கொவிட்-19 தொற்றுப் பரவலின் 3ஆம் அலைத் தாக்கத்தினால் ஏற்பட்டிருந்த பின்னடைவுகளிலிருந்து பொருளாதார செயற்பாடுகள் படிப்படியாக மீட்சியை பதிவு செய்திருந்ததைத் தொடர்ந்து 2022ஆம் ஆண்டின் முதல் காலாண்டில் யூனியன் வங்கியின் நிதிப் பெறுபேறுகள் மீட்சியை பதிவு செய்திருந்தமையை அவதானிக்க முடிந்தது. எவ்வாறாயினும் இக்காலப் பகுதியில் நிலவிய அரசியல் உறுதியற்ற தன்மை காரணமாக, வழமையான செயற்பாடுகள் பெருமளவில் பாதித்திருந்தது. எரிபொருள் மற்றும் எரிவாயு தட்டுப்பாடு, அதிகரித்துச் சென்றிருந்த பண வீக்கம், அந்நியச் செலாவணி இருப்பு சரிவு, ரூபாயின் மதிப்பிறக்கம் மற்றும் இறக்குமதிக் கட்டுப்பாடு போன்றன காரணமாக பொது மக்களும் வியாபாரங்களும் பெருமளவு சவால்களுக்கு முகங்கொடுக்க நேரிட்டிருந்தது. 2021 டிசம்பர் மாதத்துடன் கொவிட்-19 உடன் தொடர்புடைய வாடிக்கையாளர் நிவாரணங்கள் நிறைவடைந்திருந்தமையால், வங்கியியல் துறை தொடர்ச்சியாக சொத்துக்கள் தரம் தொடர்பான அழுத்தங்களுக்கு முகங் கொடுத்திருந்தது. முதல் காலாண்டு பகுதியில் பல நாணய மற்றும் இதர கொள்கை சார் செயற்பாடுகள் நடைமுறைப்படுத்தப்பட்டிருந்ததுடன், அதனூடாக பெரும் தேவைப்பாடாக அமைந்திருந்த பொருளாதார மீட்சி மற்றும் உறுதிப்பாட்டை எய்துவதற்கு பங்களிப்பு வழங்கப்பட்டிருந்தது.

இதன் பின்புலத்தில், யூனியன் வங்கியின் பிரதான நோக்கம் மீட்சியுடன் திகழ்வது மற்றும் உறுதியான மூலதன நிலையினூடாக, கடுமையான இடர் முகாமைத்துவ வழிமுறையை பின்பற்றி, செலவுக் கட்டுப்பாடுகளுடன், தனது செயற்பாடுகள் மற்றும் வாடிக்கையாளர்கள் மீது வெளியக தாக்கங்கள் ஏற்படுவதை குறைத்துக் கொள்ளும் பணிகள் முன்னெடுக்கப்பட்டிருந்தன.

பிரதான வங்கியியல் வினைத்திறன் மற்றும் இலாபகரத்தன்மை

கடினமான தொழிற்பாட்டு சூழலினால் காணப்பட்ட சவால்களுக்கு மத்தியில் வங்கி மேம்படுத்தப்பட்ட பிரதான வங்கியியல் பெறுபேறுகளை பதிவு செய்து, ஒட்டு மொத்த வருமானமாக ரூ. 3,148 மில்லியனை இந்தக் காலாண்டில் பதிவு செய்திருந்தது. ஒப்பீட்டு காலப்பகுதியுடன் ஒப்பிடுகையில் இது 10% அதிகரிப்பாகும். சொத்துக்கள் இலாகாவனி மீள் விலையிடல் மற்றும் வட்டி செலவீனங்களை அவதானமாக நிர்வகித்திருந்தமை போன்றவற்றினால் தேறிய வட்டி எல்லைப் பெறுமதி (NIM) 33 bps இனால் அதிகரித்திருந்தது. இதனூடாக, தேறிய வட்டி வருமானம் (NII) 11% இனால் அதிகரித்துக் காணப்பட்டது. கடன் மற்றும் பற்று அட்டைகளினூடாக அதிகளவு பங்களிப்பு வழங்கப்பட்டிருந்தமை மற்றும் வியாபார வணிகத்தில் அதிகளவு செயற்பாடுகள் காரணமாக கட்டணம் மற்றும் தரகு வருமானம் 17% இனால் அதிகரித்திருந்தது. போதியளவு திரள்வு தன்மை இன்மை மற்றும் அரச முறிகள் சந்தையில் நிலவிய தளம்பல் நிலை காரணமாக இதர தொழிற்பாட்டு வருமானம் 4% இனால் வீழ்ச்சியடைந்திருந்தது.

