24 மே 2019 : யூனியன் வங்கியின் நீண்ட கால தரப்படுத்தலை உறுதியான எதிர்கால நோக்குடன் ‘BB+(lka)’ இலிருந்து ‘BBB-(lka)’ ஆக ஃபிட்ச் ரேட்டிங்ஸ் லங்கா மெருகேற்றியுள்ளது.

யூனியன் வங்கியின் மெருகேற்றப்பட்ட தரப்படுத்தலினூடாக, அதிகளவு பன்முகப்படுத்தப்பட்ட கடன் புத்தகத்தினூடாக, சிறந்த இடர் கோவை பிரதிபலிக்கப்பட்டுள்ளதுடன், இதர தரப்படுத்தல் செலுத்துநர்களுடன் ஒப்பிடுகையில் அதிகரித்த இலாபம் மற்றும் சராசரியை விட உயர்வான மூலதனவாக்கம் போன்றன பிரதிபலிக்கப்பட்டுள்ளன.

2018 ஆம் ஆண்டின் நிறைவில் கூட்டாண்மை, சிறிய நடுத்தரளவு தொழில் முயற்சிகள் மற்றும் சில்லறை கடன்கள் அடங்கலாக பன்முகப்படுத்தப்பட்ட கடன் திரட்டு முறையே 48%, 33% மற்றும் 19% ஆக வெற்றிகரமாக பதிவாகியிருந்தமை இந்த தரப்படுத்தல்களினூடாக பிரதிபலிக்கப்பட்டிருந்தது. 2018 ஆம் ஆண்டின் நிறைவில் வங்கியின் நிகர தொழிற்படா கடன் விகிதம் 3.7% ஆக பதிவாகியிருந்தமையை இந்த தரப்படுத்தல் கவனத்தில் கொண்டிருந்ததுடன், மத்திய கால அடிப்படையில் கடன் வளர்ச்சி மேலும் விரிவடையும் என அது நம்பிக்கை கொண்டுள்ளது.

யூனியன் வங்கியின் வளர்ந்துவரும் வணிக வங்கியியல் வர்த்தக நாம அடையாளம் மற்றும் தொடர்ச்சியாக மேம்பட்டுவரும் இலாபகரத்தன்மை போன்றவற்றில் இந்த தரப்படுத்தல் மெருகேற்றம் உறுதிப்பாட்டை வெளிப்படுத்தியுள்ளது. 2018 ஆம் ஆண்டில் வங்கியின் வரிக்கு முந்திய இலாபம் 1 பில்லியன் ரூபாயை விட அதிகமாக பதிவாகியிருந்தது. இது 49% அதிகரிப்பாகும். இதில் பிரதான வங்கியியல் வருமான வளர்ச்சி பங்களிப்பு வழங்கியிருந்தது.

2018 ஆம் ஆண்டில் வங்கியின் தேறிய வட்டி வருமானம் ரூ. 3,652 மில்லியனாக பதிவாகியிருந்தது. இது 19.9% வரை அதிகரிப்பாகும். கட்டணங்கள் மற்றும் தரகு வருமானம் ஆகியவற்றை மேம்படுத்துவது தொடர்பில் கவனம் செலுத்தியிருந்தமை காரணமாக, பிரதானமாக வைப்புகளுடன் தொடர்புடைய கட்டணங்கள், வர்த்தகம் மற்றும் பண அனுப்புகைகள், கடன்கள், அட்டைகள் மற்றும் இதர கட்டணங்களைக் கொண்ட வங்கியின் கூலி மற்றும் தரகு வருமானம் முன்னைய ஆண்டுடன் ஒப்பிடுகையில் 23.6% வளர்ச்சியை பதிவு செய்திருந்தது.

யூனியன் வங்கியின் தொழிற்படு இலாபம்/இடர் உடன் தொடர்புடைய சொத்துக்கள் 2018 இல் 1.5% வரை அதிகரிப்புடன், இலாபகர குறிகாட்டிகள் 2018 இல் அதிகரித்திருந்ததாக தெரிவித்திருந்தது. இதில் சிறந்த தேறிய வட்டி எல்லைப் பெறுமதிகள் உயர் பங்களிப்பை வழங்கியிருந்ததுடன், உயர் வலுக்குறைப்பு செலவீனங்களை நிவர்த்தி செய்யவும் பங்களிப்பு வழங்கியிருந்தது என ஃபிட்ச் ரேட்டிங்ஸ் கொழும்பு அலுவலகம் அறிவித்திருந்தது. 2019 ஆம் ஆண்டிலும் சவால்கள் நிறைந்த சூழல் காணப்பட்ட போதிலும், இந்த முன்னேற்றகரமான நிலை தொடரும் என நாம் எதிர்பார்ப்பதாக குறிப்பிட்டுள்ளது.

