෙලින් දෙවන සහ තෙවන ස්ථාන ද හිමිකර ගත්තේය.

සේයා රූ සටහන: විවිධ ශාඛා සහ අංශවල ජයග්‍රාහී වෙසක් කූඩු

යුනියන් බැංකුව, බත්තරමුල්ල අපේගම පරිශ්‍රයේදී පසුගිය දා සිය අවුරුදු උත්සවය පැවත්වුහ. සිංහල සහ හින්දු නව වසර සැමරීම වෙනුවෙන් මෙම උත්සවය සංවිධානකර තිබූ අතර ප්‍රධාන කාර්යාලයේ සහ ශාඛාවල කාර්යමණ්ඩල සාමාජිකයෝ ඒ සඳහා සහභාගී වූහ.

යුනියන් බැංකු කාර්යමණ්ඩල සාමාජිකයින් වර්ණවත් ඇඳුම්-පැළඳුම්වලින් සැරසී අවුරුදු සිරිත් විරිත් වලට සහභාගී වූ උළෙල, විනෝදය සහ උද්‍යෝගය සපිරි උත්සවයක් විය. යුනියන් බැංකු අවුරුදු කුමරා සහ කුමරිය තේරීමේ තරගය මෙහිදී සැමගේ අවධානය දිනාගත් අංගයක් විය. තරගකරුවන් සියලු දෙනා දැක්වූ දක්ෂතා හේතුවෙන් ජයග්‍රාහකයින් තෝරාගැනීම විනිසුරු මණ්ඩලයට අභියෝගයක් වුවත්, අවසානයේදී බොරැල්ල ශාඛාවේ දුල්ෂාන් ඉන්දීවර සහ කාඩ්පත් මෙහෙයුම් අංශයේ ධනේෂිනි උදාරි පිළිවෙලින් 2023 අවුරුදු කුමරා සහ කුමරිය ලෙස කිරුළු පැළඳුහ.

යුනියන් බැංකු ක්‍රීඩා සංගමය මෙම උත්සවය සංවිධාන කළේය.

සේයා රූ සටහන: යුනියන් බැංකුවේ අවුරුදු කුමරා සහ කුමරිය – දුල්ෂාන් ඉන්දීවර සහ ධනේෂිනි උදාරි

යුනියන් බැංකුව, පසුගියදා එහි ප්‍රධාන කාර්යාලයේ පැවති උත්සවයකදී තම ප්‍රථම Toastmasters සමාජය ස්ථාපනය කළ බව නිවේදනය කළේය. ඒ අනුව, මෙම වසර සඳහා විධායක කමිටු සාමාජිකයින් හත් දෙනෙකු ඇතුළුව Toastmasters වරු 18 දෙනෙකු නව කමිටු මණ්ඩලය ලෙස තෝරා පත්කර ගැනිණි. වෘත්තීය ගමන්මගේ ඉදිරියට ගමන් කිරීම සඳහා කාර්යමණ්ඩල සාමාජිකයින්ගේ සන්නිවේදන සහ නායකත්ව කුසලතා වර්ධනය කිරීම වෙනුවෙන් යුනියන් බැංකුව ක්‍රියාත්මක කරන කුසලතා සංවර්ධන ක්‍රමෝපායේ තවත් එක් ඉදිරි පියවරක් ලෙස Toastmasters සමාජය ස්ථාපනය කෙරිණි. දසුන් සිරිවර්ධන (සභාපති), කමින්ද කුමාරසිංහ (උප සභාපති-අධ්‍යාපන), කිෂෝ ප්‍රසාත් (උප සභාපති-සාමාජිකත්ව), ෂෙහාන් පීරිස් (උප සභාපති – මහජන සම්බන්ධතා), නිරූපමා බණ්ඩාර (ලේකම්), අනුරාධ ජයසූරිය (භාණ්ඩාගාරික) සහ ෂේන් මිරැන්ඩා (නියාමක) යන පිරිස 2023/24 වසර සඳහා නව කමිටු මණ්ඩල සාමාජිකයින් ලෙස තේරී පත්වූහ.

