யூனியன் வங்கியின் பெரும்பாண்மை பங்குகளை Culture Financial Holdings கையகப்படுத்துவது தொடர்பில் 2022 டிசம்பர் மாதம் அறிவிக்கப்பட்டிருந்த நிலையில், 2023 ஒக்டோபர் 24 ஆம் திகதி துணை நிறுவனமான CG Capital Partners Global Pte. Ltd. இனால் குறித்த கையகப்படுத்தல் கொடுக்கல் வாங்கல்கள் முற்றுப் பெற்றுள்ளமை தொடர்பான அறிவித்தல் கொழும்பு பங்குப் பரிவர்த்தனைக்கு வங்கியின் பணிப்பாளர் சபையினால் அறிவிக்கப்பட்டுள்ளது.

Culture Financial Holdings ஆனது CG Capital Partners Pte Ltd. இல் கொண்டுள்ள உரிமையாண்மையினூடாக, யூனியன் வங்கியின் பெரும்பாண்மை பங்குதாரராக திகழ்கின்றது. 160 க்கு மேற்பட்ட நிறுவனங்கள் மற்றும் 123 வர்த்தக நாமங்களை சர்வதேச மட்டத்தில் கொண்டுள்ள முன்னணி பன்முகப்படுத்தப்பட்ட நிறுவனமாகவும், ஆசியாவில் உறுதியான பிரசன்னத்தைக் கொண்டுள்ளதையிட்டும் CG Corp Global (CG) பெருமை கொள்கின்றது. தன்வசம் 15000 க்கும் அதிகமான ஊழியர்களையும் கொண்டிருக்கின்றமையும் குறிப்பிடத்தக்கது. வங்கியியல் மற்றும் நிதியியல், விருந்தோம்பல், சீமெந்து, நீர்மின் உற்பத்தி, தொலைத்தொடர்பாடல் மற்றும் கல்வி ஆகிய பல துறைகளில் பிரதான செயற்பாட்டாளராகவும் திகழ்கின்றது. நேபாளத்தின் நிதிச் சேவைகள் துறையில் பாரிய செயற்பாட்டாளராக இந்நிறுவனம் திகழ்வதுடன், நபில் வங்கியின் பெரும்பாண்மை பங்குதாரராகவும் திகழ்கின்றது. நேபாள பங்குப்பரிவர்த்தனையில் பட்டியலிடப்பட்ட மாபெரும் தனியார் வங்கியாகவும் நபில் வங்கி திகழ்கின்றது.

இலங்கையில் முதலீடு செய்வது தொடர்பில் CG தனது அவதானத்தை செலுத்தியிருந்த முதலாவது சந்தர்ப்பமாக இது அமைந்திருக்கவில்லை. நாடு முழுவதிலும் காணப்படும் பல உயர்மட்ட சொத்துகள், சொகுசு ஹோட்டல்கள் மற்றும் ரிசோர்ட்களில் பிரதான பங்குதாாராக திகழ்கின்ற நிலையில், நிதிச் சேவைகள் துறையிலும் தனது முதலீடுகளை வியாபித்துள்ளது. இலங்கைக்காக கொண்டுள்ள தனது அர்ப்பணிப்பை மீள உறுதி செய்யும் வகையில் இது அமைந்துள்ளதுடன், இந்த சவால்கள் நிறைந்த காலப்பகுதியில் ஆதரவளிப்பது மற்றும் வலிமையூட்டுவதற்கான மூலமாக திகழ்கின்றதுடன், இலங்கையில் வெளிநாட்டு முதலீட்டாளர் நம்பிக்கையை மீள உறுதி செய்வதாகவும் அமைந்துள்ளது. தனது பிரதான பங்குதாரராக இவ்வாறான சர்வதேச அதிகார மையத்தைக் கொண்டிருப்பது என்பது யூனியன் வங்கியைப் பொறுத்தமட்டில் மாபெரும் மைல்கல்லாக அமைந்துள்ளது.

CG Corp Global இன் தவிசாளர் கலாநிதி. பினோத் கே. சௌத்ரி கருத்துத் தெரிவிக்கையில், “இலங்கையின் நிதிச் சேவைகள் துறையிலும், யூனியன் வங்கியிலும் மேற்கொள்ளப்படும் மாபெரும் முதலீடாக இது அமைந்துள்ளது. வங்கி உறுதியான பதிவுகளைக் கொண்டுள்ளதுடன், வங்கித்துறையில் மேலும் உயர்ந்த ஸ்தானத்துக்கு செல்லவும், பல சாதனை மைல்கல்களை எய்தவும் அதிகளவு வாய்ப்புகளைக் கொண்டுள்ளது. இலங்கையில் முன்னணி தனியார் வர்த்தக வங்கிகளில் ஒன்றாக யூனியன் வங்கியைத் திகழச் செய்வதற்கு மூலோபாய வளர்ச்சி வழிமுறையை நாம் முன்னெடுக்கின்றோம். இந்த வளர்ச்சி என்பது மேலும் விஸ்தீரணப்படுத்தல்களையும், கையகப்படுத்தல்களையும் எதிர்கொள்ளலாம். நேபாளத்தின் மாபெரும் வங்கியாக நபில் வங்கியை திகழச் செய்வதற்காக மேற்கொள்ளப்பட்டிருந்த கையகப்படுத்தல் மற்றும் மறுசீரமைப்பு செயற்பாடுகள் போன்றன இதற்கு சிறந்த உதாரணமாகும். CG இன் பிரதான உள்ளம்சங்கள் மற்றும் நிபுணத்துவம் போன்றவற்றின் அடிப்படையில், ஆபிரிக்கா, நேபாளம் மற்றும் பூட்டான் ஆகிய முன்னிலை சந்தைகளில் யூனியன் வங்கியின் விரிவாக்கம் தொடர்பில் காணப்படும் வாய்ப்புகள் தொடர்பில் கவனம் செலுத்த நாம் எதிர்பார்க்கின்றோம். இலங்கையில் காணப்படும் நன்மதிப்பை பெற்ற மற்றும் சிறந்த மூலதன இருப்பை கொண்ட வங்கியுடன் இணைந்துள்ளதையிட்டு மகிழ்ச்சியடைகின்றோம். இணைந்து நாம் முன்நோக்கி பயணிக்கையில் மேலும் பல விடயங்களை எம்மால் மேற்கொள்ளக்கூடியதாக இருக்கும் என்பதில் நான் நம்பிக்கை கொண்டுள்ளேன்.” என்றார்.