வங்கியின் தொழிற்பாட்டு செலவீனங்கள் ரூ. 983 மில்லியனாக அதிகரித்திருந்தது. ஒப்பீட்டு காலப்பகுதியுடன் கருதுகையில் இது 8% அதிகரிப்பாகும். ரூபாயின் மதிப்பிறக்கம் மற்றும் இதர செலவீனங்களில் ஏற்பட்ட அதிகரிப்பு போன்றன பிரதானமாக இதில் தாக்கம் செலுத்தியிருந்தன.

பாரிய–பொருளாதார சூழலினால் எழுந்திருந்த அழுத்த நிலையை கவனத்தில் கொள்ளும் போது, வங்கியினால் மதிப்பிறக்கங்களுக்கு குறிப்பிட்ட தொகை ஒதுக்கீடு செய்யப்பட்டிருந்தது. மீளாய்வுக்குட்படுத்தப்பட்ட காலப்பகுதிக்கான மதிப்பிறக்க கட்டணம் ரூ. 288 மில்லியனாக காணப்பட்டது, 2021ஆம் ஆண்டின் முதல் காலாண்டுடன் ஒப்பிடுகையில் இது 47% அதிகரிப்பாகும்.

அதுபோன்று மீளாய்வுக்குட்படுத்தப்பட்ட காலப்பகுதியில் துணை நிறுவனங்களின் பங்குப் பெறுமதிகளின் பங்களிப்புடன், வங்கியின் வரிக்கு முந்திய இலாபம் (PBT) ரூ. 316 மில்லியனாக காணப்பட்டது. வலுவிழந்த தொழிற்பாட்டு சூழல் மற்றும் நிதிச் சேவைகளின் மீதான பெறுமதி சேர் வரி (VAT) 15% இலிருந்து 18% ஆக அதிகரிகரிக்கப்பட்டமை இதில் தாக்கத்தை ஏற்படுத்தியிருந்தன. 2021 முதல் காலாண்டுடன் ஒப்பிடுகையில், வங்கியின் வரிக்குப் பிந்திய இலாபம் (PAT) பின்னடைவை எதிர்நோக்கியிருந்ததுடன், முன்னைய ஆண்டில் மேற்கொள்ளப்பட்ட அளவுக்கதிகமான ஒதுக்கீட்டை ஒரு தடவை அடிப்படையிலான மீளத்திரும்பியிருந்தமை காரணமாக மோசமான தாக்கம் பதிவாகியிருந்தது.

வங்கியின் மொத்த சொத்துக்களின் பெறுமதி 2022 மார்ச் 31 ஆம் திகதியன்று 10% இனால் அதிகரித்து ரூ. 129,878 மில்லியனாக பதிவாகியிருந்தது. கடன்கள் மற்றும் முற்பணங்கள் ஆகியன 11%இனால் அதிகரித்து ரூ. 75,479 மில்லியனாக பதிவாகியிருந்தது. சகல பிரிவுகளிலும் CASA மீதிப் பிரிவுகளின் மீது அதிகளவு கவனம் செலுத்தியிருந்தமையினால், வாடிக்கையாளர்கள் வைப்புகள் 9%இனால் அதிகரித்து ரூ. 91,226 மில்லியனாக பதிவாகியிருந்தது. 2022 மார்ச் 31 ஆம் திகதியன்று CASA விகிதம் 30.4% எனும் ஆரோக்கியமான நிலையில் காணப்பட்டது. உறுதியான மீட்சி ஆற்றல்கள் மற்றும் மாற்றியமைத்துக் கொள்ளத் தக்க மீளச் செலுத்தல் திட்டங்களினூடாக, வங்கியின் 3ஆம் கட்ட கடன் விகிதம் 4.8% எனும் மட்டத்தில் கட்டுப்படுத்தப்பட்டிருந்தது.

வங்கி ஆரோக்கியமான நிதி மூலதன போதுமை விகித நிலையை பேணியிருந்ததுடன், இது ஒழுங்குபடுத்தல் தேவைப்பாட்டை விட உயர்ந்த நிலையில் காணப்பட்டது. வங்கியின் மொத்த மூலதன போதுமை விகிதம் 2022 மார்ச் 31 ஆம் திகதியன்று 14.45% ஆக காணப்பட்டது.