යුනියන් බැංකුවේ අධ්‍යක්ෂ/ප්‍රධාන විධායක නිලධාරී ඉන්ද්‍රජිත් වික්‍රමසිංහ මහතා විසින් යුනියන් බැංකුවේ Toastmasters සමාජය දියත් කරන ලද අතර, බැංකුවේ කළමනාකාරිත්වය, කාර්යමණ්ඩල සාමාජිකයින් සහ සෙසු ආරාධිතයෝ රැසක් ද එම අවස්ථාවට සහභාගී වූහ. Toastmasters නියෝජනය කරමින් දිස්‌ත්‍රික් 82, කලාප E4 Toastmaster නිසල් වීරකෝන් මහතා, එම සමාජයේ සෙසු සාමාජිකයින් ද සමග මෙම අවස්ථාවට සහභාගී වූයේය.

“වර්තමානයේ පැන නගින අභියෝග ජය ගැනීමට නම්, යුනියන් බැංකු කණ්ඩායම තුළ අමතර කුසලතා සහ හැකියා වර්ධනය කිරීම අත්‍යවශ්‍ය වනවා. ආත්ම විශ්වාසය ගොඩනැගීම සහ නායකත්වය ලබාදීම මගින් එම අභියෝග ජය ගැනීමට යුනියන් බැංකු Toastmasters සමාජය සුවිශේෂී කාර්යභාරයක් ඉටුකරනු ඇති බව අපගේ විශ්වාසයයි,” යනුවෙන් යුනියන් බැංකුවේ අධ්‍යක්ෂ/ප්‍රධාන විධායක නිලධාරී ඉන්ද්‍රජිත් වික්‍රමසිංහ මහතා අදහස් පළ කළේය.

Toastmasters යනු, සිය සාමාජිකයින්ගේ කථන සහ නායකත්ව කුසලතා වැඩිදියුණු කිරීමට සහයෝගය ලබාදෙන, ලාභ අපේක්ෂාවෙන් තොරව ක්‍රියාත්මකවන ගෝලීය වැඩසටහනකි. එහි ප්‍රධාන ශාඛාව ඇමරිකා එක්සත් ජනපදයේ එංගල්වුඩ් කොලරාඩෝහි පිහිටා ඇති අතර, එය 1924 වසරේදී ස්ථාපිත කෙරිණි. මේවන විට ලොව පුරා රටවල් 144 ක සමාජ 14,700 ක් එහි සාමාජිකත්වය දරයි.

සේයා රූ සටහන:
යුනියන් බැංකුවේ Toastmasters වරු, එම බැංකුවේ අධ්‍යක්ෂ/ප්‍රධාන විධායක නිලධාරී ඉන්ද්‍රජිත් වික්‍රමසිංහ මහතා සහ කළමනාකාරිත්වයේ සාමාජික-සාමාජිකාවන් සමග

ඡායාරූපය (වමේ සිට):
නිල්මිණි වීරසේකර (ආයතනික බැංකුකරණ අංශය), ධනුෂ්ක සේතුහේවා (අවදානම් කළමනාකරණ අංශය), මිනෝලි ප්‍රනාන්දු (මූල්‍ය අංශය), චරිතා ද සිල්වා (නීති අංශය), රමිදුනි වෙල්ලාලගේ (අත්තිඩිය ශාඛාව), ඕෂධී ගුණසේකර (අභ්‍යන්තර විගණන අංශය), වින්ද්‍යා ගුණසේකර (මොරටුව ශාඛාව), සහ ශන්මුගේස්වරන් ජෙස්ධරාජන් (කොටහේන ශාඛාව).

යූනියන් බැංකුවේ දීර්ඝ කාලයක් සේවය කළ සාමාජික සාමාජිකාවන් පිරිසක් ඇගයීම සඳහා සංවිධානය කළ විශේෂ උත්සවයක් පසුගියදා එම බැංකුවේ ප්‍රධාන කාර්යාලයේදී පැවැත්විණි. යූනියන් බැංකුවේ අධ්‍යක්ෂ/ප්‍රධාන විධායක නිලධාරී ඉන්ද්‍රජිත් වික්‍රමසිංහ මහතා විසින් මෙහිදී කාර්ය මණ්ඩල සාමාජික සාමාජිකාවන් 8 දෙනෙකුට සම්මාන සහ සමරු තිළිණ පිරිනමන ලදි.