2018 ஆம் ஆண்டின் நேர்த்தியான வளர்ச்சி உத்வேகத்தை முன்னெடுத்து, 2019 ஆம் ஆண்டின் முதலாவது காலாண்டில் ஆரோக்கியமான நிதிப் பெறுபேறுகளை பதிவு செய்துள்ளது. வங்கி தனது பிரதான வங்கியியல் செயற்பாடுகளில் குறிப்பிடத்தக்களவு வளர்ச்சியை பதிவு செய்திருந்ததுடன், முன்னைய ஆண்டுடன் ஒப்பிடுகையில் தொழிற்பாட்டு செயற்பாடுகளினூடாக இலாபத்தில் 62% அதிகரிப்பை பதிவு செய்திருந்தது. 2019 மார்ச் மாதத்துடன் நிறைவடைந்த காலப்பகுதியில் வரிக்கு முன்னைய இலாப அதிகரிப்பில் முன்னைய ஆண்டுடன் ஒப்பிடுகையில் 49% வளர்ச்சியை பதிவு செய்திருந்தது. வியாபார செயற்பாடுகளில் தொடர்ச்சியான கவனம் செலுத்துகையினூடாக தேறிய வட்டி வருமானத்தில் முன்னைய ஆண்டுடன் ஒப்பிடுகையில் 2019 மார்ச் 31 ஆம் திகதியுடன் நிறைவடைந்த முதல் காலாண்டில் 19% அதிகரிப்பு பதிவாகி ரூ. 1,013 மில்லியனாக காணப்பட்டது. தரகு மற்றும் கூலி கட்டண வருமானம் முதல் காலாண்டில் 19% அதிகரிப்பை பதிவு செய்திருந்தது.

இலங்கையின் அதிகளவு மூலதனவாக்கத்தைக் கொண்ட தனியார் வணிக வங்கியாக யூனியன் வங்கி தொடர்ந்தும் முன்னேற்றத்தைப் பதிவு செய்ய தன்னை நிலைப்படுத்தியுள்ளது. இதற்கு ஐக்கிய அமெரிக்காவை தளமாகக் கொண்டியங்கும் சர்வதேச முதலீட்டு நிறுவனமான TPG இன் 70 பில்லியன் அமெரிக்க டொலர்களுக்கும் அதிகமான தொகை மூலதனமாக வழங்கப்பட்டுள்ளமை பெரிதும் பக்கபலமாக அமைந்திருக்கும். TPG இன் முதலீட்டைத் தொடர்ந்து, வளர்ச்சியை நோக்கிய புதிய பயணத்தை யூனியன் வங்கி ஆரம்பித்துள்ளதுடன், சகல வசதிகளையும் கொண்ட வணிக வங்கியாக கூட்டாண்மை, சிறிய நடுத்தரளவு வணிகங்கள் மற்றும் சில்லறை வங்கியல் பிரிவுகளுக்கு சேவைகளை பெற்றுக் கொடுக்க முன்வந்துள்ளது. உறுதியான அடித்தளத்துடனான நிதியியல் உறுதிப்பாட்டுடனும் புதுப்பிக்கப்பட்ட வியாபார நோக்குடன் சர்வதேச அனுபவத்தைக் கொண்டு இயங்கும் யூனியன் வங்கி தற்போது இலங்கையில் வேகமாக வளர்ந்து வரும் வணிக வங்கிகளில் ஒன்றாக திகழ்கின்றது.

வங்கியின் மூலதன நிலையை பற்றி ஃபிட்ச் ரேட்டிங் குறிப்பிடுகையில், ‘2018 ஆம் ஆண்டின் நிறைவில் ஃபிட்ச் பிரதான மூலதன விகிதத்தின் பிரகாரம் யூனியன் வங்கியின் மூலதன நிலை என்பது 15.4% ஆக காணப்பட்டது. இதே வகையான தரப்படுத்தலைக் கொண்ட ஏனைய நிறுவனங்களுடன் ஒப்பிடுகையில் இது உறுதியானதாக அமைந்திருந்தது. யூனியன் வங்கியினால் சௌகரியமான மூலதன இடைதாங்கல்களை பேண முடியும் என்பதில் நாம் நம்பிக்கை கொண்டுள்ளதுடன், ஒழுங்குபடுத்தலின் ஆகக்குறைந்த மூலதன தேவைப்பாட்டை நிவர்த்தி செய்யக்கூடியதாக அமைந்திருக்கும். தேவையெனில் பற்றாணைகளினூடாக பிரதான பங்காளரிடமிருந்து மூலதனத்தை அணுகக்கூடிய வசதியையும் கொண்டுள்ளது.’ என பதிவாகியிருந்தது