UB ஃபினான்ஸ் கம்பனி லிமிடெட் மற்றும் நஷனல் அசெட் மனேஜ்மன்ட் லிமிடெட் ஆகியவற்றைக் கொண்ட யூனியன் வங்கிக் குழுமம் மீளாய்வுக்குட்படுத்தப்பட்ட காலப்பகுதியில் வரிக்கு முந்தைய இலாபமாக ரூ. 398 மில்லியனைப் பதிவு செய்திருந்தது. இது ஒப்பீட்டளவில் 5% சரிவாகும். குழுமத்தின் மொத்த சொத்துக்கள் பெறுமதி 10% இனால் அதிகரித்து ரூ. 136,132 மில்லியனாக பதிவாகியிருந்தது. இதில் வங்கியின் பங்கு 95% ஐ விட உயர்வாக காணப்பட்டது.

தொழிற்பாட்டு பெறுபேறுகள்

தனியார் துறைக்கான கடன் வளர்ச்சி மற்றும் உரிய காலப்பகுதியில் நிலவிய வாய்ப்புகளை கையகப்படுத்தும் வகையிலமைந்த உறவு பேணல் செயற்பாடுகள் போன்றவற்றினூடாக, கூட்டாண்மை வங்கியியல் பிரிவினால் குறிப்பிடத்தக்களவு பெறுபேறுகள் வளர்ச்சி பதிவு செய்யப்பட்டிருந்தது. கடன்கள் மற்றும் முற்பணங்கள் பிரிவில் 27% வளர்ச்சியையும், வைப்புகள் பிரிவில் 29% வளர்ச்சியையும், தரகு மற்றும் கட்டண வருமானத்தில் 13% அதிகரிப்பையும் பதிவு செய்திருந்தது. நாணய மதிப்பிறக்கம் காரணமாக அந்நிய நாணய புத்தகப் பெறுமதி மீள் மதிப்பீடு செய்யப்பட்டிருந்தமை காரணமாக, கடன் மற்றும் வைப்பு இருப்புகள் அதிகரிப்பை பதிவு செய்திருந்தன.

அந்நிய நாணய வைப்புகளை அதிகரிக்கச் செய்வது மற்றும் நுகர்வோர் வங்கியியல் பிரிவில் எல்லைப் பெறுமதிகளை தந்திரோபாய ரீதியில் பேணியிருந்தமை காரணமாக வைப்புகளில் 6% வளர்ச்சியும் CASA விகிதத்தில் 28% வளர்ச்சியும் பதிவாகியிருந்தன. மீளாய்வுக்குட்படுத்தப்பட்ட காலப்பகுதியில் கடன் அட்டை பிரிவு தொடர்ந்தும் உறுதியான வளர்ச்சியை பதிவு செய்திருந்தன.

பெண் தொழில் முயற்சியாளர்கள் மற்றும் சிறு தேயிலை செய்கையாளர்களுக்கு பிரதானமான வகையில் கடன் உதவி வழங்குவதற்கு ஆசிய அபிவிருத்தி வங்கியின் ஆதரவைப் பெற்றிருந்தமையினூடாக சிறிய நடுத்தரளவு தொழில்முயற்சியாண்மை வங்கியியல் பிரிவு உறுதியான நிலையில் காணப்பட்டது. மீளாய்வுக்குட்படுத்தப்பட்ட காலப்பகுதியில் சிறிய நடுத்தரளவு தொழில்முயற்சியாண்மை வங்கியியல் பிரிவு வைப்புகள் மற்றும் CASA இல் அதிகரிப்பை பதிவு செய்திருந்தது. வங்கியின் விருதை வென்ற பண முகாமைத்துவ தீர்வான Union Bank Biz-Direct இனூடாக CASA பிரதானமாக வழிநடத்தப்பட்டிருந்ததுடன், கூட்டாண்மை மற்றும் சிறிய நடுத்தரளவு தொழில்முயற்சியாண்மை துறைகளில் புதிய வாடிக்கையாளர்களை எய்துவதிலும் பங்களிப்பு செலுத்தியிருந்தது.

2022ஆம் ஆண்டுக்கான பிரான்ட் ஃபினான்ஸினால் மிக அண்மையில் வெளியிடப்பட்ட தரப்படுத்தல்களில் இலங்கையின் சிறந்த 100 வர்த்தக நாமங்களில் ஒன்று எனும் தனது நிலையை யூனியன் வங்கி வர்த்தக நாமம் தொடர்ந்தும் பேணியிருந்தது. 2021 ஆம் ஆண்டுக்கான வங்கியின் வருடாந்த பொது ஒன்று கூடல், 2021 மார்ச் 31ஆம் திகதி முன்னெடுக்கப்பட்டிருந்ததுடன், “Persist, Persevere” எனும் தொனிப்பொருளின் கீழ் 2021 ஆம் ஆண்டுக்கான வங்கியின் வருடாந்த நிதி அறிக்கை வெளியிடப்பட்டிருந்தது.