யூனியன் வங்கி தனது முதலாவது டோஸ்ட்மாஸ்டர்ஸ் கழகத்தை நிறுவியுள்ளதாக பெருமையுடன் அறிவித்துள்ளது. வங்கியின் தலைமையகத்தில் அண்மையில் இடம்பெற்ற நிகழ்வின் போது இந்த கழகம் ஸ்தாபிக்கப்பட்டதுடன், இதன் போது, நடப்பு ஆண்டுக்காக 7 நிறைவேற்றுக் குழு அங்கத்தவர்கள் உட்பட, 18 டோஸ்ட்மாஸ்டர்கள் நிறுவப்பட்டனர். வங்கியின் திறன் மேம்படுத்தல் தந்திரோபாயத்தின் அங்கமாக டோஸ்ட்மாஸ்டர்ஸ் கழகத்தை ஸ்தாபிப்பது அமைந்திருப்பதுடன், ஊழியர்களின் தொடர்பாடல் மற்றும் தலைமைத்துவ திறன்களை மேம்படுத்துவதில் கவனம் செலுத்தும் தந்திரோபாயத்தின் அங்கமாகவும் அமைந்துள்ளது. 2023/24 ஆம் ஆண்டு காலப்பகுதிக்கான புதிய குழு அங்கத்தவர்களில், தசுன் சிறிவர்தன (தலைவர்), காமிந்த குமாரசிங்க (உப தலைவர் கல்வி), கிஷோ பிரசாத் (உப தலைவர் அங்கத்துவம்), ஷெஹான் பீரிஸ் (உப தலைவர் பொது உறவுகள்), நிருபமா பண்டார (செயலாளர்), அனுராத ஜயசூரிய (பொருளாளர்), ஷேன் மிரெண்ட (சார்ஜன்ட் அட் ஆர்ம்ஸ்) ஆகியோர் அடங்கியுள்ளனர்.

யூனியன் வங்கி டோஸ்ட்மாஸ்டர்ஸ் கழகத்தை யூனியன் வங்கியின் பிரதம நிறைவேற்று அதிகாரியும், பணிப்பாளருமான இந்திரஜித் விக்ரமசிங்க நிறுவியதுடன், இந்நிகழ்வில் யூனியன் வங்கியின் நிர்வாகத்தார் மற்றும் ஊழியர்களுடன், இதர விருந்தினர்களும் கலந்து கொண்டனர். டோஸ்ட்மாஸ்டர்ஸ் கழகச் சமூகத்தின் சார்பாக, District 82, Area E4 மாவட்ட பணிப்பாளர் டோஸ்ட்மாஸ்டர் நிசல் வீரகோன் கலந்து கொண்டதுடன், கழகத்தின் இதர அங்கத்தவர்களும் பங்கேற்றிருந்தனர். இந்த குழு ஸ்தாபிப்பு நிகழ்வில் யூனியன் வங்கியின் பணிப்பாளரும் பிரதம நிறைவேற்று அதிகாரியுமான இந்திரஜித் விக்ரமசிங்க கருத்துத் தெரிவிக்கையில், “இன்றைய காலகட்டத்தில் எழும் பெருமளவான சவால்களுக்கு முகங்கொடுப்பதற்கு, யூனியன் வங்கி அணியினர் மத்தியில் மேலதிக திறன்கள் மற்றும் ஆற்றல்களை கட்டியெழுப்புவது முக்கியமானதாகும். அதன் பிரகாரம், யூனியன் வங்கி டோஸ்ட்மாஸ்டர்ஸ் கழகத்தினால், ஊழியர்கள் மத்தியில் நம்பிக்கையை கட்டியெழுப்பவும், தலைமைத்துவப் பண்புகளை ஊக்குவிப்பதற்கும் பங்களிப்பு வழங்கப்படுவதுடன், ஊழியர்களுக்கு எழும் சவால்களுக்கு முகங்கொடுப்பதற்கு அவர்களை தயார்ப்படுத்துவதாகவும் அமைந்திருக்கும்.” என்றார்.

டோஸ்ட்மாஸ்டர்ஸ் என்பது அதன் அங்கத்தவர்களின் பொதுப் பேச்சாற்றல் மற்றும் தலைமைத்துவ பண்புகளை மேம்படுத்துவதில் பங்களிப்பு வழங்கும் இலாப நோக்கற்ற சர்வதேச அமைப்பாக திகழ்வதுடன், அதன் தலைமையகம், அமெரிக்காவின் என்கெல்வுட், கொலராடோவில் அமைந்துள்ளது. 1924 ஆம் ஆண்டில் நிறுவப்பட்ட இந்தக் கழகத்தில் 144 நாடுகளைச் சேர்ந்த 14700 க்கும் அதிகமான கழகங்கள் காணப்படுகின்றமை குறிப்பிடத்தக்கது.

படம்:
யூனியன் வங்கி டோஸ்ட்மாஸ்டர்ஸ், யூனியன் வங்கி பணிப்பாளர் மற்றும் பிரதம நிறைவேற்று அதிகாரி இந்திரஜித் விக்ரமசிங்க மற்றும் நிர்வாகக் குழு அங்கத்தவர்களுடன் காணப்படுகின்றனர்.