යූනියන් බැංකුව තුළ වසර 25 ක සේවා කාලයක් සම්පූර්ණ කළ නිල්මිණි වීරසේකර (ආයතනික බැංකුකරණ අංශය), ඕෂධී ගුණසේකර (අභ්‍යන්තර විගණන අංශය) සහ ශන්මුගේස්වරන් ජෙස්ධරාජන් (කොටහේන ශාඛාව) සහ වසර 20 ක සේවා කාලයක් සම්පූර්ණ කළ මිනෝලි ප්‍රනාන්දු (මූල්‍ය අංශය), චරිතා ද සිල්වා (නීති අංශය), ධනුෂ්ක සේතුහේවා (අවදානම් කළමනාකරණ අංශය), වින්ද්‍යා ගුණසේකර (මොරටුව ශාඛාව) සහ රමිදුනි සාරංගිකා (අත්තිඩිය ශාඛාව) යන මහත්ම මහත්මීන් මෙහිදී ඇගයීමට ලක්වූහ.

“දීර්ඝ කාලයක් සේවය කළ සාමාජික සාමාජිකාවන් ඇගයීමට ලක්කිරීම යූනියන් බැංකුවේ සේවක සම්බන්ධතා වැඩසටහන් මාලාවේ එක් අංගයකි. මෙහිදී ඔවුන්ගේ දීර්ඝකාලීන සේවය සහ කැපවීම අගය කරන අතරම, වඩාත් යහපත් ආයතනික සංස්කෘතියක් නිර්මාණය කරමින්, කාර්ය මණ්ඩලය තවදුරටත් දිරිමත් කිරීමට අප උත්සාහ කරනවා.” යූනියන් බැංකුවේ උප සභාපතිනි – මානව සම්පත්, ලිලන්ති දෙල්ගොඩ මහත්මිය පැවසුවාය.

මානව සම්පත් කළමනාකරණය යනු යූනියන් බැංකුවේ ප්‍රධාන ක්‍රමෝපායික ප්‍රමුඛත්වයන් අතරින් එකකි. තම සාමාජික සාමාජිකාවන්ගේ යහපත වෙනුවෙන් කැපවන අතරම ඔවුන්ට ඵලදායී වෘත්තීය ජීවිත ගතකිරීමට අවස්ථාව සලසා දීම එහි අරමුණ වේ. කාර්යක්ෂම කාර්යසාධන කළමනාකරණ පද්ධති, ආකර්ෂණීය ඇගයුම් හා ත්‍යාග ක්‍රම, ඉගෙනුම් හා සංවර්ධන අවස්ථා සහ වෘත්තීය දියුණුව සඳහා වැදගත් වන අවස්ථා ආදිය ඔස්සේ යූනියන් බැංකුව සිය කාර්ය මණ්ඩලයට තම හැකියාවන් උපරිම වශයෙන් වැඩිදියුණු කරගැනීමට අවශ්‍ය සහයෝගය නො-අඩුව ලබාදෙයි. එමෙන්ම කාර්යසාධනයට මුල්තැන දෙන ආයතනයක් වශයෙන් යූනියන් බැංකුව තම සාමාජික සාමාජිකාවන්ගේ ක්‍රියාකාරීත්වය ඉහළම තලයකට ගෙන ඒම සඳහා නිරන්තරයෙන් අවධානය යොමුකරයි.

නත්තලේ අරුත විදහා පාමින් යුනියන් බැංකුව කොළඹ St. Andrew’s Scots Kirk දේවස්ථානලේදී නත්තල් බැති ගී ව ඩසටහනක් සංවිධාන කරන ලදි. යුනියන් බැංකුවේ කාර්යමණ්ඩල සාමාජිකයන් විසින් ඉදිරිපත්රන ලද බැති ගී වැඩසටහන සඳහා කාර්යමණ්ඩල සාමාජිකයන් මෙන්ම ඔවුන්ගේ පවුලේ සාමාජිකයෝ ද සහභාගී වූ අතර නත්තල් සීයාගේ පැමිණීම මෙන්ම දරුවන්ට තයාග බෙදාදීම ද මෙහිදී සිදු වූ සුවිශේෂී සිදුවීම් අතර වෙයි.

