தமது வாடிக்கையாளர்களுக்கு சௌகரியமான வங்கிச் சேவைகளை பெற்றுக் கொடுப்பதற்கு தொழில்நுட்ப ரீதியில் மேம்படுத்திய சேவைகளை வழங்கும் தனது அர்ப்பணிப்புக்கமைய, யூனியன் வங்கி Missed Call வங்கிச் சேவையை அண்மையில் அறிமுகம் செய்திருந்தது. எந்தவொரு மொபைல் தொலைபேசியினூடாகவும் மொபைல்-அடிப்படையிலான வங்கிச் சேவைகளை பெற்றுக் கொள்ளக்கூடிய வகையிலமைந்த சேவையாக இது அமைந்துள்ளது.
யூனியன் வங்கியின் Missed Call வங்கியியல் சேவை என்பது குறுந் தகவல் சேவை (SMS) அடிப்படையிலான அறிவுறுத்தல்களை வழங்கும் சேவையாக அமைந்திருப்பதுடன், கணக்குதாரர்களுக்கு தமது கணக்கு மீதிகளை உடனுக்குடன் தமது கையடக்க தொலைபேசியில் பெற்றுக் கொள்ளும் வசதியை வழங்குகின்றது.
இந்த சேவையை பெற்றுக் கொள்வதற்கு, கணக்குதாரர்கள் யூனியன் வங்கியின் SMS அலேர்ட்ஸ் வசதிக்கு தம்மைப் பதிவு செய்து கொள்ள வேண்டும் என்பதுடன், இதனை கணக்கை ஆரம்பிக்கும் போது செயற்படுத்திக் கொள்ள முடியும் அல்லது குறித்த சேவைக்கான விண்ணப்பப் படிவத்தை பூர்த்தி செய்து சமர்ப்பிப்பதனூடாக மேற்கொள்ளலாம். அதனைத் தொடர்ந்து, பாவனையாளர்களுக்கு நிலுவையிலுள்ள மீதி மற்றும் அவர்களின் வங்கிக் கணக்குகளின் மீதான இதர பிந்திய தகவல்கள் போன்றவற்றை SMS ஊடாக பெற்றுக் கொள்ளலாம். கணக்குதாரர்கள் 0115 800 700 எனும் இலக்கத்துக்கு ‘missed call’ ஒன்றை மேற்கொள்ளலாம் அல்லது வழங்கப்பட்ட குறியீட்டுடன் SMS ஒன்றை அனுப்பி, கோரிய கணக்கு விவரங்களுடன் அவசியமான அறிவித்தல்களைப் பெற்றுக் கொள்ளலாம்.
யூனியன் வங்கியின் Missed Call மற்றும் SMS வங்கிச் சேவை என்பது, இந்த தொற்றுப் பரவலுடனான காலப்பகுதியில் மிகவும் பயனுள்ளதாக அமைந்திருக்கும். வாடிக்கையாளர்களுக்கு பாதுகாப்பாக தமது இருப்பிடங்களில் இருப்பதற்கும், தமது கணக்கு மீதிகளை அறிந்து கொள்வதற்கும், கணக்குகளில் இடம்பெறும் கொடுக்கல் வாங்கல்கள் பற்றி உடனுக்குடன் அறிந்து கொள்வதற்கும் ஏதுவாக இருக்கும்.
மொபைல் வங்கியியல் சௌகரியத்தில் புதிய உள்ளடக்கம் தொடர்பில் நுகர்வோர் வங்கியியல் பிரிவின் உப தலைவர் சாயா ஜயவர்தன கருத்துத் தெரிவிக்கையில், “எமது வாடிக்கையாளர்களுக்கு வங்கியியல் அனுபவத்தை எளிமைப்படுத்தி வழங்குவது தொடர்பில் தொடர்ச்சியான புதிய வழிமுறைகளில் நாம் கவனம் செலுத்தி வருவதுடன், அதனூடாக பயன்படுத்த எளிமையான, செலவில் குறைந்த டிஜிட்டல் வங்கித் தீர்வுகளை அறிமுகம் செய்துள்ளோம். இவற்றினூடாக, வங்கிக் கொடுக்கல் வாங்கல்களை இலகுவாகவும் சௌகரியமாகவும் மேற்கொள்ள முடிந்துள்ளது. அந்த வழியில் யூனியன் வங்கியின் Missed Call வங்கிச் சேவை என்பது மற்றுமொரு முன்நோக்கிய படியாக அமைந்திருப்பதுடன், வாடிக்கையாளர்களுக்கு தாம் எங்கிருந்தாலும் எந்நேரத்திலும் தமது கணக்கு மீதி தொடர்பில் உடனுக்குடன் சௌகரியமாக தமது கையடக்க தொலைபேசியில் அறிந்து கொள்ளும் வசதியை வழங்குகின்றது. கணக்கு தொடர்பான தகவல்களைப் பெற்றுக் கொள்ளும் இந்த ஒருபடிமுறை செயன்முறையானது, வாடிக்கையாளர் அனுபவத்தை பெருமளவு மேம்படுத்துவதாக அமைந்திருக்கும் என்பதுடன், காலத்தையும் மீதப்படுத்தி, கணக்கு தொடர்பான தகவல்களை நாளின் எந்நேரத்திலும் நம்பத்தகுந்த வகையில் பெற்றுக் கொள்வதற்கு உதவியாக அமைந்திருக்கும் என்பதில் நாம் நம்பிக்கை கொண்டுள்ளோம்.” என்றார்.