யூனியன் வங்கியின் பிரதம நிறைவேற்று அதிகாரி இந்திரஜித் விக்ரமசிங்க கருத்துத் தெரிவிக்கையில், “நாட்டில் முன்னணி மற்றும் நம்பிக்கையை வென்ற வங்கியாக யூனியன் வங்கி தன்னை கட்டியெழுப்பியுள்ளது. CG Capital Partners Pte Ltd. உடன் கொண்டுள்ள பங்காண்மை என்பது, வங்கியினதும், அதன் ஊழியர்களினதும் மற்றும் அதன் வாடிக்கையாளர்களினதும் அடுத்த கட்ட வளர்ச்சிக்கான மாபெரும் தூண்டுதலாக அமைந்துள்ளது. உயர் மூலதன போதுமை விகிதத்தை கொண்டுள்ள வங்கிகள் வரிசையில் காணப்படுவதனூடாகவும், இந்தப் பங்காண்மையினூடாகவும், வங்கியின் நிதிசார் உறுதித் தன்மை மீள உறுதி செய்யப்பட்டுள்ளதுடன், எதிர்கால தந்திரோபாய விரிவாக்கத்துக்கு ஆதரவளிப்பதாகவும் அமைந்துள்ளது. வங்கியின் வளர்ச்சிப் பயணத்துக்கு முக்கிய பங்களிப்பாளராகவும் அமைந்துள்ளது.” என்றார்.

யூனியன் வங்கி பற்றி

28 வருடங்களுக்கு மேலாக இலங்கையின் நிதிச் சேவைகள் துறையில் அனுபவத்தைக் கொண்டுள்ள யூனியன் வங்கி, நாடு முழுவதிலும் பரந்து காணப்படும் தனது கிளை வலையமைப்பினூடாக, தனிநபர், கூட்டாண்மை மற்றும் சிறிய, நடுத்தரளவு தொழில்முயற்சியாளர் வங்கியியல் துறைகளில் பரிபூரண தீர்வுகளையும் சேவைகளையும் வழங்குகின்றது. 2011 ஆம் ஆண்டு முதல் யூனியன் வங்கி கொழும்பு பங்குப் பரிவர்த்தனையில் பட்டியலிடப்பட்டுள்ளதுடன், ஒழுங்குபடுத்தல் தேவைப்பாடுகளை பூர்த்தி செய்து, உறுதியான உயர்ந்த ஸ்தானத்தில் திகழ்கின்றது. வங்கியின் மூலோபாய ரீதியான துணை நிறுவனங்களில் இலங்கையின் முன்னணி சொத்துகள் முகாமைத்துவ நிறுவனமான National Asset Management Limited (NAMAL) மற்றும் UB ஃபினான்ஸ் கம்பனி லிமிடெட் ஆகியன அடங்கியுள்ளன. 2012 ஆம் ஆண்டு முதல் இலங்கையின் மிகவும் பெறுமதி வாய்ந்த நூறு வர்த்தக நாமங்களின் வரிசையில் யூனியன் வங்கியையும், பிரான்ட் ஃபினான்ஸ் தரப்படுத்தியுள்ளது. மேலதிக தகவல்களுக்கு, பார்வையிட: www.unionb.com.

CG Capital Partners பற்றி

CG Capital Partners Global Pte Ltd என்பது CG Corp Global.இன் துணை நிறுவனமாகும். 1935 இல் நிறுவப்பட்ட, CG Corp Global பல் வியாபார பன்முகப்படுத்தப்பட்ட வியாபாரக் குழுமமாக திகழ்வதுடன், ஆசியாவில் Global Growth Company எனவும் அறியப்படுகின்றது. ஐக்கிய அரபு இராஜ்ஜியத்தின் துபாயில் தலைமையகத்தைக் கொண்டுள்ளதுடன், 35 நாடுகளில் உறுதியான பிரசன்னத்தைக் கொண்டுள்ளது. இதன் பிரதான பிரிவுகளில் உணவு மற்றும் பானங்கள், நிதிச் சேவைகள், உட்கட்டமைப்பு, ரியல் எஸ்டேட் மற்றும் விருந்தோம்பல் ஆகியன அடங்கியுள்ளன. மேலதிக தகவல்களுக்கு விஜயம் செய்யவும்: www.cgcorpglobal.com

ஊடக தொடர்புகளுக்கு

யூனியன் வங்கி: Thishani Dissanayake, Vice President, Marketing
CG Corp: Ajani Wijesiriwardana, Head of Operations – Sri Lanka +94777370227