යුනියන් බැංකුව සිය කාර්යමණ්ඩලයේ දීර්ඝ කාලීන සේවා සම්පූර්ණ කළ සාමාජික සාමාජිකාවන් ඇගයීමට පසුගියදා කටයුතු කළේය. යුනියන් බැංකුවේ දීර්ඝ සේවා සම්මාන මගින් වර්ෂ 20කට වැඩි කාලයක් යුනියන් බැංකුවේ ඉදිරි ගමනට උපරිමව කැපවුණු සේවක සේවිකාවන් ඇගයීම සිදු වේ. ඒ අනුව පසුගියදා Waters Edge හිදී පැවැති දීර්ඝ සේවා සම්මාන උළෙලේදී යුනියන් බැංකු පවුලේ දීර්ඝ කාලීන සේවා සම්පූර්ණ කළ සාමාජික සාමාජිකාවන් දස දෙනෙකු ඇගයීමට ලක්කරන ලදී.

යුනියන් බැංකුවේ අධ්‍යක්ෂ / ප්‍රධාන විධායක නිලධාරී ඉන්ද්‍රජිත් වික්‍රමසිංහ මහතා විසින් දශක දෙකකට අධික කාලයක් යුනියන් බැංකුවේ සේවය කළ එම විශිෂ්ටයින්ට සම්මාන ප්‍රදානය සිදු කරන ලදී.

යුනියන් බැංකුවේ උප සභාපති – මානව සම්පත්, රවී ජයසේකර මහතා මේ පිළිබඳ දැක්වූ අදහස් මෙසේයි. “යුනියන් බැංකුවේ සාර්ථකත්වයේ පදනම සේවක පිරිසෙහි කැපවීමයි. වර්ෂ 20ක් අප බැංකුවේ සේවය කළ මෙම විශිෂ්ටයින් දස දෙනා ඇගයීමට ලක්කිරීමට හැකිවීම පිළිබඳව අප ඉතාමත් ආඩම්බරයට පත්වෙනවා. දීර්ඝ කාලයක් එකම ආයතනයකට සේවය කරන කාර්යමණ්ඩලයක් සිටීම එම ආයතනයේ විශිෂ්ටත්වයට හොඳම උදාහරණයක්.”

පසුගියදාට යෙදී තිබූ වෙසක් පුන් පොහොය සමරමින් යුනියන් බැංකුව සිය මූලස්ථාන කාර්යාල පරිශ්‍රයේදී වෙසක් බොදු බැති ගී සරණියක් පවත්වන ලදී. යුනියන් බැංකුවේ අධ්‍යක්ෂ/ ප්‍රධාන විධායක නිලධාරී, ඉන්ද්‍රජිත් වික්‍රමසිංහ මහතා සහ යුනියන් බැංකුවේ ජ්‍යෙෂ්ඨ කළමනාකාරීත්වය මෙන්ම බැංකුවේ කාර්යමණ්ඩලය සහ ඔවුන්ගේ පවුල්වල සාමාජික සාමාජිකාවන් මෙම අවස්ථාවට සහභාගී වූහ.

යුනියන් බැංකුවේ 2018 වෙසක් බොදු බැති ගී සරණීයෙහි සංගීත අධ්‍යක්ෂණය, විශිෂ්ට සංගීතඥ නලීන් අල්විස් මහතා විසින් සිදුකරන ලදී. යුනියන් බැංකුවේ භක්ති ගීත කණ්ඩායමට කිෂාණි සමරවික්‍රම, රුමේෂ් විනෝත්, රෝෂන සම්පත්, ඈන් රෝෂිණී පෙරේරා, සචින්ත ධනුෂ්ක කුමාර, නුවන් චතුරංග, වජිර ප්‍රනාන්දු, පවන් අටුළුගම, සරලා කුරේ, ශලිනි විජේවර්ධන, කළණි සඳමාලි, ගීතානි රණවීර, යොහාන් ලෙව්කේ, උමේෂා හැන්දෑහේවා, හර්ෂිකා ජයවර්ධන, ශලිනි පෙරේරා, හෂංගි සෙනෙවිරත්න, තිළිණි හෑගොඩ, යදීශා යුරන්ති, දිනේෂි ෆොන්සේකා, ස්ටෙෆනී ප්‍රනාන්දු, ප්‍රවීන් පෙරේරා සහ සචිනි මධුෂිකා, රිද්මා අබේසිංහ සහ නුවන් තිලකවර්ධන යන පිරිස අයත් වූහ.