யூனியன் வங்கியின் Missed Call வங்கியியல் சேவையினூடாக, முக்கியமான கொடுக்கல் வாங்கல் தீர்மானங்களை மேற்கொள்வதற்கு முன்னர், தனிநபர் சேமிப்பு மற்றும் நடைமுறைக் கணக்குதாரர்களுக்கு அருகாமையிலுள்ள தன்னியக்க டெலர் இயந்திரத்துக்கு (ATM) அல்லது கிளைக்கு பயணம் செய்வது அல்லது வாடிக்கையாளர் பராமரிப்பு சேவையுடன் தொலைபேசி ஊடாக தொடர்பை மேற்கொள்வதற்கு விரயமாகும் நேரத்தை சேமித்து, பயனுள்ள வகையில் செலவிட முடியும். எந்த நேரத்திலும் கணக்கு மீதி பற்றி அறிந்து கொள்வதற்கு வாடிக்கையாளர்கள் 0115 800 700 எனும் இலக்கத்துக்கு missed call ஒன்றை மேற்கொள்ளலாம் அல்லது ‘Bal’ என டைப் செய்து அதே இலக்கத்துக்கு SMS செய்யலாம். பதிவு செய்து கொள்ளும் சேவையும் வழங்கப்படுகின்றது. வாடிக்கையாளர்களுக்கு தினசரி ஒரு தடவை வீதம் 30 நாட்களுக்கு கணக்கு மீதியை பெற்றுக் கொள்வதற்கு M100 என டைப் செய்து அனுப்பி பதிவு செய்து கொள்ளலாம். M150 பதிவு சேவையினூடாக, நாளொன்றுக்கு இரு தடவைகள் கணக்கு மீதி தொடர்பான தகவல்கள் SMS வாயிலாக அனுப்பப்படும். இந்த M150 சேவை என்பது, கணக்கு மீதி, காசோலைகள் மற்றும் கணக்கு மிதப்புகள் தொடர்பில் தொடர்ச்சியாக பதிவுகளை பேண எதிர்பார்க்கும் வாடிக்கையாளர்களுக்கு மிகவும் பொருத்தமானதாக அமைந்திருக்கும். வாடிக்கையாளர் ஒருவரின் மூன்று கணக்குகள் வரை இந்த சேவைக்கு சேர்த்துக் கொள்ளலாம். மேலும், பாவனையாளர்களுக்கு சௌகரியமான வகையில், தினசரி குறிப்பிட்ட நேரத்தில் மீதி தொடர்பான தகவல்களை பெற்றுக் கொள்ளவும் முடியும். சாதாரண கையடக்க தொலைபேசியிலும் இந்தச் சேவையை பெற்றுக் கொள்ள முடியும் என்பதால், ஸ்மார்ட்ஃபோன் அல்லாத சாதாரண தொலைபேசியை பயன்படுத்துவோரும் இந்த சேவையை பெற்றுக் கொள்ளலாம்.
யூனியன் வங்கியின் Missed Call Banking சேவை தொடர்பான மேலதிக தகவல்களுக்கும் ஏனைய தீர்வுகள் மற்றும் சேவைகள் தொடர்பான விவரங்களையும் வங்கியின் கூட்டாண்மை இணையத்தளமான www.unionb.com இல் பார்வையிட முடியும். மேலதிக தகவல்களுக்கு அல்லது உதவிகளைப் பெற்றுக் கொள்வதற்கு வாடிக்கையாளர்கள் தமது கிளை முகாமையாளர்கள் அல்லது உறவு பேணல் முகாமையாளர்களுடன் தொடர்பு கொள்ளலாம்.
